جميع التجارب والردود الخاصه بالهوى بالارحام

[عزيزة النفس]

السلام عليكم ورحمة الله وبركاته


اخواتي عضوات حوامل جمعت لكم كل التجارب والحلول الخاصه بمشكلة الوا والاصوات اللي تخرج من الرحم واتمنى انكم تلاقون فيه فائده ولو بسيطه من تجارب غيركم
لله يوفقكم ايش علاج الهواء الذي يخرج من الرحم اثناء الجماع

واهم شي مايكون في حلبه وكيف طريقة استخدام الجنبة البرفي الدوره

وماهو علاج النفخه في الجسم يعني الجسم منتفخ يمكن احتباس السوائل

=============================

حبيبتي الهوا اللي يخرج من الرحم اثناء علميه الجماع

هو نتيجه استخدام وضعيه السجود او ماشابها لانها تسبب بدخول الهواء

وانا انصحك تغيرين وضعيتك انت وزوجك بالجماع

لانها قد صارت معي

واذا مانفع خلاص لاتسوين شيء لانك حامل واي شيء يضرك ويمكن يفتح الرحم

============================

اول شي اذا انتي حامل ابعدي عن اي علاج شعبي ..

وعلاج الهوا هو الكبو (البخور) وبس

تتبخرين ثلاث مرات وبعدها ماتشوفين غير العافيه تطلع من عيونك خخخخخخخخخ

ونفخة الجسم من سوائل وغيره هذي تكون سببها من علاج استخدمتيه او نقص بروتينات لأنه تسبب احتباس للسوائل

وعلاجها انك تبعدين عن اي شي يساعد على احتباس السوائل مثل القهوه والملح , ابعدي عن الملح نهاااااااااااائيا

وكثري فواكه وخضار وعندك بعض الاعشاب المدره للبول وهي المراميه والبردقوش والبقدونس ..

وماتشوفين شر ..
================================

اختي بعد الولادة اذا قدرتي سوي عملية
لاني كنت نفس حالتك وبعد ولادتي الاخيرة عملت عملية تضويق ولا عدت اشوف شي من هذا كله....لله الحمد والمنة
تداوم على تمارين كيجل مع استخدام الكبو وما تشوف شر

========================

حبيبتي يمكن هي ماتهتم بنفسها وقت الدوره فتتحمم وماتلبس شراب وتمشي على البلاط وهو بارد
وكمان يمكن تاكل اكلات ومشروبات ممنوعه في الدوره مثل المشروبات الغازيه و الباميه والملوخيه
ولازم تحافظ على نفسها وتشرب اشياء حاره مثل القرفه والبردقوش وتاكل شي يلم الرحم
وكمان له دور وضعيات الجماع

========================

انتى الحين مو حامل ,.,...

ومعك هواء بالارحام

والمشكله مو هينه ابدا ...

وخلينى اكون صريحه واعذرونى بالكلام ....


لا تخيلين الصوت اللى معك شيى هين وبسيط ...

صوت يطلع معك من تحت من المنطقه

يشبه صوت الط ........... وفهمكم كافيه ....

ارجوكم ... لاحد يتضايق من ردى

بس قاعده اشوف المشكله منتشره كثيره عند بنات بالمنتدى

والشى مو زين لك ....


الحاله ....


صوت من تحت من المنطقه...

اذا صليتى بالسجود

اذا كنتى معك زوجك اثناء الجماع ... وهذه قمه الاحراج لك

لان اغلب الرجال مايعرف الصوت طالع من وين !!!

ويظن انه طلع معك من وراء,,,,’ اتمنى تفهمون

وطبعا الرجال جاهل بالامور ....

وانتى بقمه الفشله ...

ويطلع معك الصوت اذا وطيتى بتاخذين شى من الارض مثلا ...

ويسبب لك توسع من تحت

والجماع يكون بلا طعم


وعلى الامد البعيد...


وجع بالارحام

الم بالظهر

الم حتى اثناء عمليه الجماع نفسها....


اسباب الهواء.....


كثيره

والمرجع الرئيسى لها واحد

الاهمال

ثم

الاهمال

بالدوره والنفاس


اى دورتين بحياه الحرمه = نفاس

ليه الوحده تستهين بالدوره ...


ومن اسباب الصوت والهواء

الجوع

اثناء الدوره والنفاس

الجوع من اشد اعداء الحرمه ..

وخطاء كبير تاكلين وانتى ميته جوع

بتاكلين شوى وتنسد نفسك ...

كولى قبل لا توجعين بشوى ..

نظمى وقتك ..

ومن اسباب الهواء


داخلك هواء اثناء دورتك ونفاسك

وهذه له عوامل مالك دخل فيها

مثلا ,.,,

اثناء الولاده

رجولك مفتوحه مده

واحيانا بعض المستشفيات بعد ماتولدين يتركونك مفتوحه رجولك

ويخيطونك بعد مده

وغرفه الولاده بارده

والهواء يدخل طبيعى....

وفيع عوامل لك دخل فيها وانتى المسؤله

رجولك تحطينها من جهة المكيف....

وخاصه الى يولدون بالصيف

وهذا خطاء

ماتلبسين سروايل طويله وانتى نفاس

وهذا خطاء

توقفين تحت الدش وتتروشين وهذا خطاء

تروشى من تحت لتحت

الوقفه تحت الدش دمار

تمشين حافيه

على الارض

وماتلبسين شراب وهذا خطاء

الاكل

تخربطين بالممنوع

اجل فيه وحده عاقله كتبت مره هنا بموضوع انها تاكل

ليمون بالنفاس

!!!!!!!!!!!!!!

الحامض يجمد الدم

طيب كل وحده تسال نفسها

تاكل اثناء الدوره والنفاس

حامض

برتقال

جح

شمام

كوسا

خيار

ملوخيه

لبن

ايس كريم

جلى

مهلبيه

وحده هنا ردت على تقول : طيب انا بولد برمضان واشتهى المهلبيه ... ؟؟؟؟؟

ياختى مانتى ميته لو ماكلتى

اهم شي امورك تمام

تاكلين

وتجين هنا تكتبين موضوع

الحقونى .... معى صوت !!!

ياخوات ارفقوا على انفسكم ....


حتى القهوه لا تشربونها كذا وانتم بنفاس ودوره

اولا .... صلحوا قهوه من غير هيل ساده.... للدوره والنفاس

ثانيا : لاتشربين قهوه كذا بدون دواء قهوه ...

الله الله بالادويه الصح والسنعه

بس تكون ثقه ..,.

وتكون خاليه من الصك واللك

والعفص

واى وحده تاخذون من عندها

تاكدوا من الصك واللك والععفص

لانها تضوق بسرعه

بس تخرب اسرع

واغلب الحريم جاهلات تشوف الفايده وتفرح بالنتائج

وهى متضرره ...


بالنسبه لك صاحبه الموضوع ..

انتى الحين بدون حمل

صح .. !!

عطى نفسك ثلاث دورات علاج

ثلاث شهور

ان شاء الله تصلحين امورك

اذا ودك

ومشكلتك كبيره

صوت اثناء الجماع

لاتسكتين على حالك

سوى الكرشه
والكبو لا تنسينه

وانتى اجمعى الكبو بنفسك ازين

الكبو الجاهز عند العطار نوعين

وكلهم فيهم مواد مو زينه
الا اذا تعرفين المواد ابعديها عنه واستخدميه

باول دوره لك ...
اللى ردت تقول سوى عمليه

جزاك الله خير

انتى تجميل الخراب من برى

والبلا من داخل

وش الفايده !!

يابنات المنطقه مجرد بوابه
لو سويتى تضويق وعمليه وخرابك فيك

ماراح تستفيدى شي
بيظل البلا فيك

عالجى من البدايه

لا تسكرين شي وتظنين انك خلاص

اتمنى فهمتى...

موفقه خير
==============
تأكدي من الدكتورة ان ماعندك التهابات او قرحة ترى الالتهابات ممكن تسبب الشعور

بالهوا بعد الاربعين وعلاجها سهل مضادات وتحاميل

__________________

وانا بنت كان معي هواء لاني ما اعتني بنفسي وقت الدوره
وبعدين استخدمت الحلبة مع الحليب في الثلاث الايام الاولى
من الدوره مع أكل التمره المعفوسة بشوية رشاد وكنت أشرب
الحليب بالفلفل الاسود وأكل أكل الناس من أول (( قرصان / وجريش / ومطازيز / وحنيني ..... وغيره )
وابتعدت عن الغازيات والشبسات والحمد الله انتهت مني سالفة الهواء وماصارت اعاني منها

__________________
استخدمي نظام فيافي لمدة اربعين يوم ((حتى لو خلص النفاس منك )) اتبعيه بدقة
النظام مقسم لفترتين : الأيام الاولى: ال20 يوم الأولى ، الأيام الثانية : ال20 يوم الاخيرة

ملخص النظام كله من أولهلآخره:

(((الايام الاولى)):

في الصباح وعلى الريق تأخذين معهذا السفوف( اللهوم )بعد جمع نباتاته وطحنها وتأخذين منه 2.م.ك
{ كوب حلبه+ نصف كوب حبة سوداء + مقدار فنجال حبة حلوة+م.ك قرنفل} وتلهمينها وتشربين بعدها كوب حليب

بعد ذلك تتناولين التالي:
تمرمعبوط(وياليت تكون عجوه) + م.ك. سمن غنم او زبدة يطبخ على نار هادئه لمدة 10 دقائقثم يضاف إليه حب الرشاد وهو ناشف بدون غسيل وكثري شوي او تستعيضين عنها بعصيدةالتمر المحلاة وهي عباره عن( كوب تمر بدون النوى + 4كوب ماء) ثم توضع في الخلاطوتصفى ويضاف اليها كوب دقيق اسمر ثم توضع على نار هادئة مع التحريك حتى تثخن مثلالباشميل يستغرق طهيها ساعة تقريباَ ثم تضيفين إليها فلفل اسود ,ممكن تعبينها فيعلب بلاستيك على كميات وتوضع في الثلاجه وكل ما بغيتي تأكلين تطلعين علبه وتحميها
بعد ذلك بنصف ساعه تقريبا الافطار وهو على رغبتك لكن ابتعدي عن المعلبات

بعد ساعه اشربي شاي الاعشاب ممكن تحليه بسكر نبات او عسل وانا افضل العسلالطبيعي وتأخذين منه مقدار 3.م.ك مع 3كوب ماء وتغليه وهو مكون من النباتات التاليه{ نصف كيلو ميرميه+ اعواد شيح+ نصف كوب كمون+ قليل من قشر قهوه+ نونخه+ دارسين اوماتسمى بالقرفه + يانسون} وممكن انك تضعين باقي المقادير التي لم احدد بقياس كوب منكل نوع.. ومن الممكن زيادة الماء اذا كانت مره .. واذا ذابت المكونات وقلّت اضيفيغيرها

بعد الغداء بربع ساعه عليك بمنقوع التالي:
في كوب ماء وسط اوصغير( م.ك.عنزروت+م.ص.مره+ شوي محلب ..لاتكثرين المحلب بسنتفه) لانها تعمل كمهضم وملين وتنظف الأمعاء ولابأس من اضافة الماء اليهاكلما انتهت الكميه واستخدامها لاكثر من يوم طبعا توضع في الثلاجه وقبل ما تشربيهابنصف ساعه طلعيها من الثلاجة.

فترة العصر وبعد الغداء ب3ساعات اشربي شاهيالاعشاب السابق مع 2.م.ك من السفوف السابق


(( الايامالاخيرة)):

نفس تسلسلك بالادويه ولكن السفوف يختلف وهو مكون من {كوبحبه سوداء+ م.ك. قرنفل+م. ك قرفه + م. ك. فلفل اسود+ م.ص. محلب + فنجان كمون + م.ك. نونخه+ فنجان حبة حلوة(شمر)+ فنجان رشاد} تطحنين جميع المكونات ماعداالرشاد

*استمري على التمر والرشاد والسمن لانه ينظفالارحام

*تستخدمين منقوعة العنزروت نفسها بس زيديها وزيدي كمية المحلب وزيديها شوي مباركة او ماتسمى بالصبرة

*تستخدمين شاي الاعشابنفسه

تعملين كبو كل ليله وهو كبو الهواء وهو مكون من
{ خواجوا+مرة+كمون+حلتيته+محلب+قشر + قشر بصليابس من البيت وليسالعطار+ هدب اثل+ فلفل هواء} وفيه حبوب صغيره حمرا يابسه مثل الخرز هذيشيليها مو زينه

استخدمي التحميلات من اول يوم او اذا بغيتي يوم وراء يوم وهيمكونه من {م.ك. مرة مطحونه+ فنجال ملح(اما فارسي او خشن)+ م.ك.محلبمطحون}
واعجنيهم بعسل قليل مع تبليل الاصابع بالماي حتى يسهل تكويرهم وشريهم فيتيارات هواء بدون غبار لمدة يومين او حتى ينشفون وبعد ماينشفون احفظيهم في مكان جافومو شرط في الثلاجه.


الغداء والعشاء طوالالنفاس

الغــــــــــداء:
ممكنمطازيز مع لحم +لوبياء
ممكن مقلقل لحم فقط مع خبز بر
ممكن مشاوي مع ايداملحم بدون خضار او الخضار التالية( حبة بطاطس
لوبياء حمراء) خففي من الطماطملانها حامضه
ولا بأس في الفاكهه بعد الاكل مثل تفاحه او برتقاله ( ماتكونحامضه)
تجنبي الموز لانه لزج
اذا جعتي كلي ماتشتهي نفسك إلا الممنوع ممكنشابوره بر

العشــــــــاء:
المجال امامكمفتوح الا الممنوعات اهم شي لاتجوعين
ممكن بعد العشاء تأكلين سلطه + برتقاله
هذا النظام الغذائي يستمر كل فترة الحيض او النفاس

* احرصي انتضيفي الي اكلك الفلفل الاسود كذلك اللوبياء الحمراء مع المرقوق او المطازيز واذاعندك فقع ضعيه مع اكلك واعتمدي على البر لانه جدا مفيد


*بالنسبه للنظافه ممكن الاستحمام كل اسبوع
اما يوميافتغسلي من الرقبه الي السرة بماء وصابون عادي وتجنبي وصوله الى المناطق
الأخرى


الغسول التالي لمنطقة المهبل وهو:
( ارطا يكسر+ يطبخ مع ماء + ملح فارسي ) تلاحظين لونه يتحول الى الاحمر لاتخافيعادي
ثم صفيه وضعيه في جركل وتوضئي منه يومياً


طريقة التبخر بالكبو
اذا جيتي تتكبين خذي من المخلوطمقدار ملعقتين كبار وحطيهم على الفحم ووقفي تحت المدخنه او ممكن تحطين المدخنه تحتكرسي مفرغ وتجلسين على الكرسي وبكذا يدخل الكبو


المكروشه:

ملاحظه : لااعلم بالضبط في اي يوم تستخدم بالضبط ويمكن سؤال النساءالكبار الخبيرات والكلام الاتي هو للاخت فيافي

المكروشة ممتازة جدابس تبي الحذر والتعامل الجيد مع البخار عشان متسبب حروق:
خذي كرش ذبيحة غنملاتكون مقطعه يعني على شكله غسليهاونظفيها وبعدين احشيها بأدويه مثل: (كمون +فلفلاسود+حبة حلوه+دارسين(قرفه)+حلبه +محلب+نونخه+ماش+قيصوم+شيح+يانسون+ميرميه+حزاة+الحبة السوداء+قرنفل)

وبعدين تخيطينها وتحطينها في قدر كاتملمدة ساعه بعدين تسكرين النار ولاتفتحين القدر خلي لهواء ينسم مع الفتحه المخصصهبعدين بربع ساعه خذي القدر معك داخل بطانيه وافتحيه شوي شوي واستنشقي البخار واذاتقدرين تاكلين منها يكون احسن وبعدين اجلسي لك شوي انتي ومتلحفه بالبطانيه وخلي احديروح ويوزنلك الدش على ماء دافي وقومي وانت والبطانيه وادخلي تحت الدش وتروشي ,والهدف انك ماتطلعين من تحت البطانيه عشان ماتتعرضين لتيارات الهواء المختلفهويكون الماء اللي تتروشين تحته دافي .وكذا تمت العمليه كامله .


ملاحظات هامه:

* يجب عمل كمية من السفوف ( اول 20 يوم ) تكفي لاربعين يوم ( 80 ملعقهكبيره ) للصبح والعصر ( ملعقتين في كل مره )
* الهميالسفوف او اللهوم واشربي بعده على طول كوب حليب قليل الدسم مغلي وفاتر محلى بعسلاسود افضلولاتخلطي اللهوم بالحليب حتى لايلصق بالفم
* لاتاكلي لبنه او جبن حامض في الافطار
* الغسول طوال الاربعين مرتينباليوم او مره افضل
* التحاميل اخر 20 يوم وتأخذ كل يوم او يوم ورا يوم وتوضعوانتي جالسه حتى لايدخل هواوالافضل ان تتغطي بشرشفوذلكقبل النوم
* من الافضل استخدام التحاميل من اول يوم لانها تنظف وتطهر وتسحبالالتهابات لكن اذا كنتي خائفه خصوصا مع تأثير الملح الحارق استخدميها في اخر 20يوم او عند توقف الدم والتئام الخياط
* ممكن عمل التحاميلووضعها في علبه وكل مره تاخذين كبر حبة النوى وتستعملينها ( بناء على تجربة احدىعضوات المنتدى )
* يجب تجفيف التحاميل تحت الشمس في مكان نظيف حتى يمنعخرابه ويجب التاكد من انها ناشفه تماما قبل وضعها في علبه زجاجيه حتى تمنعتعفنها
* اذا الجو بارد احفظي التحاميل خارج الثلاجه واذا الجو حار احفظيها فيغرفة بارده بشرط التأكد من انها ناشفه حتى لاتتعفن
* اكثري من منقوعة العنزروتاخر 20 يوم
* نظام فيافي لايزيد وزنك كثيرا وربماالسببمنقوعة العنزروت ( بناء على تجربة احدى عضوات المنتدى )
* اضيفي الماش الى طعامكوممكن اضافة مجروش الماش مع السفوف لانالماش يقوي الظهر والعضلات ويعوض الدم
* كمية شاي الاعشابالمغلي تكفي لمرتين باليوم بشرط وضعها في مطاره حافظه للحراره بعد غليها صباحا حتىتظل ساخنه للعصر
* الافضل عدم غسل الراس الا بعد اسبوعواذا غسلتي شعرك اغسليه بالمغسله وليس تحت الدش او البانيو .. يعني اغسليه بدونالجسم وغطيه جيدا حتى لايدخل هواء للاذنويصيبك ( خوا الراس ) وهذا يسببخراب شديد للارحام مع صداع شديد ومستمر للراس
* لاتتنقعي في بانيو لان الماءيدخل الارحام ويفسدها واستحمي مره بالاسبوع بشكل سريع
* عند التبخر بالكبو البسيملابس واسعه بدون ملابس داخليه تحتيه وتغطي جيدا بشرشف وبعد التبخر اذهبي مباشرهللفراش مع التغطي جيدا( طبعا ارتدي ملابسك الداخليه وانتيبالفراش )ويجب ان تتكببي قبل النوم مباشرةوالافضل بعدارضاع الطفل وبعد نومه .. ولاتتبخري في نفس الغرفه
* قللي المحلب فيالايام الاولى في منقوعة ( المره والمحلب والعنزروت ) وكثريه في الايام ال 20الاخيره
* الحبه الحلوه هي نفسها الشمر وليس الينسون
* ابتعدي عن السكرواستبدليه بالعسل الطبيعي لان السكر يمنع التئام الجروح عكس العسل الذي يسرع فيالتئام الجروح
* لاتشربي الحلبه نهائيا فكمية الحلبه فياللهوم اول 20 يوم كافيه لان كثرة الحلبه ترخي وتسمن
* لاتشربي الماي علىجوع ولاتكثري منه ولاتقللي واشربي بالمعقول لكن على شبع ولاتشربي الماي البارد.. لان كثرة شرب الماء تكبر البطن وتسبب خراب للارحام
* من الممكن اكل المشمشوالعنب والكرز والخوخ لكن على شبع
* اذا لم تجدي قشر القهوه ممكن الاستغناء عنهولكن ضعي مع القهوه التي تشربينها ( القهوه المره طبعا ) ضعي القرنفل
* لاتأكليالرشاد في اول 20 يوم الا مع التمر .. اما في ال 20 يوم الاخيره يؤخذ مع السفوفوالتمر
* الفلفل الاسود ممتاز مع الشوربات والايدامات والمرقوق والمطازيز .. اما التي تعاني من مشاكل في القولون والمعده او الربو لاتكثرمنه
* المحلب ينشف وينزل الماء لكنه لايستخدم الا اخر 20 يوم لانه اذااستخدم اول 20يوم ينشف على خراب لذا يوضع القليل جدا منه مع منقوعة العنزروت
* لاتأكلي الرز لانه لايفيد .. فقط يكبر البطن ويسمّن واستعيضي عنه بالبرونخالته
* تجنبي العطور خصوصا الريحان والمسك واكليل الجبل والتبخر بالمعموللانه يسبب الشمم
* التمر والرشاد والسمن تستخدم طوال ال 40 يوم وطوال الدورهوكذلك الغسول
* للتي تعاني من خراب شديد يجب ان تستخدم مغلي عشبة (جنبة البر)وهيتنبت في البر وتنشر اوراقها بشكل مستعرض وفيها اشواك ولونها اخضر باهت
* فائدةالاورطا انه يشد المنطقه ويمنع تعفنها
* اذا كانت المره سوداء فهذا يعني انهاقديمه
* الافضل ان لاتكثري المحلب مع التحاميل اذا اردتي استخدامها في ال 20 يومالاولى او اول ايام الدورة
* لاتكثري المره مع الكبو

=================================================
ولو ما تقدري تتبعي النظام لمدة 40 يوم ، فأهتمي بنفسك ايام الدورة واستخدمي النظام نفسه بس حيكون ال3 ايام الاولى هي الفترة الاولى ، وال4 ايام الاخيرة من الدورة هي الفترة الاخيرة ((هذا لو كانت دورتك 7 ايام))
والله يشفيني ويشفيكي

==========================================
عزيزتي انا كان فيني هواء ماريحني لما اجهضت سويت كل شي بس مانفع الا البخور الكبو بيومين والله راح وصرت استخدمه بالدورره مررره نفعني..

===============================================
نصيحتي حتى لو الهوا خفيف اتبعي النظام ايام الدورة لا تسكتي عليه
مرة اهتمي بنفسك ايام الدورة خليكي ماشيه على النظام لما تجيك
انا كان عندي الهوا خفيف وزاد الحين والله اني تفشلت مع زوجي وانا لسه عروسة

===========================================
هلا اختي مدام اختك توها بنت صعب تستخدم شي بس علمي امك ورحي بها لدكتورة نساء خليها تكشف عليها بعدين يمكن اختك تغذيتها اثنا الدوره ماهيب زينه خليها تاكل دايم زين لنو الجوع يسبب خوا لرحم وتشرب اثنا الدوره حليب حار مع فلفل ابيض خليه يطرد الهوا من رحمها
================================================

استخدمي مسك الاسود مسك الطهاره الي سعره غااااالي فيه رخيص لا تستخدمينه استخدمي الغالي من عند محل عبدالصمد القرشي افضل شيء
والاستخدام بعد كل دوره شهريه لمدة 3 ايام مع الاستمرار راح تجدين الفرق شاسع وراح تدعون لي وموفقه

================================================== ==
اولا تستبدل الصابون ب غسول للمنطقه اسمه قايى مره حلو
اذا هي بنت وتنحرج تشتريه تستخدم شامبو جونسون للاطفال للمنطقه الحساسه
او يمكن تستبدل الصابون بهالخلطه مع العلم ان الخلطه افضل من الصابون

تخلط 1 فنجان بودره جونسون
1 فنجان ماء ورد
ونصف فنجان ملح
تحطها على المنطقه دقيقتين وتغسلها
فوائد الخلطه
تبعد الروائح
طبيعيه
مع الاستمرار تبيض المنطقه

نجي للملابس الداخليه
يمكن تكون مو قطنيه 100بالميه
او يمكن تكون ملابسها الداخليه بالمره ضيقه
خليها تشتري من الصيدليه فوط الاستخدام اليومي كيرفلي
راح ترتاح اختك من هالافرازات وبتحس بالنظافه

اتمنى تجربها
================================================== ==

انصحك بالمراخ ولا تسوينها الا اذا انت مقتنعه فكري بالموضوع

انا الحمدلله حملت ببنتي بعد حرمان سنتين بعد ما اقترحت علي صديقتي اروح معها للمراخه وامترخت ايام الدورة قالت لي الرحم مرتفع وما جتني الدورة بعدها....

ومن ايام رحت امترخ قالت لي المراخه هوا بالرحم وكمان نازل وامرختني وكنت اسمع صوت الهوا ببطني ..استغربن من الصوت ..تقولي رحمك فيه هوا كيف تبين تحملي؟؟؟؟

فكري بالمراخه ولا تنسين جداتنا ما فادتهم الا هم حتى المستشفيات تستعين بهم اذا تعسرت الولادة

توكلي على الله والله يرزقنا يارب

================================================== =

حبيبتي انا مرخت أكثر من مره لكن للاسف يرجع على الهواء ثاني وتعب كل شهر رايحه لمراخة

حبيبتي لية خايفة من تمرحين هو نفس المساج ان نفع ماضرك لا تأخذين منها اعشاب هي الى مومضمونة ولا تعرفين مكوناتها
أما المرخ زيت ومسح على البطن والظهر فقط ...
توكلى على الله ورحي واقنعي زوجك وروحي لوحده كويسه ....
انا كنت زيك مو مقتنع بعدين اقتنع اني امرخ ولا أخذ منها علاج

================================================== =

السبب من الدوره

امي تقولي كذا


خليها اول 3 ايام

تاخذ ملعقه صغيره رشاد + ملعقه عسل ... تخلطهم وتاكلهم

وتشرب اول 3 ايام

نص ملعقة كمون + نص ملعقة قرفه + بيالة ماء

================================================== ==

اسمعي حبيبتي كلامي اول شئ لاتجوعين اثناء الدورة وابتعدي عن الباميه والملوخيه والفاكهه ماعدا التفاح والمشروبات الغازيه واللبن والزبادي يسبب الريحه والايسكريم والبارد عموما وقومي الصبح بدري وافطري وهذا اهم شئ لان اذا صكيتيها نومه الى الظهر راح تخربين اسئلي مجرب واشربي دواء اما مردود او اي شئ تعرفه امك واشربي اشجار مخلوطه مثل قيصوم شيح كمون يانسون قرفه زعتر حبه سوداء حلوة نونخه لانها تبعد الريح عنك اثناء الدورة وتكبي بمرة مع قشر بصل وكمون ممتاز للهواء واخر ايام الدورة زيدي الصبح تمر مع سمن ورشاد ممتاز في اول ايامها مايصلح لانه يوقف الدورة وانصحك بالزعتر البري اطحنيه واشربيه ملعقه مع كوب حليب ممتاز للخراب وغسلي اثناء الدورة بماء وملح دافئ لانه يعقم والصابون هو الخراب بعينه وابتعدي عن الكريمات والمعطرات هي من اسباب الخراب بعد اذا وقفت الافرازات راح تروح الريحه وتطلع تمام لان تقعد كذا ماينفع اذا تزوجت الزوج راح يمل والافرازات موطبيعيه حتى لوكانت بيضاء المراة المفروض ماينزل منها شئ ابدا والدكتورة ماراح تنفعك ابد لان هذي حاجات شعبيه انا كان معي افرازات ولما رحت للدكتورة قالت مافيك شئ الاميل لازم عمليه ورحت عند مرة ومرخت وشفيت ولله الحمد