هل تعرضتي لموقف جارح بسبب تأخر حملك ؟؟؟ تعالي فضفضي لنا

[تمنيتك بأحلامي]

الله يرزقكم جميعا
انا مريت بنفس الشي مثلكم
تأخرت سنتين بعد الزواج
وام زوجي كانت تلح علي وعلى زوجي تقول لي روحي تعالجي ><
وتقول انا اخذك واوديك المستشفى وكنت أقول لها مافيني شي كلشي سليم >>قبل لااعرف مشكلتي
وهي الا مصرة اني اروح اتعالج
وكل زيارة نفس الموال روحي تعالجي وماتأخرت عليك الدورة؟
كنت اتضايق واشكي لزوجي من امه ليش دايم تلح
وكنت من حرة قلبي ادعي وأقول يارب يصير لبناتها نفس اللي صار لي
تكيس وكيس عالمبيض>>استغفر الله كان بلحظة غضب

وبعدين زوجي راح فحص وكان عنده ضعف بسيط وصار يتعالج
وبعدها لمن راح امه فتحت له نفس الموضوع ليش زوجتك ماحملت وودها تتعالج
قال لها السبب مني انا عندي ضعف
وشوفو بس من عرفت من ولدها صارت تواسيه تقوله في كثير عندهم ضعف وجابوا أولاد وبنات
ومن بعدها مافتحت معاي الموضوع ابدا
وغير مرت حماي لمن حملت قبلي تبي تقهرني تقول فلانة ماعرفت اني حامل؟
بس الحمد لله بعد ولادتها على طول انا حملت وكسرت عينهم
وشوفوا الحقد اول ماعرفوا اني حامل انقهروا كثير
زين ماماتوا يومها من القهر خخخخخ
طلعوا علي إشاعة اني حامل بتوأم يبونني انقهر وصحيح انا انقهرت بس طنشتهم
ولمن عرفت بجنس الجنين ماعلمتهم مع ان هم علموني لمن حملوا بس بسبب كلامهم اول حملي قهروني ولا قلت لهم
وام زوجي >_> تبي تبرر لنفسها تقول انتي ماتأخرتي بالحمل يعتبر متنفس لكم بداية الزواج
وسبحان الله من كثر حنتها علي ليش ماحملت وتقول السبب مني
صار لبناتها نفسي
المتزوجة صار لها تكيس وتأخرت بالحمل الثاني واهل زوجها صاروا يحنون عليها ليش ماحملت
بس الحمد لله حملت قبلي بكم شهر ^_^
وبنتها اللي مو متزوجة جا لها كيس عالمبيض والحين هي تتعالج الله يشفيها

عذرا عالاطالة ><