بنات الله يرزقكم الحمل السليم عاجلاً الي صار لها مثلي بعد الكلوميد الله يسعدها ترد

[بسمة أملي]

مساءالخير

من قبل اسبوع اعطتنس الدكتوره كلوميد استخدمته ثاني يوم بالدوره اربع حبات باليوم لمدة خمسة ايام والحمدالله خلصت اليوم ليه اسبوع من وقت ماخلص الحبوب
واليوم هو 13 لدورتي كانت مراجعتي عند الدكتوره عشان تعملي سونار وتشوف التبويض
رحت الصباح سوت السونار وتفاحئت انها قالت مافي ولا بويضه
وقالت انه الحمدالله بطانة الرحم عندي تمام ومافي عندي اي مشاكل ولله الحمد


وكتبتلي حبوب دوفاستون حبتين باليوم لمدة عشره ايام وقالت اراجعها


اما الحين محتاره استخدم الدوفاستون او انتظر كم يوم اشوف يمكن يصير تبويض مع العلم ماعندي اي أعراض للتبويض


اسفه طولت عليكم بس الله يسعدكم انصحوني وقولولي وش اسوي والي صار معها مثلي انه بعد الكلوميد مافي بويضات الله يسعدها تطمني وتقول وش صار معاها




وشاكره لكم


ربي يرزقكم الحمل السليم عاجلاً غير آجل ياااااارب العالمين

[متفائلة دائما]

لا تقلقي يا الغالية انش اء الله ربنا كريم و كله بيده
انتي اسعي للاسباب و توكلي على الله و لا تملي ابدااااااا و ان شاء الله ياتي الفرج قريبا
الدفاستون يساعد على تثبيت الحمل فهو ما يضرك اذا اخذتيه

[بسمة أملي]

يعني مايرخبط الدوره

[متفائلة دائما]

لا الدفاستون ما يخربط الدورة هو اذا حصل حمل بيثبته و اذا ما حصل حمل تنزل الدورة بعده ب ثلاث الى اربع ايام

[شوق*]

انا صار لي كذا الشهر الي راح
وقالت مافي تبويض ونصحتني بالابر
ولكن انا انصحك اشتري عسل ملكات النحل وحبوب القاح
واخلطيهم وكلي الصباح ملعقه وبالليل ملعقه
واستمري عليها مع حبوب الدكتوره ويفضل تبدين من الليله
واذا نزلت معاك الدوره وماصار حمل لصالحك هالشي
استمري على العسل وراجعي دكتورتك اول يوم بدوره وخليها تصرف لك كولميد او ابر ع حسب مقدرتك الماليه
وراح يطلع عندك تبويض باذن الله سليم ميه بالميه مع الاستغفار والدعاء
وصدقيني هذا لصالحك اذا حملتي وتوبيضك كويس عشان ماتتعرضين
للاجهاض بسبب تقص نمو البويضه او الجنين
والله يرزقك قادر ي كريم عاجل غير اجلاً

[شوق*]

واذا نزلت دورتك كثري من البابونج واليانسون والحلبه
ترا يعدل الهرمونات ويرفع مستوى التبويض
واستعين بالله الذي اذا قال كن يكون

[بسمة أملي]

المتفائله دائماً و شوق

الله يجزاكم خير وربي يطمن قلبكم ياااااارب ويرزقكم الحمل السليم عاجلاً غير آجل




يعني خلاص عادي استمر بالدوفاستون واجيب العسل والحبوب واخذها معاه
الين وقت المراجعه واروح




الله يسعدكم

[شوق*]

اي ي قلبي
ولاتتجاهلين نصايح دكتورتك ابد
ولا تملين وتفقدين الامل
انا كنت زيك ماعندي توبيض
بس عزمت اعالج نفسي واستمريت شهرين بدون ملل وبصبر
والحمدلله رجع التوبيض عندي جيد نسبيا
وهذا بفضل ربي
العسل والحبوب تلاقينها في محلات وادي النحل

[بسمة أملي]

شوق الله يجزاك الجنه يالغلا ويطمن قلبك يعني انتي بعد الكلوميد اعطتك حبوب الدوفاستون معليش استحمليني ع كثرة الاسئله
الله ييسر امرك ياااااارب
وكيف الحين باقي مستمره ع العلاجات وله خلاص


انا بس كنت خايفه من الحبوب وكثرة العلاجات لاني توني ثلاث شهور من تزوجت
فقلت اخاف اكون استعجلت بالمستشفى والعلاجات

[كليجه]

الدكتوره أعطتك الدفستون عشان لو في حمل يثبت بإذن الله
ولو مافي حمل راح تنزل الدوره بعد ماتتركيه بأربعه أو خمسه أيام