ابنى مش بيفطر بيتغدى بس

[rana (om ali)29]

السلام عليكم يا ماميهات

انا عايزه خبرتكم فى الموضوع ده انا ابنى عمره قرب على 3 سنوات بنصحى بدرى عشان الاقى وقت بين الفطار والغداء المهم ابنى كان بيشرب حليب الاطفال عادى جدا لفتره وبعد كده رفض تماما انه يشربه عادى انا قلت انه زهق احاول اعمله بيه بودنج بالشكولاته او كريم كرامل المشكله بقى انه ايام ما كان بيشرب الحليب بيشرب كوب الحليب بس مش بياكل معاه حاجه فى الفطار ولو زودت عليه يرجع او يبكى بحرقه وايام لو بدات مثلا ببيضه او جبنه او فول ساندوتش يعنى ياكله وما يشرب الحليب ومستحيل يشرب الحليب وعمتا هو المفروض يشرب على الاقل 2كوب فى اليوم حليب هو اكثر من كوب لا يشرب ... وقت الغدا بقى بياكل كويس جدا جدا جدا الحمد لله مشاء الله وبياكل بين الغدا والعشا مثلا كيك او بسكوت او فاكهه والعشا عادى البدهوله بياكله بس ما عادا الحليب .... انا مشكلتى فى الفطار ولما عملتله البودنج بالشكولاته هو بس طبق على الفطار وميرضاش ياكل معاه حاجه ولا بيضه ولا فول ولا اى حاجه ولو اكل ياكل نصف رغيف فينو مربه .....


تفتكرو هو بباكل كده كويس فى الفطار اصل الفطار واجبه مهمه هو بيفطر على الساعه 11 الصبح والغدا بيبقى على الساعه 4 او 5 حسب وصول باباه من الشغل


عملتله البدع عشان يفطر ومفش اى فايده ا غالبا وجبته الاساسيه هى الغداء والعشا بس


حجمه عادى مش طخين شكله رفيع شويه بس هو جسمه كده مش بيطخن كتير مش من النوع البيزيد وانا مش بدور على الطخن بصراحه غير بس الفايده فى الاكل


قولولى خبرتكم يمن حد يقدر يفيدنى واستفيد من خبراتكم