حمام مغربي غير شكل

[شام الهوى]

حمام مغربي
بسم الله الرحمن الرحيم*




شلونكم حبايب قلبي




كالعاده وعساكم دايم الدوم بسعاده*


ما اجرب شي ويفيدني الا اكتبه لكم ابيكم تستفيدون مثلي




الحمام المغربي انصح فيه*

كل عشر ايام بالبدايه او كل سبوع واذا لقيتي نتيجه حلوه عجبتك تسوينه كل سبوعين*


المهم نبتدي بسم الله


اول شي لازم الحمام يكون نظيف ومغسلته بديتول عدل << انتي شكو بحمامات الناس ههههههههههههههههه*


لا بس احب هيكي*


ماعلينا*


بقولكم انا شسوي قبلها اخلي الخدامه تغسل الحمام عدل مدل واخر شي تمسحه بماي وديتول حتى السقف اجننها اخليها تمسحه ههههههههه <<< نظفت الحمام سوتله مغربي قبلها هع هع هع*


بعدين*


ماعلينا*

المهم


تكونين من 24 ساعه مو متسبحه <<< يا عيني

وتكونين من 24 ساعه مو حاطه كريمات على جسمك او غيره*


عشان تطلع البلاليط عدل مدل


المهم اخذي جهاز البخار العادي اللي يستخدم للوجه عرفتوه الي ينباع في بوتس مو الخيمه لا العااادي ووصليه للحمام وشغليه بالحمام حطي تحته طشت نايلون عن الكهربا سبحان الله وتحت الواير لا يحوشه ماي انا اسوي كذا عادي الحمدلله ماكو الا العافيه بس تحرصون من الماي*

المهم وحطي الماي داخل الجهاز عادي وحطي معاه قفشتين ملح ناعم مع الماي وشغليه*

وعلى ما يشتغل رفعي شعرك ( لا تكونين حاطه دهن بشعرك يعني مستغله الوقت مسويه حركات ههههههههه ويطيح الدهن على رقبتك وظهرك وتخترب السالفه مايصلح يا ماما ) غسلي جسمك بماي حاار داافي وبعدين

اخذي الصابون المغربي ( يفضل يكون نوع زين ومن داخل يكون ثقيل مو مو ماي سايح ) ومسحي فيه جسمك *على شكل تدليك ناعم ووزعيه على جسمك كله*

ابتدي من اليدين الثنتين وبعدين الاندر ارم وبعدين الرقبه والصدر وبعدين الرجول *والمنطقه الحساسه وبعدين الظهر والارداف*

وحطي اشوي ورا اذونك لنظافه اكثر <<< تموت على النظافه*

وقعدي بالبخار ربع ساعه او ثلث ساعه وياليت بعد لو تفتحين الدش على الماااي الحاااار حيييل عشان بعد يطلع منه بخار وتستفيدين اكثرررر


لا تفركين جسمك *بهالوقت لا خليه عليج الصابون عادي

قعدي عاد طالعي الحمام خزي روحك بالمنظره*

وطالعي السقف وابتسمي للسقف هههههههههههههه بسم الله*

شفيني حاطه دوبي دوب هالسقف

وبعدين عقب الربع ساعه سكري البخار وروحي تحت الدش وغسلي جسمك بماي دافي عادي مو حار يعني يميل للبروده*

ومهم مهم مهم تغسلين عدددددددددددددددددددددددددددددددددددددل مدددددددددددددددددددددددددددل من الصاااابون والا ماراح تستفيدين شي وماراح تطلع البلاوي

غسلي عدل مكان مكان بماي ومسحي بايدك والماي يصب عليك شطفي اجزاء جسمك بايدك لازاله الصابون تماما <<< فيها خلل كبير الجمله بس ان شاءالله واضحه*

بنات تكفون تغسلون عدل من الصابون*

وبعدين جيبي *الليفه المغربيه نظيفه وغسليها بماي حار وعصريها اشوي من الماي على خفيف وابتدي دلكي جسمك وتفركي بشكل تدليك قوي بس تكفون مو لدرجه التزلق ويتحول سواد لا تدليك قوي مع ضغط يطلع الوصخ

وراح تلاقين البلاوي وابتدي بالظهر بعدين الصدر بعدين اليدين والرقبه وبعدين الريول واخر شي الارداف والمنطقه الحساسه*

وفركي ريولج عدل والاصابع وبينهم والركب والكوع وقعدي تفركي لمن تحسين ان خلاص طلع كل شي

بس نصيحه لا تسحكون وتزلقون روحكم بقوه بس بدون تزلق فديتكم*


وبعدين غسلي بما داافي و سوي هالخلطه للتبييض ( 4 قفاش كبار سفيد اب + 6 قفاش كبيره سنفره كاب + ماي ورد ربع قلاص و قلاص ماي صغير منقوع بابونج بالورد اللي فيه : يعني تغلي بابونج قفشتين وتخلينه يبرد وتخلطينهم مع السفيد اب وسنفره كاب ) ( اللي مالها خلق تقدر تستخدم سنفره كاب بروحها )

ووزعي الخلطه على جسمك كااامل راح تشمين ريحه النظافه والبابونج يهبل ووزعيها ودلكيها عدل عليكي وشغلي البخار مره ثانيه عشر دقايق او اكثر كيفج*

وبعدين فركي جسمك فيها وغسلي ونعييييييييييييييييييييما*


والحركات اكثر والعنايه اكثر*


عقب الخلطه الاخير وعقب ماتغسلين منها*


سوي سنفره لجسمك كامل بنعومه وتدليك ناعم لمده 5 دقايق ( سنفره المشمش اللي بالجمعيه )

وعقب غسلي بماي بااارد وييبي ماي ورد ونشا وخلطيهم لمن يصيرون كانهم خلطه وبسرعه وزعيه على جسمج راح يتوزع بشكل عشوائي لان النشا يتمساك عااادي سوي بعد ووزعي على جسمج والماسك راح يكون بارد وقابض للبشره يعطيها نعومه وبياااض*

وعقب الحمام المغربي لا تحطين شي لا مرطبات ولا غيره لمده يوم كااامل*


والحين صج صج صج نعيما وعليج بالعااافيه جسم نظييف فرررش وناعم ولون حلو

ومع الاستمرار راح تلاقين نتيجه تعجبك باذن الله بس هاه ما نهمل العنايه و الصابونيه والسنفرات والترطيب في الايام الباقية*



منقول للاخت مزيونة وشقرة ارجاء الدعاء لي لها*

ولاخوانكم في سوريا بالنصر العاجل