اكتئاب الاجهاض

[Alooy]

مرحبا بنات اذيتكم بس مالي غيركم ... انا اجهضت قبل اسبوع والحمدالله على كل حال يعني ماتضايقت لاني من حملت وانا متأذيه وكنت ادري اني بسقط مع ان كل اعراض لبحمل كانت موجوده فيني وقويه ترجيع وغثيان وشهيه مفتوحه وجسمي تغير بسرعه من اول اربع اسابيع حمل وكانت الدكتوره تقولي دام فيك الاعراض يمكن خير حمل متأخر انتظري ونشوف وعطتني حبوب يهدي اللوعه بس رفضت اخذه لاني كنت ابي احس بالتعب عشان احس بالجنين داخلي وادري ان بخير بعدها سويت كشف وطلع نموه متوقف من تقرسبا 3 اسابيع وحمدالله على كل حال ماعترضت على حكمة الله مع ان كان نفسي فيه بس كتبت الله احسن ما اخذه الله الا لان احسن لي وهذا تفكيري من قالت لي الدكتوره انو واقف نموه وكلت امري لربي وماةست حياتي طبيعي ووقت الاجهاض كنت اصيح من الالم والي بالمستشفى يهدوني يقولون توك صغيره عادي تجيبين غسره وانا كنت اقولهم ماصيح اني سقطت اصيح من الالم الحمدالله رب العالمين ادري اني بسقطه ومن بعد ماسقطته وسو لي غسيل ونا شوي شوي نفسيتي تتعب ومااجوع ابد وماحب اكل احس ان مالي نفس للاكل وجاني مثل الاكتئاب يوم عن يوم يزيد صرت ماكلم احد وكل بالسرير قاعده يا افكر بأشيا عاديه او اسمع قرآن حتى صديقاتي يتصلون مارد عليهم واحس اني مالي خلق شي ونفسيتي تعبانه حيل بس طولت عليكم مادري شسوي من ايش جاني هالشي مع اني مو متضايقه اني اجهضت بس ليش جاني هالاكتئاب مادري