ابشركم جبت احلا فهودي

[بدون نك]

بسم الله الرحمن الرحيم
السلام عليكم ورحمة الله وبركاته
كيفكم بنات
ابشركم جبت فهودي بتاريخ 27 /12
وكانت ولادتي معاناه بس الحمدلله تيسرت
حسيت بالوجع الساعه 7 الصباح مغص يجي ويروح ومانمت اغفي وارجع اصحي
ويوم جاء الظهر على الغداء تغديت وانا اتغدا كان المغص يجيني بس خفيف يعني محد يحس بي
المهم علمت امي وقالت لي ان شاء الله اليوم تولدين انا طنشت الموضوع قلت لا شكلي بجلس على المغص هذ1 3 ايام ولا يومين
وجاء العصر والمغص معي ماسك وصرت امشي بالحوش وادور وامشي وامشي وبعدها رحت سويت لي عشبة كف مريم وشربتها المغرب
وسالتني امي لهالحين الوجع معك قلت لها ايه قالت لازم نروح للمستشفى جهزي اغراضك وشنطة البيبي
المهم تجهزت وبعد صلاة العشاءرحت للمستشفى وكانن اخواتي يقولن لي راح ترجعين مافيك شي ههههههههههه وانا كنت كذ1 متوقعه راح ارجع للبيت
المهم كشفت الدكتوره علي قالت مفتوح 2 سانتي لازم ترقيد
ودخلوني على طول بغرفة الولاده وحطو الاجهزه علي وحالتهم حاله انا توقعت ساعتين او 3 ساعات وواولد بس المشكله سريرهم قاسي حيل وخلتني على ظهري انام
والمغص يزيد معي >>> لاني شربت كف مريم حمت الطق معي
طبعا رقدوني الساعه 8 وانا متحنطه على السرير عيت تخليني امشي
وتعبت حيل وظهري وجعني احسه بينفك
وجت الساعه 11 قالت نفس الشي 2 سانتي
والمغص يزيد ويزيد والله اصيح صياح من الوجع
وجت الساعه 2 قالت 4 سانتي
وانا مت من الكرسي والطلق والبررررررررررررد اه بس
وجت الساعه 4 قالت خلاص الحين ولاده ادفعي
وربي يابنات الدكتوره راحت الساعه 12 خلص دوامها
وجلست ممرضه بس وربي ان هالممرضه تراقبني انا وتروح تراقب اللي بجنبي وتروح لوحده ثانيه بغرفه ثانيه
تخيلووووووووووووو بس وحده
وربي اهمااااال
بس تيسرت
اقسم بالله انها تغسل طفل وحده جابت وتناظرلي كلما صرخت وانا لحالي ماسكه رجليني وقاعده ادفع واصارخ وانا بكريه ماني عارفه وش اسوي
اخر شي يوم شافت الراس قرب
جتني ودفعت يمكن مرتين وطلع فهودي بسلامه
وعقبها تنقعت لما شرف الدكتور وخاطني وانا ذابحني البرررررررررررد اه يالبرد
يعني من الساعه 8 لساعه اربع ونص وانا على السرير على ظهري والمشكله السرير مثل مراتب السياره قاسي اااااااااااااااه بس
وبس هذي قصة ولادتي