واخيراً رحت للمرخه..تعالوا شوفوا ايش قالت

[نوووشا]

صباح /مساء الخيير

كيفك ان شاءالله كلكم بخيير

تعرفون سالفتي مع الحمل والامل حق كل شهر بانتظار الحمل لكن الحمدلله
المهم واخيراً اقنعتني اختي اروح لمرخه للمرة المليون ورحت
اول مادخلت عليها سلمت وجلست قالت لي انتي منفوسه يابنتي وشكل اللي ماخر الحمل عيون ونفوس فيكم هزيت كتوفي باني مدري المهم وجلست تحكيني عن الدواء وكيف اخذه بعدين مرخت بطني وقالت لي عندك ضعف تكيس بس خفيف قلت انا رحت المستشفى وسويت سونار وماطلع شيء قالت ايه شكلها توه جايك وفركت ظهري قالت ظهرك جداً تعبااااااان وعطتني كيسين اعشاب واحد بالليل وواحد بالصبح اللي بالصبع هو نفسه ياخذ منه زوجي بالليل وعطتني تحاميل عجنتها بفازلين تقولي بعد الطهارة لمدة 14 يووم واستخدمتها اول يوم نزلت معي موياااااااات وبعدين صارت تخف وتخف وصار يطلع الفازلين جامد قطع صغيرة والحين بعد 8 ايام من الاستخدام صار معي الم داخل المهبل وبعد التبول الم فضيع وعند الجماع وانا اغسل احس فيني شيء من جوا (طبعاً لمن انظف باصبعي من جوا) مدري احس خفت من هالشيء علماً انها قالت لي راح تنظف بطنك وتطلع كل مافيك حتى لو حسد او عين انتي وزوجك

وبس.. اسفه طولت عليكم بس ابي اعرف من وش هالالم والمويات ماعند تنزل اكمل التحاميل والا خلاص اوقفها

[الله أملي ورجائي]

والله يااختي ماعندي علم

انا اضاهر بحاجه للممرخه

لان بالفعل ضهري تعبان وخاصه الحًوض جهه اليمين

بس وين اجيبها هالممرخه لاوربا

[معانده]

وش ذا تحاميل تطلع الحسد والعين ..!
اختي نصيحه لاتكملين ولاتروحين لها هذي دجاله
لو فيك تكيس كان وضح مع التحاليل ماعليك منها
لاتضرين نفسك حبيبتي غيري دكتورتك مثلا روحي لثانيه
اذا قالو لك نفس السبب فاخذي علاجهم وسوي مثل مايقولون
وعليك بالدعاء والاستغفار والصدقه والله يكتب لك الخير
ملاحظه / اطلعي ع موضوعي تاخر الحمل

[إحساس إمرأة]

ما عندي علم ياقلبي
ان شاء الله الاخوات يفدونك يااارب
أسأل الله ان يرزقك بحمل السليم المعافة
و يرزق كل وحدة اللي تتمنى

[إحساس إمرأة]

[نوووشا]

مشكورين على المرور والرد الجميل
اختي معانده لا استغفرالله الحرمة شكلها محترم وتذكر الله كثير والاعشاب اللي اعطتني اياها نفس اللي كتبتي عنها بموضوع تاخر الحمل وبعدين بتحاميل تقصد انها بتطلع المويات والدم وكل اللي ببطني خايس هههه
والاعشاب تقصد انها مقري فيها واح تبعد الحسد والعين باذن الله اعرف كثير راحوا لها وحملوا ماشاءالله

بس خوفتيني وحبيت ابين لك

[ندى الوردة]

والله أمرها غريب الممرخة كيف عين وحسد هذا تخوف أكثر ماتنفع بالنسبة للمياه علامة حلوه يمكن كان فيك هواء بس الألم لازم تشوفي حل انا اعرف انو ألم الحوض والي يزيد مع الجماع هذا التهاب والله أعلم
الله يشفيك ويرزقك بدون ماتحتاجي لأحد

[تسسسآهيل]

حبيبتي
ما عليك الا العافية ان شاء الله
شوفي اهم شي تستمرين على علاجها بالحرف الواحد
اذا القدر الله جتك الدوره مره ثانيه حطي على نهاية ظهرك لزقه الظهر الامريكية من رابع يوم
وإذا طاحت حطي ثانيه على طول
وخليها لين اليوم العاشر من الدوره
سبحان الله تسحب رطوبه الرحم

وكل شي سبب واحنا علينا العمل بالأسباب

[معانده]

ههههه مشكوره ع التوضيح
طيب مو طلعت فيك ضعف تكيس وانتي سليمه .؟
والاعشاب حتى لو مقري فيها لازم ترقين نفسك وتتعالجين منها عند شيخ اذا ماقدرتي او ماواظبتي عليها بنفسك يعني
اقصد مو بسهوله الحسد و العين تطلع كذا مع تحاميل ..! والعلم عند الله طبعاً
بس دامك مرتاحه لها تابعي عندها وان شاء الله خير

[نوووشا]

يالبيكم

والله اسعدوتني بردودكم حبايبي

موفقين ان شاءالله