محتاره. بين الدكتورتين حابه آخذ رايكم

[حياتي توأمي]

بنات
مثل ما انتو عارفين تحددت ولادتي بالمستشفى الحكومي على أساس الثلاثاء الجاي بتوسيع عنق الرحم عن طريق بالولن يحطونه حتى يتوسع الرحم اكثر ومن ثم طلق صناعي. لأن البنوته راسها بالحوض وعنق الرحم مفتوح 1 ونص وطري جداً على حسب كلامهم وبسهوله ينفتح ان شاء الله


طبعاً أنا من بداية حملي. اتابع بالحكومي + الخاص

الخاص اليوم كان عندي موعد فيه ودخلت للدكتورة متابعه وكشفت علي وطبعا مفتوح 1 ونص مثل ماقالولي بالحكومي
طلبت انها توسعلي شوي هي حاولت بس ماعرف هل يتوسع بنفس اللحظه ام بعدين ياخذ وقت حتى يتوسع

المهم عطتني موعد دخول للمشفى السبت اللي جاي يعني موعدها قبل موعد الحكومي
وسألتها عن كيفيه الولادة كيف راح تكون
قالت بما ان الرحم شوي مفتوح راح أشق لك ماي البيبي قلتلها يعني كل الماي راح ينزل يمكن خطر. قالت لا. ماراح نشق كثير بس نشق شوي وننتظر راح يجيلك طلق طبيعي ويمكن اعطيكي شوي نسبة بسيطه جدا جدا هرمون. قلتلها شو هرمون ؟ قالت طلق خفيف جدا ً

المهم حبيباتي محتاره بين الاثنتين

تحسون اي واحده فيهم كلام مقنعه
يعني الحكومي راح يعتمدون عالتوسيع من خلال ادخال قسطره بطرفها بالون وينفخونها لتوسيع العنق
وبعد مايتوسع الرحم 4 سم راح يعطوني طلق

أو
الخاص اللي راح يعتمدون على شق ماي الجنين ومن ثم نسبة بسيطه من الهرمون الطلق

أنا جداً محتاره بينهم
أخاف اللي بالخاص تشق ماء الجنين ويتصفى ماء الجنين بعدين ومايجيني طلق او مايتوسع الرحم وتحولني قيصري

حابه استشيركم حبيباتي مين فيهم كلامها يقنع أكثر ؟