بنات طمنوني الله يخليكم

[أم البنين]

السلام عليكم
بنات رحت المستشفى اليوم وأول ما سالتني الدكتورة عن الاسبرين قالت تسخدمينه
قلت لها لا لي اسبوع موقفته علشان نزف من خشمي قلت لي غلط واكبر غلط الاسبرين
مهم مهم مهم واذا على نزف الخشم كلنا بننزف من اخشامنا عادي مافيها شيء وتقول حتى بنتي
عمرها اربع سنوات بتنزف من خشمها عادي مافيها مشكلة ..
وسوت لي أشعة فقالت الحمدلله كل شيء زين ولله الحمد والمنه وكتبت لي أبر مثبته قالت كل أسبوع
لازم أخذ أبرة وأعطتني تحاميل كل ليلة تحميلة والله يتمم لي ولكل الحوامل حملهم
معليش طولت في الكلام بس علشان افيدكم كمان وخاصة اللي يستخدمو اسبرين لا توقفونه
وسلامتكم

[حمووشه المطيري]

الحمدلله الله يثبت حمالج وتشوفينه بين احضانج يارب

بس انتبهى من الدم ع طول روحي المستشفى

[أم البنين]

الله يعطيك العافية
اللهم آمين

[لانا24]

الله يثبت لك حملك
انا الحمدلله ماوقفت الاسبرين
كان ينزل مني دم بالشهور الاولى وكتبت لي دوفاستون
وابر تثبيت مرتين بالاسبوع
والاسبرين كتبته قالت لان فيك انقباضه ممكن مايوصل الغذاء زين للجنين

بس انا قرات انهم يوقفونه بالشهور الاخيره عشان مايسبب نزيف وقت الولاده
وسالتها الاسبوع الي راح اوقف الاسبرين قالت لا لسه

الله يثبت لنا حملنا اجمعين ويتمم لنا يااارب بصحه وسلامه

[أم البنين]

الله يتمم لنا على خير يارب
ويحفظ اجنتنا من كل شر

[ضوء البدر]

الله ييشرنا و اياك بالخير

الف الحمد لله على السلامة

[Mouny]

الحمد لله يآرب الله يطمنج
والله خوفتيني عليج

انا لحيين استخدم الاسبرين وقالت لي الدكتورة لاتوقفينه
لان عندي ولادة مبكرة قبل واجهاض

ف استخدم حاليا حبتين دفستوون مثبت
واسبرين حبه يوميا

الله يتمم لنا ياررررب

[7 ام عبدالرحمن 7]

اذا ع النزيف انا كل اسبوع ينزل مني دم وكل ما اروح اتطمن يقولون لي تمام ووضعج زين
واذا ع الاسبرين كنت اخذه ٣ شهور الاولى وعقب وقفته قلت يمكن الدم منه بس صار كل اسبوع ينزل دم مني اهر مرة كان خفيف
معنى كلامي لا تحاتين اذا شفتي دم وخصوصا بدون الم مايخوف اما اذا كان بالم ايه هني يخوف

والمثبتات كل الدكاترة اللي رحت لهم قالولي وقفيهم انتي عديتي المرحلة بس انا اخذ حبه دوفاستون من عندي
وقريت كذا مرة ف النت البنات المغتربات في امريكا وكندا بالمرة لا ياخذون اسبرين ولا مثبتات وقريت اكثر من كومنت انهم مرات ينزفون والدكاترة ما يعطونهم اي شي والاسبرين يعطونه لحالات معينه مو كل من هب ودهب اسبرين اصلااا الدكتور قالي الاسبرين يعطونه للي عنهم قلب ضغط مو حامل

طمني بالج ولا تخافين من الدم والدكتور قالها لي الدم ما يخوف اللي يخوف اذا نزلت ماي زقال بعد انه الماي مو بسهوله تنزل

تزكلي ع الله واستوديعيه وهو خير الحافظين الحمدلله

[أم البنين]

الحمد لله على كل حال فقدت جنيني في الاسبوع 22 وتو طلعت من المستشفى اليوم
وكانت بنوته .. يعلم الله اني احبها وكنت انتظرها لاكن ما أقول الا ما يرضي ربي

انا لله وانا اليه راجعون والله يعوضني خير
دعواتكم لي