بسم الله الرحمن الرحيم..
السلام عليكم ورحمة الله وبركااته.....
ببدا بموضوعي بدون مقدماات واتمنى من كل شخص يقراه
اذا ماعنده نصيحه يقدمها لي على الاقل يدعيلي..
يااخواتي انا من تزوجت من اكثر من 14سنه وزوجي كل سنه لازم يسافرخارج المملكه
بعد كم سنه قليله من الزواج تغير مرررره وانقلب واكتشفت انه ياخذ مخدرات حبوب وحشيش
والله يابنات جلست معه كم سنه وانا بحال الله يعلم فيه المهم اخر شي رحت بيت اهلي وكان عندي طفلين بس وقتها
وقلت لابوي على كل شي وحلف مايرجعني له وجا زوجي واخذ عيالي وحرمني منهم فتره على اساااس كذا برجعله لانه يعرف انو
متعلقه فيهم
ومارجعت لان النفس عافته وعرفت مافيه امل كلمته كثير ونصحته وخوفته ومافاد بالعكس كان يتهمني اتهامات من وساوس الشيطاان له
بسبب التحشيش والمخدرات
وكنت مره مقتنعه مارجع وصار كل شوي يجي ويحاول يرجعني وانا واهلي رافضين
بالاخير جا وكان مسوي انه تعالج وانه تاب وكل همه اني ارجع
كان يحلف اني ماشوف منه الا اللي يرضيني رفضت طبعا لان الخاطر ماعاد يبيه ولاني اعرف مافيه ادمان ينتهي بكم شهر وبدون علاج
وكنت متاكده انه ماتعالج
لكن اهلي قالو ارجعي واعطيه فرصه مبين انه تاب وجلست معه اربع سنوات وهو يوعد ويحلف انه يرضيني والسنه الخامسه اللي هي
السنه هذي حملت وانقلب فجاه وصار انسان ثاني برغم انه فرح انو حملت وكان هو يترجاني احمل
قام جهز شنطته ورجع للسفر كالعاده وانا قلت مارح افتش اغراضه عشان ماشوف شي يقهرني بس للاسف هو رمى شنطته قدامي مفتوحه
ولفت نظري بعض الاغراض فيها وفتحتها وفتشتها لقيت حشيش ونوعين مقويات جنسيه اللي تتاخذ قبل الجماع بكم ساعه
والله يابنات كنت واثقه انو مسافر عشان كذا بس كنت اضحك على نفسي
طيب ليه؟؟وانا والله ماعمري قصرت معه وكنت ابي رضاه تعلقت فيه وحبيته من قلبي فكرته تاااب وحبني وثقت فيه وخدعني
رجع ورجع مثل ماكاان كنت اشوف عنده حشيش من زمااان بس ماكان يسافر
انجنيت لانه رجع يخوني مو بس يتعاطى
الحين عندي ثلاث اطفال وراح اولد الرابع قريب احححححب زووجي ومو متخيله اياامي بدونه
بس عيشتي معه مستحيله ماقدر اصبر صبرررت كثير حياتنا صارت جحيم بس نتهاوش وبس مشاكل
ويقولي انقلعي بيت اهلك وانا ودي انقلع وارتاح منه بغض النظر عن حبي له اطفاااااالي ماقدررر اتركهم وماقدر احرمهم ابوهم واحرمهم
الحياه العائليه اللي كل طفل يتمناها
تعبببت والله اكتب وانا ابكي واغلب الليالي انام ودموعي على وسادتي
اصلي الحمدلله وادعي كثيرررر له بالهدايه من سنين لليوم واطفالي الحمدلله بفضل ربي كلهم يصلون ويخافون ربهم
برغم صغار بس يعرفون الحلال من الحرام مايسمعون اغاني ولايغتابون مستغربه كيف ابوهم كذا
احس وجوده غلط بحياتنا كلنا بفضل ربي نخاف الاخره وعقابها بس هو عكسنا تماما لايصلي الا ناادرا ويخوني ويتعاطى
سبحان الله
بس ماني عارفه كيف اتصرف معه نصحته وبكيت وشتمت ودعيت له ودعيت على اصحاب السوء اللي اغووه
بس بدووووون نتيجه ماشفت الا من اسوا لاسوا
ابييي اتطلق منه بس خوفي على اطفالي ولومهم لي بالمستقبل
ماودي يكون ذنبهم برقبتي لاني عاقله وصاحيه لنفسي مو مثل ابوهم
وامي تعبانه اخاف اشتكي ابوي وتتعب امي اكثر
بنفس الوقت تعودت على الحياه المستقله ومستصعبه رجعتي بيت اهلي خصوصا بوجود الاطفال
تعبتتتتتتت منه يابنااات تكفوووون ابي نصايحكم ودعواتكم لي بظهر الغيب
والله اني احبه واتمنى ربي يرده لي ولاولاده ردا جميلا بس تععععبت
وماافيه فايده فيه لان الاحسااس والضمير عنده معدومين
ابكككي عنده واترجااه والله لو انه حيوان يمكن يحس فيني بس هو لاحياة لمن تناادي
يوووعد يوووعد بس بدون تنفيذ
هذي بعععض من حيااتي والكثير الكثير ماحكيته ولااقدر احكيه
ارجو ان القى عندكم الحل والامل
..