طريقة عمل الكبة الدبابة باللحم الهبرة اللذيذة
المكوّنات لعمل الكبة الدبابة باللحم الهبرة اللذيذة
2 كوب برغل أسمر ناعم
150غم لحمة هبرة بدون دهن
بصلة متوسطة الحجم
1/2 م ص فلفل أسود
1/2 م ص بهار حلو
1/2 م ص كمون
1/2 م ص بهارات الكبة
رشة قرفة
1/2 م ص ملح
1/2 م ص مردقوش
إقرأي أيضا : تعرفي معنا على كيفية تحضير الملفوف المحشي اللذيذ
مكونات الحشوة:
1/2 كيلو لحمة مفرومة
2 بصلة كبيرة
أقل شوي من ملعقة صغيرة فلفل أسود
ملعقة صغيرة بهار حلو
أقل شوي من ملعقة صغيرة كمون
1/2 م ص بهارات الكبة
2 ملعقة صغيرة سماق
صنوبر مقلي
الخطوات لعمل الكبة الدبابة باللحم الهبرة اللذيذة
45 دقيقة
بغسل البرغل وبنقعه في الماء وبتركه نص ساعة لحد ما يتشرب كل الماء.
بطحن البرغل مع اللحمة والبصلة بمفرمة اللحمة على الحديدة المخرمة صغير مع إضافة حوالي 4 مكعبات ثلج أثناء الطحن للحفاظ على اللحم.
و نترك حوالي معلقتين كبار برغل بدون طحن بضيفهم على الكمية اللي طحنتها عشان تعطي شوية خشونة وقرشة للكبة لما تنقلى. وبضيف البهارات كلها والملح وبجهز صحن فيه ماء بارد ببلل ايدي فيه وبعجن بس ما أكتر.
بجهز الحشوه المكونة من 1/2 كيلو لحمة مفرومة، 2بصلة كبيرة، أقل شوي من ملعقة-صغيرة فلفل أسود،ملعقة-صغيرة بهار حلو،أقل شوي من ملعقة-صغيرة كمون، 1/2 م ص بهارات الكبة، 2ملعقة-صغيرة سماق، صنوبر مقلي، بقلب اللحمة مع البهارات والبصل بدون زيت لحد ما تنشف ميتها، بعدين بضيف الزيت وبقلبها لحد ماتستوي مزبوط، برفعها عن النار وبضيف السماق والصنوبر المقلي وبحركم مزبوط.
إقرأي أيضا : طريقة تحضير تتبيلة سهلة وسريعة لصدور الدجاج المشوي
بترك الحشوة تبرد، بعدين باخد كرة من العجينة وببلل ايدي بماء بارد وبحفر فيها حفرة وبرققها على الداير وبضيف الحشوة وبسكرها منيح، وهيك لحد ماتخلص الكمية.
للقلي بحتاج زيت عميق وحامي، وإذا الكبة متلجة بطلعها من الفريزر قبل بساعه من القلي وبفكفك الحبات عن بعض وبفردهم على فوطة مطبخ وبعد مرور الساعة بقليهم مباشرة في الزيت الحامي، وصحتين وألف هنا