حدي مصدومة! وزني زاد 20 كيلو في خمس شهور، في حل؟؟؟

[بارقة أمل]

السلام عليكم
انا حامل ولاول مرة
قبل الحمل كنت مسوية ريجيم قاسي لمدة سنتين
والحمد لله كنت ضعفانة ولما تزوجت كان جسمي متناسق مع طولي وجسمي حلو
حتى كنت اسمع عبارات تدل على حسد من البعض
ومن حملت انقلب الوضع 180 درجة
من الشهر الاول صرت كل جوعانة وكل ما اكل ارد اجوع بسرعة
وخلال فترة قياسية تفجرت ووزني قام يزيد بالهبل
المشكلة ماقدر أرجع للريجيم لأني حامل أولاً
والسبب الثاني اني من أجوع تحرقني معدتي وتذبحني خاصة أيام شهر رمضان
استغفر الله ما ظنيت الشهر يخلص
المصيبة اني وزنت امس الا وزني زايد عشرين كيلو!!!!!!!
عقب الحرمان والريجيم لمدة سنتين وعقب ما صار جسمي شحلاته بهالسهولة يقفز وزني فوق
نفسيتي تعبانة من أمس كلش مصدومة
ساعدوني الله يجازيكم خير
شلون اخفف وزني وانا حامل
أو عالاقل أحط له حد عن لا يزيد أكثر
حتى زوجي متضايق مني يقول لي اخذتج جلد على عظم والحين شحوم ولحوم مكدسة
تتوقعون تنحل المعضلة أو لا؟
خاصة اني بسرعة أمتن وبصعوبة ينزل وزني
كنت افكر اشحن بطني بالماي عشان ما اجوع وايد
بس المشكلة اني صايرة ما اطيق الماي وماقدر اغصب على نفسي
ساعدوني جزاكم الله خير