دردشة بنات فلسطين, دردشة حوامل فلسطين, تجمع بنات فلسطين

[بنت الضفتين]

وأنا كمان ياحواء أزا الله راد بكون نفساء فى رمضان عشان موعد ولادتى بكون فى شهر 7
وكمان لسة عندى يومين قضاء من شهر رمضان لسة ماصومتهم عشان نفسيتى تعبانة ومضايقة
وكمان مابتحمل الجوع والجو حار مابعرف أزا الصيام بيأثر على البيبى أو لا؟

[بينك روز]

هلا حواء صباح النور
ايه والله قرب رمضان وانا ولادتي بتكون في تاني يوم عيد الفطر ان شاء الله
بس مش معروف اولد قبل ولا بعد
الله يكون بعونا يارب

[بينك روز]

هلا بنت الضفتين كيفك حبيبتي شو اخبارك اليوم
ازا مو قادرة تصومي طلعي فلوس على كل يوم مش قادره تصوميه
وان شاء الله ربنا بغفرلك

[بنت الضفتين]

اهلين فيكى بينك روز
بحس حالى قادرة أصوم عشان هيك مابفضل ادفع مصارى عن كل يوم بحاول أضغط على حالى وأصوم بعين الله

[جارة القمر]

صباح الخير

ام عزمي انا عمري 25 سنه .............
عيون المها الاسماء حلوين وزووء وخاصة اسم ليان وريان روعه

انا مشكلتي انه في كتير اسماء ومش داخل راسي اي اسم ............

كان الاختيار بين -ادم-ليث-يامن-امير بس حابه شي غريب وحلو بنفس الوقت......

ام عمر هلا وغلا و الله يبارك فيم يارب ................بس بجد احكيلي وين هالغيبه وشو صار معك وكيف عمورة
ولساتكم مغتربين ولا ارجعتو ...............وحملتي ولا لا ؟؟؟؟ يلا قوليلي ............


حواء كيفك وكيف القعده بالبيت؟؟؟
وشريتي سرير ولا لسا ؟


بنت الصفتين الله يعينا على حمواتنا انا كانت فترة من حياتي صعبه جدا من ناحية حماتي
وزوجي كان يجي مشحون من كلامها و رحت على بيت اهلي زعلانه بس من بعدها حطيت حدود والحمد لله هلا انا وزوجي ولله الحمد حياتنا هادية وحتى حماتي لما جربت كنه غيري عرفت قيمتي على العلم انه سلفتي وهي خاطبه والله و بدون اي سبب صدر مني كنت ارد عليها السلام ما كانت ترد لانه حماتي الله يرضا عليها عبت قلبها علي ،وسبحان الله الدنيا دواره هلا سلفتي من اول شهر زواج ما بتتعامل مع حماتي الا برد السلام لانها عملت فيها متل ما كانت تعمل فيي،هلا
سلفتي اجت عندي وطلبت مني اسامحها واكون اخت الها ونحن هلا اعز صديقات الحمد لله على العلم انه سلفي اللي هو زوجها كان اكتر واحد عدو اللي مع حماتي هلا انا مختصره كتير بيت حماي لكن بمخافة الله يعني مو بتعدي .

[بنت الضفتين]

بعين الله ياجارة القمر بس انبسطلك عشان اتجاوزتى هاى الازمة وحماتك عرفت قيمتك
انا شايفة انو اسم ادم حلو
احكيلنا عن قصتك ولادتك بأبنك يزن عشان حكيتى انك اتغلبتى فيها عشان نستفيد

[عسولة فلسطين]

صباح الخيرات

[احساس أنثى]

صباح الفل عسوووووووووولة

[عسولة فلسطين]

كيفك احساس؟؟
وكيف بوبيتك

[جارة القمر]

والله ذكرتيني انه علي صيام يوم ياربي متى بدي اصوم ..............

صيام ووظيفه صعب بس باذن الله رح اصوم

تعو نتفق على يوم نصومه للي عليها قضاء هيك بنشجع بعض و ما بنخلف ........بالاتفاق شو رأيكم بليز .....

اكسبو فيي اجر.