التهاب في المهبل

[Mouny]

السلام علييكم ورحمة الله وبركاته

بنات انا ف الشهر الخامس

واخذت مسحه طلع معآي التهاب ف المهبل

وخفت صراحه لان حملتي اللي قبل ولدت ف الشهر السادس ولاده مبكرة والسبب
انو الالتهاب فتح لي عنق الرحم > طبعا ماكنت عارفة ولا خذت علاج

الدكتورة قالت لي لاتخافيين وعطتني مضاد حيوي
وقالت طال ما انتي تاخذين علاج ماراح يصيدك شي


السؤال :, من حصل معاها التهاب ف المهبل واخذت مضاد حيوي
واكتمل حملها وولدت بالسلاامه ..؟

طمنووني فديتتكم وادعو لي يثبت حملي =( هذا ثالث حمل لي
ومابي اخسره مثل باقي الحملات


يااارب تثبت جنيني

[فروووحه a]

الله يتمم لك حملك يارب
انتي مسويه ربط ؟!!
ان شاءالله مع المضاد يروح الالتهاب وابتعدي عن الاكل الحار واللي فيه بهارات وحوامض لانها تزيد من الالتهابات
وحاولي تبلعين فص ثوم على الريق سمعت انه ممتاز يقضي على الالتهابات والفطريات
واكلي زبادي
انا كانت تنزل مني افرازات خضراء بدون ريحه وحكه واستخدمت تحاميل مهبليه والحمدلله اختفت

[مرايم الجابريه]

هلا أختي
أنا مثلك عندي ألتهابات تجي وتروح مع العلاج
وبعدها ترجعلي وصارلي شهرين على هذا الحال وللحين
عندي أفرازات بس من دون رائحه ورغم هذا قالتلي ادكتوره عندي ألتهاب
فكتبتلي على تحاميل 3 كل أسبوع تحميله واحده وجعدت شهر وبعدها رجعلي
والحين كتبتلي على تحاميل نفس السابقات مع مرهم داخلي وليس خارجي
المرهم يكون في أنبوب والحين أحس بحكه وانشاء الله بعد كم يوم برجع لدكتوره
أشوف علاج للحكه لان أول مره أحس فيها وايد تاعبتني
الله يثبت حملك وحملي وحمل جميع الحوامل يارب

[بحــ العيون ــــــــر]

ماعندي علم ان شااااااااااااء الله البنااااااااااات يفيدونك

[لانا24]

الله يتمم لك ع خيير
انا مثلك بالخامس ومعاي افرازات صفرا ومرات خضرا لكن بدون حكه
واستخدمت كذا مره تحاميل بس ماحس نفعت
ومتخوفه لان سمعت ان الالتهاب يسبب ولاده مبكره
لكن المره الجايه بقولها تكتب لي تحاميل
وتكتب لزوجي حبوب للالتهابات

وانتي سوي زيي بعد لان ممكن الالتهابات تتنقل من الزوج

والله يعينا ويتمم لنا ع خييير يااارب

[nour karim]

دعائى لك اختي احذري من الالتهابات عليك ان تعالجي انت و في نفس الوقت زوجك لان الزوج يلعب دور كبير في الالتهابات المتكرره ان شاء الله تسلمي

[استغفر الله 333]

ماعندي علم حبيبتي بس ماحبيت اطلع من دون ما ادعيلك

الله يتمم حملك على خير ان شاء الله

[لؤلؤه بيضاء]

ربي يشفيكي من الالتهاب ويتمم حملك على خير ويحفظ لك الجنين اللي في بطنك
عادي الالتهاب ممكن يصيب اي وحدة حامل بسبب زيادة الهرمونات ان شاء الله مع العلاج بيروح

[Mouny]

المشاركة الأصلية كتبت بواسطة فروووحه a

الله يتمم لك حملك يارب
انتي مسويه ربط ؟!!
ان شاءالله مع المضاد يروح الالتهاب وابتعدي عن الاكل الحار واللي فيه بهارات وحوامض لانها تزيد من الالتهابات
وحاولي تبلعين فص ثوم على الريق سمعت انه ممتاز يقضي على الالتهابات والفطريات
واكلي زبادي
انا كانت تنزل مني افرازات خضراء بدون ريحه وحكه واستخدمت تحاميل مهبليه والحمدلله اختفت

امين حبيبتي الله يسمع منج
لا انا ماسويت ربط قالت لي الدكتوره ماتحتاجين لحد الان
انا اكل فلفل وايد واشياء حاره
ان شاء الله حبيبتي ربي يجزاج الخير غلاتي
ربي يثبت لنا حملنا

[أم سارونة]

الله يشفيج الغالية

و يتمم حملج على خير