بنات خلونا ناخذ بالاسباب و نساعد بعض .. وش الشغلات الي تزيد فرص الحمل

[عروستة]

السلام عليكم

طبعا الحمدالله ع كل حال و كلنا راضيين بقسمة ربنا و الي كاتبه و الله يزيدنا ايمان به ..

بس من بعد الله و دعائه و الاعمال الخيرية و الصدقة ..

لازم ناخذ بالاسباب يعني مو بس ندعي و نجلسسس ؟؟


ممكن كل وحده عندها معلومة تقوي التبويض او وضعيه تساعد ع الحمل او أكل طبيعي يساعد البويضه ع جذب الحيوان المنوي ..

لأن الدكتوره اشرحتلي كيف يصير الحمل و قالت ان الحيوان المنوي يحتاج رحله طويييله عشان يلقح البويضه .. وكمان شفت في برنامج الاطباء يقولوا المرأه تجيها فرصة حمل واحده فقط كل اربع اشهر و انا جاني احباط من ذا الكلام ادعواي احمل هالشهر و يارب كلنا ناخذ بالاسباب يارب ؟؟

نفسي في رمضان اكون خلاص حامل ماعندي بيبي 😔

[درين]

الله يرزقك و يرزقنا و كل محرومة الحمل السليم عاجلا غير اجلا
الاستغفار
الدعاء
المواضبة على صلاة الفجر
الايمان بما قدره الله قدر الله و ما شاء فعل

[عاشقة الذكريات]

هلا اختي
والله نفس تفكيري كنت افكر اروح بعد ما تشرف الدوره اراجع عند الدكتوره
وتعطيني منشط بس قلت ليش مافي اكل يساعد بعد الله
في بلدان عندهم النساء ماتحتاج المنشطات لان اكلهم صحي احنا المطاعم ولوجبات السريعه اخخخخخ
من جد نحتاج ناخذ بالأساب ونساعد بعض وكل وحده تقول اللي تعرفه ومتأكده منه
انا سمعت ان وقت الصباح معلقه صغيره زيت زيتون بس ما استعملته وكمان العسل
نحطه بسره وننام فيه هذا وحده مجربته وسبحان الله هي حامل الحين بس هي استمرت بستمرار انا كم يوم وطفشت
والله حاله نحنا نبي نحمل ونبغا الحمل يطب علينا على طول هههه
معليش كثرت كلام احم
وتسلمي يا عروسته على الموضوع ان شاء الله نستفيد من بعض

[الحياة تفائل]

الله يكرمنا جميعل ويجبر بخواطرنا ونصوم رمضان كامل هالسنه
مافي زي الاستغفار والصدقه والصلاة على النبي

انا اول ما تجيني الدوره ايش اسوي .. والله اخذ اشياء كثير ولمن انتظم احس بيوم التبويض تماام ويكون الحمدلله مره تمام
اشرب منقوع ملعقه (قرفه وحبه سودا وكمون وحلبه ) انقعو من الليل والصبح على الريق اشربو اول 5 ايام من الدوره

واشرب كمان مراميه وشويه شمار وزنجبيل
واحيانا مراميه وبردقوش
واشرب عصير اناناس واكل اناناس
جايبه عين الجمل وجرشتو هششتو يعني وحطيتو مع العسل كل سوم اخذ لي ملعقه الصبح
وقبل النوم اخذ سفوف ملعقه صغيره تفه او حب رشاد
ولي فتره مداومه على حبوب اللقاح او طلع النخل خلطتو مع حبه سودا مطحونه بنفس المقدار واخ ملعقتينفي اليوم

هذي الاشياء اللي تساعد على التبويض
انا احاول قد ما اقدر انتظم في اغلبها من اول يوم الدوره اليين ما ابدء اشوف افرازات التبويض

في شهر اخذت عين الجمل والعسل الصبح ومن خلطة طلح النخل ونفس الشهر حملت وكان التبويض مرررره تمام اعرفو من الافرازات والدم اللي ينزل خفيف بس الحمدلله سقطو

هههههههههه طولت عليكم

يلا الله يعوضنا ويكرمنا ياااارب

وتسلميي ياارب على الموضوع التحفه

[عروستة]

مشكورين بنات ع التفاعل و الله يعطيكن ع قد نياتكم يارب اشوفكم كلكم حوامل الشهر الجاي و انا وياكم و نصوم رمضان كله ..

بنسبه للزيت الزيتون و العسل احس صعبه احط بالسره كل يوم هههه

لكن عصير الانناس و الله اسمع كثييير يمدحونه للتقوية المبايض و ان شالله نجربة

و كذلك ايام الدوره انصحتني وحده بالزنجبيل و منقوع البقدونس او مغلي البقدونس بعد ما تغليه ع النار 10 دقايق وتصير مويه خضرا اشربي كاس كامل وراح ينظف الرحم ان شالله و المسالك البوايه جدجد حتا انا سامعه بنفسي دكتوره مدحته و ان شالله بإذن الله يساعدنا للحمل يارب

[رايقه]

الله يرزقنا الذريه الصالحه عاجلن غير اجل يارب قولو امين

[درين]

يا ذا الجلال والاكرام
ياودود
اللهم ارزقني وارزق اخواتي في الله بالذريه الصالحه عاجلا غير اجلا انك سميع مجيب

[إيليآ]

قرييت كثيير عن عصير الاناناس انه ينشط التوبيض ويزيد فرص الحمل بس ايام محدده تاخدينه
لان كثرته تسبب تكيسس
والبردقوش لتنظيم الدورة بس الي دورتها منتظمه لاتفكر تاخدو بما انوو دورتها منتظمه


وكمان هذي وحده بمنتدى تآآني وحملت ماشاء الله ولما سالوها اش سويتي هذا كان ردها

اني كنت اشرب ( رجل الأسد ) عشبه كذا اسمها اعطتنياها الحرمه اللي كنت امرخ عندها
والشهر اللي فات ماقدرت اروح لها فقلت خليني اشرب هالشيء يمكن يفيد شربتها من اول يوم دوره لين ثالث يوم كنت اسويه زي الشاهي بترمس واتقهوى عليه



وبرضو استخدمت انا وزوجي حبوب رويال جيلي ( غذاء ملكات النحل ) هالشهر كله
وله فايده في تقوية نطف الزوج وتقوية التبويض

وبس الله يرزقنا ان شاء الله

[بسمة أملي]

نصيحه ياختي واتمنى تتبعيها هذا الشهر وتقوليلي النتيجه بمشيئة الله

جيبي موية زمزم واقرئي فيها الرقيه الشرعيه بنفسك
من كتاب ارقي نفسك بنفسك
وكل يوم اول ماتصحي من النوم تشربي كاسه قبل ماتشربي تدعي في المويه
بالحمل السليم عاجلاً غير آجل
وبعد صلاة المغرب كاسه ونفس الشي وقبل تنامي كاسه


جيبي بردقوش فقط لاغير تشربي كاسه عالريق وكاسه قبل تنامي


عصير اناناس اشربي طول اليوم براحتك الين قبل موعد الدوره بأسبوع وقفي الأناناس لانه يمكن يكون صار حمل والاناناس منشط ماينفع للحامل


سمسم م وعادي حطيه مع تمر او تاخذي ملعقه مع عسل براحتك وفي اي وقت


استمري على هذي الأشياء مع ثقتك بربي والدعاء وصلاة الوتر لو ركعه وحده تدعين فيها وابكي وتضرعي لله


تصدقي في اي فرصه تلاقينها لو بريال بالصدفه للكناس
كل مالقيتي فرصه خلي ريالات مصروفه بمحفظتك عشان ماتروح منك اي فرصه


وبمشيئة الله ربي يكرمك بالحمل السليم عاجلاً غير آجل يااااارب العالمين


وكل من تتمنى الحمل انه على كل شيء قدير


عذراً طولت عليكم

[:: Galaxy ::]

الإنشغال التام عن التفكير بالحمل ..

ممارسة الرياضة بإنتظام ..

شرب كميات كبيرة من الماء لأنها تشيل أي إلتهابات أو فطريات أو حتى تكيسات ..

الدعاء والتوكل على الله ..

وإن شاء الله ما يمر شهر إلا وكل البنات حوامل يارب ..