تجمع الكروشات اللي ولادتهن في رمضان 1433ه

[Haif]

مساكم خير

طبعاً رحت موعدي اليوم بمستشفى حكومي علشان الاجازات اللي انذلينا فيها و أعطتني الدكتوره أسبوعين إجازه لان انا موظفه ماعندي اجازه هالاسبوع

المهم شفت النونوات ياحلوهم وفي واحد مره هادئ اقول للدكتوره كل مره اسوي تصوير يتحرك واحد والثاني مايتحرك ولما دققت الدكتوره قالت لي ملاحظتك دقيقه وحركة بطني شوي الا ياحلوه قام يطامر ويسبح يممه عليهم يجننون ياحبي لهم
قلت لها عن الخفقان اللي يجيني قالت شيء طبيعي ..
والحمد لله تقلص الفرق بينهم صار يومين بس
ربي يثبت حملي و اشوفهم بحضني يارب ويثبت حملكم يارب

طبعاً جيت مااشوف قدامي على طول نمت وريحت لي شويه
*

[(( أم يارا ))]

الرشا البطاطس المقلي مو زين لك قريته مره في المنتدى ان المقالي مو زينه للحامل ..
لو اكلتي بطاطس مشويه والا مسلوقه احلى وصحيه كمان .. الله يهون عليك ويسهلك الوحام مشكله .. شوفيني عند النت واكل مكسرات امريكيه ههههه مشتهيتها ...

[(( أم يارا ))]

هيفا الحمد الله اللي طمنك عليهم وان شاء الله تشوفينهم بين ايديك سلمين والله يحفظهم لك ويثبت حملك يارب ..
نور العيون طمنينا بكره ع نفسك و ع البيبي واذا بتسافرين مده طويله اسألي الدكتوره اذا انتي تتحملين الجلسه في السياره والا لا والله يسهلك يارب ويسهل للكل ويثبت حملنا ..

[Haif]

جوريته
ياهلا ومرحبا فيك بينا وربي يثبت حملك و حملنا يارب

أم عبدالرحمن
الف مبروك النجاح وعقبال التخرج
و الحمد لله انك تطمنتي على النونو ياحلوه
روحي جربي الفستان وقولي لنا اذا ضبط والا لا
وبالنسبه لعزومتك اذا بتسوين ذبيحه مافي داعي تكثرين معها اصناف يكفي نوعين سلطه وورق عنب و جريش و صنيتين حلا بعد الاكل
نصيحه خلي حد يساعدك انتي وضعك مايسمح جبتي طاري العزيمه و كبدك قلبت عليك ورجعتي شلون يوم العزيمه الله يكون بعونك

نسومه
تسلمين على الطريقه احس اني سعبلت مع اني مااحب الحار ابد بس ماادري تغيرت عاداتي الغذائيه مره وحده

نور و ام سينا
كيفك و كيف النونوات

ام حماده
بشرينا عساك خلصتي تفحيط

[Haif]

أم يارا
تسلمين حبيبتي و عقبال ماتشوفين صغيرك بحضنك سليم معافي وكل اللي بالتجمع
و بالعافيه هالمكسرات على قلبك
انا من فتره مااكل الا بطاطس مقلي ورز ابيض بس كاني من يومين انفك الحظر عندي شوي

[Haif]

نور ونسومه
متى موعدكم طمنونا عليكم

[الرشا]

مرحبا . . . الحمدلله طمنتينا على نوناتك وعقبال تشوفينهم بحضنك بكل سلامه

انا اكلت بطاطس مقلي وولعت براكين عندي
هو انا من اول موبالحيل عليهابس جت ببالي

سمعت منقوع البابونج كويس للغثيان وجالسه اشربه

[نور العيوووووون]

هيوووف حمدلله على سلامة نونواتك يارب يحفظهم ويبعد عنهم كل شر يااااارب
ام سينا انا مغص بعد بس اتوققع من الابر الي اخذ والله تعبت احس بطني زئي نار شابه بسال بكره عن ذا الشيء
تدرون تو اهوجس اقوول انا كل تاريخ 16 ادخل شهر صح طيب انا توني داخله الثالث من اسبوع بس صح طيب كيف اكون بالاسبوع الحادي عشر المفروض اكون بالاسبوع التاسع تحملوووو غباءي شوي هههههههههههههه

[ام سينا]

ماعتقد انك بالحادي عشر

انا كل 14ادخل تاريخ جديد ورحت18/2 قالت لك اسبوع بالثالث

يعني انتي لك بعدي بيومين

واسالي الدكتورة ماعليك امر اوجاع البطن هالفترة عاديه ولا لا

[الرشا]

ام سينا فيه سببين لااوجاع البطن
1 /اذ كان اسفل البطن شي طبيعي من زيادة حجم الرحم لان الجنين يكبر
2/ اذ وجع البطن ويجي للظهر ممكن تكون التهابات ولازم تعالجيها