قكرتي بشي زين او بشي سيئ وتحقق .فهذا هو السبب

[عزيزة النفس]

من فيكم تثق بحديث الرسول صلى الله عليه وسلم(تفائلو بالخير تجدوه)
المتفائل رح يتحقق له امنياته
والمتشائم رح يشوف فاله على نفسه
سواء بالفلوس او الزواج او الانجاب او المرض او الموت
اذا عشتي الخيال مع نفسك بكل مشاعرك فانه سوف يتحقق سواء زين او شين وهذا يسمونه (قانون الجذب)يعني انتي تجذبين الاشياء والاشخاص والمشاعر واي شي سلبي او ايجابي
اذا تخيلتيه وعشتيه بمشاعرك واحاسيسك
هذا للي اثبته العلم من حديث الرسول صلى الله عليه وسلم
اقرؤ هذه القصص الحقيقيه:

السلام عليكم ورحمة الله وبركاته

عندي كم قصة واول شئ بذكر القصه السلبيه:
في يوم من الايام كنت طالعه اسوي شوبينق وطاحت عيني على صندوق الاسعافات الاوليه وقلت ليش ما اشتريه يمكن انجرح ولا يصير شئ تكون موجوده

(( مع العلم ان الانسان دايما يتخيل الشئ السلبي ببساطة وممكن حدوثه))

المهم خليت الصندوق بغرفتي ثاني يوم انجرحت خمس مرات
فرجلي ويدي واماكن متفرقه

السالفه الثانيه ايجابيه

كنت رايحه للكوافير وعجبني صبغ للأظافر روووعه ورجعت البيت بدون ما اشتريه لاني خلصت كل فلوسي ورديت وانا اقول باجر بيكون عندي (( بس حاطه فنيتي اني بكره اروح اشتريه))
وتم في خاطري
نشيت الصبح لقيت صبغ الأظافر موجود منه خمس حبات استغربت وقلت لامي من وين؟؟؟؟؟؟؟؟
قالت صديق ابوج زوجته عندها صالون وطرشت هذا هديه
(( هذا اخر انسان كنت افكر انه يجيب لنا هديه ما بينا وبينه اي علاقه قويه يعني صديق ابوي من بعيد وايد ما بينهم اختلاط))
يعني خل نقول مثلا اني طبقت قانون الجذب وقلت بكرا الصبغ بيكون عندي اكيد راح تجيني افكار سلبيه تقلي نامي بس نامي من اللي راح يجيبلج الصبغ !!
وانا هذا الشئ دايما يحصل معاي

فاللي اسويه دايما اني اتخيل الموقف واكون من داخلي متاكده اني بحصل هالشي

السالفه الثالثه:

في موضوع مضايقني من اخوي دايما يسويه المهم قبل لا انام قعدت اتخيل وأألف قصص وكان بطل القصه اخوي وتخيلت انه ترك العاده اللي يسويها
يعني باخنصار كأني قاعده بفلم

نشيت من الرقاد بالليل اكتشفت ان اخوي ترك الموضوع

مره كان خاطري بفستان احمر المهم صاحبة المحل صدمتني بالسعر وتم في بالي لدرجة اني قررت اروح وادور القماش واعلم الخياط عالموديل
المهم ما صار نصيب ونسيت الموضوع
رحت لمدينة ثانيه ودخلت بالصدفه محل لقيت الفستان جدامي نفس اللون وقياسي وبسعلا خياااااالي جدا يعني انقص من السعر الاول بست مرات بالضبط

على فكره انا من كثر ما حبيت شكل الفستان صرت اتخيل نفسي لابستنه والكل يسالني من وين و و الخ


السالفه الاخيره:::

طلعت فيوم من الايام اريد أبيع منتج معين لبنت اتصلت وطلبت
المهم وانا فالطريق ما عندي فلوس معتمده على هذي البيعه فقط

وانا فنص الطريق اتصلت البنت وقالت لي خلاص لا تجي اليوم صارت لنا ظروف

المهم انا انهبلت الصراحه لاني كنت محتاجه الفلوس بشده
قعدت اقول فالسياره انا ما برجع البيت الا وعندي فلوس

اكيد بيكون عندي فلوس الحين

ما بدخل من باب البيت الا والفلوس معاي

هههههههههههههههه

جاني هوس


المهم نزلت دورة المياه في احد المحطات وكانت بجانبي سياره المهم وانا راجعه فتحت الباب الخلفي للسياره وكان فيه المنتج اللي رايحه ابيعه للبنت

المهم كان وراي رجال مانتبهتله

قالي لو سمحتي انتي شاريه هالمنتج من وين

قلت له انا ابيعه

قالي بكم قلت بـ كذا


قال انا اشتريه الحين
نسيت اخبركم بشئ مهم بعد

انا من النوع اللي وايد احب اعدل نفسي وصارلي كذا موقف بالصدفه اني لما استعد لحفل وأكون في قمة الشياكه تصير مشكلة فصرت مقتنعه بشكل تام اني كل ما اتكشخ لازم بيصير شئ وتميت على هالحال فتره طويله لسنوات لين اخر شئ ما بديت اقرا قانون الجذب وغيرت افكاري ومن يومها هالشئ ما تكرر ابدا ابدا

والشئ الثاني

انا مره حلمت بفلوس كثيره صحيت وقريت التفسير انها مصيبه كبيره وبالفعل صارتلي مصيبة كبيره

بعد قانون الجذب غيرت افكاري ولما حلمت بفلوس ماهتميت ولا حطيت فبالي اي شي بيصير وما صار

مع العلم اني سابقا قبل قانون الجذب كل ماحلم بفلوس اقول مشكله وتصير بالفعل

أعرف اني وايد تكلمت بس اتحملوني شوي

ابي اخبركم عن قصتي في انقاص الوزن انا كان وزني 90 وكل ماسوي رجيم ارجع اكل دبل دبل دبل

لين ما قلت فمره شو اللي يخليني افكر فالاكل جذي اكيد لاني افكر فالاكل
بكرا شو باكل عالغدا بكرا شو باكل عالعشاء و و الخ

المهم قررت اني افكر فالحركه وانسى الاكل سبحان الله تغير تفيكري وماسوي اي رجيمات وصرت اتحرك اكثر لاني بديت افكر بكرا شو النشاط اللي راح اسويه وهكذا وتلقائيا صرت مافكر فالاكل

والحين وصل وزني 79

ومازلت مستمره