ساعدووووني ي مطلقات انا بحاجتكن لاتتخلن عني

[نقـــآء]

ساعدووووني يا مطلقات
ساعدوني من خلال تجاربكن
انا اعيش بين نارين
نار اطفالي ونار زوجي الخاين
احس اني عايشه معاه بذل مايعلمه الا الله سبحانه
يستخدم اسمي وبطاقتي وفلوسي كل شي يخصني يستخدمه ضدي
يستخدمهم عشان يطلع مع حريم للفنادق ويسافر معهن ويستقدمهن من الخارج كل هذا وانا ساكته وصابره عشان اولادي
انا خلااااااااااااص وصل فيني الالم والاحساس بالخذلان والغدر للاخر
خلاص ماني قادره اتحمله اكثر والله اني اكتب وانا ابكي فلا تلوموني لو طلع كلامي ملخبط
مشكلتي الحين مو حبي له خلاص الحب ماعاد يستاهل حبي والله لو اعرف ان فراقه بيجب اجلي ماعاد اهتم
اللي كاسر ظهري الان وذابحني اولادي
موهاين علي اشتري سعادتي وراحة بالي على حسابهم والله تعبت تعبت تعبتتتتتت
اقررر واجمع اغراضي ولاشفت برائتهم وشفت ضحكتهم اكره نفسي لاني فكرت براحتي ونسيتهم
هم متعلقين فابوهم جدا جدا ومتعلقين فيني كمان جدا
فما راح يتقبلو يفارقو واحد فينا
كمان عندي بنات مراهقات يحتاجن امهن بكل تاكيد واخاف ياخذهن مني
مين بيهتم فيهن من بعدي؟!!
مين بيسيطر على مشاعرهن ويعلمهن الطريق الصحيح؟!!
انا خايفه عليهن من الضياع
وهو راسه يابس وله سلطات ومعارف واسطات يقدر يسلبني كل حقوقي بضحكه بس مع الاشخاص المهم
له قدره عجيبه على اقناع الناس بمساعدته واعمائهم عن عيوبه
تكفوون والله حالتي مايعلم بها الا خالقها
كرهت نفسي وكرهته حسبي الله ونعم الوكيل حسبي الله ونعم الوكيل حسبي الله ونعم الوكيل