اطباق السمك

[υм вtℓαα]

السلام عليكم ورحمة الله وبركاته
جمعت لكم اطباق السمك واللي عندها كمان تفيدنا

1/صيادية السمك



المقادير :





سمك كنعد ( وهو الافضل) .وممكن تستخدمين السمك اللي تحبينه .






بصلتين كبار


ثلاث فصوص ثوم .

ثلاث عروق فلفل اخضر حار .

فلفل احمر حسب الرغبه .


ثلاث كاسات رز ( افضل استخدم ارز بسمتي ) ابو شماغ . بس ترى طبخه صعب للي ماتعود عليه .


علبة صلصة طماطم

بهارات مشكله .

ملح .

زيت نباتي ( عافيه ، او مازولا ) .

ماء لطهي الرز .






بصل محمر مقلي للزينه .


(يتــــبــع)



الطريقه :

نزيل القشور من السمك ونقطعه . بهالشكل





على فكره احنا نختار الكنعد لان لحمه ابيض ، وايضا سهل تقشيره . غير ان نكهته مميزه ، وساعات نصلحه بسمك التونه الطازج .

أبدا مانستسيغ نستخدم سمك شعور او زبيدي بالصياديه، لانه يطرى مع الطبخ .


نرشه ملح فقط و نقليه بزيت عافيه ، لأن نفس الزيت راح نستخدمه بطبخ الرز .






ونشيله من على النار .





نصفي الزيت إذا فيه شوائب ، وننقله بقدر الرز ، ونقلي البصل . بعد تقطيعه لجوانح رفيعه . الافضل يكون البصل كثير لانه يعطي طعم حلو للرز . وايضا يخفف نكهة السمك .







اهم خطوه في الصياديه ، انك تحرقين البصل شوي يعني ( تكرملينه) لين يصير بني ، بس انتبهي تحرقينه كثير يعني من غير مايكون أسود ، لان البصل إذا احترق كثير نسبة الكربون الكبيره تخلي طعمه مر.





نضيف الثوم المدقوق، واحب اضيف شوية هيل مطحون مع الثوم يعني انت ورغبتك . ونقلبه مع البصل .


ثم نضيف صلصة طماطم ، بكت كامل ..... احيانا استخدم بكت ونص . انا من عشاق الطماطم <== ايطاليه على غفله .

لانه يعطي لون حلو ويعطي حموضه بسيطه للأكل .





ايضا اضيفي قليل من الملح ، وملعقه بهارات مشكله ( استخدمت كزبره ، كمون ، شمار ، قرفه ) . وإذا تبينها لاذعه حطي شوي فلفل احمر حار كامل . حلاة الصياديه تكون لاذعه شوي .


اخلطي ، وإذا حسيتي المزيج شوي ناشف حطي شوي ماء ، لاتكثرين . وأضيفي قطع السمك اللي قليناها اول .






نخليها تتشرب الصوص شوي تقريبا خمس دقايق اهم شي لين تحسين انه شرب الصوص .



نشيل السمك من النار . وافضل لما أخذه اخذ معه شوي من الصوص ( الكشنه) اضيفها شوي فوق الرز بعدين .





نغلي الماء ، ونضيفها للكشنه ،استخدمت اقل من 6كاسات ماء تقريبا خمس كاسات ونص ، حسب نوع الرز وذوقك ، بس بماان الطماطم كثيره الافضل تقللين الماء . ولاتنسين الملح.







ايضاً احب اضيف قرفه وقرنفل كاملين عشان النكهه . واحيانا هيل كامل .


اذا غلى الرز ، نهدي النار .


فيه خطوه تعطي نكهه للرز، اصلحها دائماً مع الصياديه او غيرها ، إذا الرز قرب ينشف ويستوي تمام ، يعني تقريبا قبل لاتطفين عليه بخمس دقايق . اغرسي عروق فلفل ، وغطي القدر .


طبعا لاتخافون ماراح يصير حار ولا حتى لاذع بس يعطي ريحه طيبه للرز .





وكالعاده رشيت قرفه وهيل مطحونين عالوجه ، تقريبا ربع ملعقه .




مقادير صلصة الفلفل الاحمر الحار :





عروق فلفل حار حسب الرغبه .

حبة طماطم وسط .

فص صغير ثوم .

نصف ليمونه .

ملح .

إذا حابه الصلصه تكون خضراء ، استخدمي فلفل أخضر ، وايضا اضافه حلوه تحطين كمشة بقدونس اول قليل من الكزبره الطازجه ، تطلع النكهه مميزه واللون حلو . يعجبني بالذات مع المضغوط .




الطريقه :

ننقطع المكونات ونحطهم بالخلاط .





نخلط






واخلطيها بالنعومه اللي تبينها .



وتقدم






طبعا هالصلصه تقدم طازجه ، يعني ماتقعد كثير بالثلاجه يادوب ثلاث ايام .


وتقدمينها مع طبقك الرئيسي .



وهذي الصياديه يأمامير . رشي عليها البصل المحمر ، وإذا حابه صنوبر او مكسرات مقليه .








وبالعافيه عليكم . واتمنى اللي مايحب السمك يحبه من هالوصفه
.

2/

فيليه السمك بالوان الفلفل على طريقتي



المقادير:
شرايح سمك فيليه
زبدة مقدار ربع اصبع + ملعقتين زيت
للخلطة:
فلفل رومي الوان اصفر اخضر احمر وبرتقالي مقطع صغير
بصل عادي وبصل اخضر مقطع صغير
طماطم مقطع صغار + شبت مقدار ربع حزمه
ثوم وليمون وبهارات ( فلفل اسود + كمون + كزبرة + كركم )

هذه صورة المقادير:



الطريقه :
ناخذ شرائح السمك ونرش عليها الدقيق ونخليها ربع ساعه .



نبدأ بالخلطه نشوح البصل بنوعيه مع شوية زيت ثم نضع الفلفل والثوم ونقلب بعد ذلك نضع الطماطم والشبت والبهارات والليمون

نتركه خمس دقايق على النار الى ان تذبل شوي الطماطم لكن لاااااا تذوب نخليها على جنب



ننظف السمك من الدقيق و نضع الزبدة والزيت في مقلاة ونشوح السمك بعد ان نرشه بالملح والفلفل الاسود والكمون المطحون




الى ان يستوي من الجهتين



للتقديم :
ناخذ رز ابيض ونكبسه في قالب او صحن ونضع على جنب الرز شريحة سمك ونغطيها بالخلطه وتقدم والف عافيه على قلوب الجميع



بعضها شويته على الشوايه وقدمته مع بصل بالسماق وليمون