الحمد لك يارب ... ولادتي ببنوووتي !!::

[الرشا]

السلام عليكم .. كيفكم وأخبار الرشيقات
الحمدلله ربي رزقني يوم السبت 7 - 10
الساعه11 مساء
طبعا انا في الصباح رحت حضرت بمدرستي الجديدة ولله الحمد وروحت وغامرت مثل ماقالت نسومه وشربت كاسة قرفه
وانا من اول معاي الم بس متباعد عن بعض وانتظر يحما ويقرب بس ردد يالليل ماطولك
المهم ... جا زوجي س2ونص من الدوام وتغدا وقال يالله
دخلت على س 4 العصر جاني دكتور نيجيري ضخمم وأنا اموووت من الخوووف
قلت برجع زوجي واقف عالباب وراي
وقدامي هالنيجيري ياربي وش أسوي ...
سلمت أمري لله وقلت يالله توكلي ومالك مفر
دخلت سويت تخطيط قالوا فيه طلق بارد
قال اسوي لك كشف داخلي وتحريض مشان تسريع الولاده
طبعا .. حط يده فوق راسه لما درى اني مطوفه 14يوووم ..
سوا كشف داخلي قال فاتح 4سم .. على طوووول تنوووويم
خلص زوجي الاوراق وقالوا لي إمشي ونا مو مصدقه انو ولاده وطبعا جبت معاي كرتووون رطب وكانت معاي وحده سودانيه ونمشي وناكل
صار يحما الوجع وعلى س7 سوو كشف ثاني قالت 5سم
قلت يالليل مطولك يارب هونها
طبعا صار يشتد الألم دخلوني غرفة الولاده س9وشويه ونا مو مستوعبه مدري ليييش
وكنت أقرا سورة الزلزله والمعوذات وجت الدكتورة سوريه وقالت بفك مويه الراس مشان يشتد الألم ويسرع الولاده ان شالله
وفكتها وكانها وصلتني بسلك كهربا
يممممما يالألم انتفض انتفاض وه يالألم
ولا جت الفلبنيه وحطت بالمغذي طلق صناعي مدري ليش رغم الوضع عادي
ومن س9 ونص الين 10 ونص ونا انتفض من الألم
يابنات مممممتتتتت من الألم شي نار يمشي بجسمي موقادرة اتحمل
والفلبينيه تقول نامي على جنب مدام ونا موقادرة اتحركككك
طفشت مني وتقوول خلاص انتي مافي ولاده .. ولاده بكره .. ليش ماتسمعي كلامي
طيب موقادره اتحرك شسوي
وراحت وخلتني ونا الألم يزييييد وأحس خلاص بموووووت الطفل بينزل كأني بنففففجر والممرضه راحت زعلانه
وجلست انادي على الدكتور .. وجا النيجيري قلت له ولدني خلاص بمووت وشاف التخطيط البيبي وصرخ ينادي على الممرضه ان النبض ضعيف في التخطيط فعرفت انه فيه مصيبه
وجلست تصرخ دفي دفي مع الألم
وجلست اصارخ وادف .. ونا خلاص ماعاد فيني قوة
قلت ودوني عمليات .. بنتي وش فيها فصرخت الفلبينيه هذا شعر بيبي بسرعه الحين موووت
ومدري من وين جتني قووة ودفيت الا طلعت بنتي وكان الحبل ملفوف على راسها وهذا الي ضعف النبض عندها وكان بتروووح مني لولا رحمة ربي علينا وفضله
وماصدقت الا لما صرخت وصاحت بنتي وأغما علي مادريت الا وأنا بغرفة الملاحظه اللي بعد الولاده وناديت وين بنتي الا جابوها لي الي طلعت روحي الله يصلحها
والحمدلله صحتها كويسه وانا صار معاي نزيف بس الحمدلله توقف وجلست ثلاث ايام وطلعت ورحت انفس عند أهلي
وماني قادرة اتحرك بعد المعرككككه
كل جسمممي يوجعني .. الله يحمممل التعب ويرزقني برها يارب

بس كان اكبر خطأ اني انتظرت طول هالمده اللي طوفتها وغامرت بنفسي وببنتي
ولما ولدتها كانت متنفخه .. الحمدلله ان ربي سلمها لي

وعقبال كل الكروشات بولاده اسهل من ولادتي يارب