دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[أ ح ــتواني وأح ــتويته]

أناااا جييييييت

[نلي خانم]

الله ياحنان اخس يالطواعه هذا كله تصلين شكلك بنت السديس

[ثلجه فوشيه]

ولآآآآآآآآآكم حنان ياهلا فيك ..

[Nana.1985]

بنات امس الحمدلله مرررررا انبسطت زوجي جااااااا
بس عارفين المشكلة؟ انو هنا لما نجي مكة مالنا بيت يعني يا يجيني على بيت اهلي ونجلس سوا او نروح بيت اهلو ونجلس سوا خخخخ
يعني مافي خلوة هههه
بس على ميييييين هههه
المهم الحمدلله امس مرررررا انبسطت واخواتي كمان جو كل ربوع يتجمعو عند اهلي..
والصباح 7 ونص دق عليا قال هيا قومي نروح نفطر ونتمشى شويا لين ماتفتح بخش .. هوا طبعا نام في بيتهم من 12 من تعب المشوار ونا مانمت الا 4 ونص فجرااا عشان اخواتي خرجو دا الوقت ..
الحمدلله بالقوووة قمت وروووحت معاه وانبسط واكلنا من طعمية السلطان واكلت ورق عنب من عندهم هههههههه طلعت الي في نفسي منك نلي خاانووم الشريرة ههههه

المهم جات تسعه رحت للدكتورة وطبعا قلتلها ع الالم حق الضلوع والموية الزايدة ... قالتلي الموية الزايدة ممكن سكر حمل وممكن الجنين يكون معاه السكر ووزنو كبيررر ... ولو مافي سكر حمل (انا ماعندي سكر حمل) يمكن المرئ مسدود من الموية الزايدة يكون بلع منها الجنين او تشوهه خلقي في النخاع ... والله شويا ابكي مررررررا خفت حتى لين دحين جسمي يقشعر لما افتكر كلامها ...
المهم اول ماكشفت بطني مررررا باين مافي موية زايدة وسوت بالسونار وقالت مررررا ماهي زايدة جدا عادية وطبيعية! والجنين كويس ووضعو الحمدددددددددددددلله ياااارب لك الحمد راسو نازل على تحت وضلوعك تعورك لان رجولو محشورة فوق ههههههههه الكلبووون حلفت اني ح اهريه دغدغه من رجولوو دي الي تعورني ... بس حللللللللللللللللو على قلبي يعورني المهم اني اتطمنت انو كويس وانو مافي شئ بطال .. والحمددددددلله يارب .. مرااا ارتحت
وقالت ولادتك 14 القعده قدامك اسبوع ويوم ...
كنت ناوية اتفلسف واطلب اني اشوف كشك الولادة واتفرج عشان استعد
لما شفت وحده تتالم دخلت قبلي عند الدكتورة .. قلبي وقف وشويا ابكي ومرررررا خفت وبطني مغصتني ... راح كل ابووو الحماس الي كنت فيه قلت لالا مابا اولد .... وزوجي يضحك عليا

وبعدها رحنا اتغدينا عند جدتووو هوا عايش عندها لان امو وابوه منفصلين وعلى طول نووم هناك ققيلنا عندها وصحيت وشفت المطررررررررررررررررررا والرعود مرررررررررا مرررررررررررررررررررررررا انبسطت وفرحت وحتى نزل بررد .. بيتهم في العزيزية .. لما جيت الرصيفة مافي شئ انقهرت هههه
وجابلي رطب من اول مستحيه اطلب من اهلي ومن اول استنى الربوع يجي عشان يجبلي .. وجبلي الحمدلله هههه
المهم بنات ادعوولي تتسهل ولادتي والله مررررررا خايفة ..... :(

ملكة الاحساس ولدت؟!! ماقريت شئ عديت ع الصفحات بسرعه ماشفت شئ :s
هاااتو العلم اش سووت؟؟

[أ ح ــتواني وأح ــتويته]

هههههههاااي حرام عليك نلي كنت مع بنتي جالسه تصيح

[ثلجه فوشيه]

هههههههههههه نانا والله احب اشوف مشاركاتك لأني من يوم اقرا كلامك اقعد اسطح من الضحك الله يسعدك ياااارب والله مررررا فررحت لك وافتكرت نفسي أنا وزوجي لما نروح نفطر من السلطان نفس الطلب طعميه وورق عنب ههههههههههه
الحمد لله مدام رجولو مشعلقه فوق اهم شي وراسو نازل تحت ههههههههه وماعليكي بس يجي على قولك اهرريه دغدغه والله امس افتكررتك ودعيت لك ان شاء الله تنبسطي مع زووجك حلوو لما يكون بعيد عنك لفتره موو طوويله يجي مشتااق
و وانتي كمان مشتاقه لاني مجربه دا الشعور وشوفي ماشاء الله على حظك اليوم في رعوود وهوا بس زي ماقلتي مافي مطر هنا بالرصيفه والخالديه سبحان الله تقولي بالعزيزيه في يلا كويس من حظكم تتمتعو بالجو الحلو علييييييييكم بالعافيه يلا شدي حيلك نبغى نشوف البوبو حقك بصحه وسلامه يااااااااارب ..
وترى الدكتوره دي يبغالها تللللطييييييييش على الكلام الي قالتو اول أنا مرا خفت بس الحمد لله انو كل شي كووويس عقبالنا ياااااااارب ..

وصحيح ملووكه ولدت هيا جات قالت بس ماحكت شي قالت ولدت يوم الأثنين يمكن ما انتبهتي للصفحات كوويس

[نلي خانم]

ياقلبي عليك يانانا الله ياخذ هالدكتوره اللي فجعتكي والله أحنا الحوامل مو ناقصنا فجعه أمس كنت أحس بوخز وأنفجعت بس خلاص طنشت وراح
كويس أكلتي ورق عنب بالعافيه
الله يسهل ولادتك ياقلبي وياناسو على رجول الكتكوت اللي بطنك الله يحفظه يارب

[ثلجه فوشيه]

بنات أنا بطلع قلت لزووجي العزيزيه امطاااااار قلي يلا قومي امشيكي ويمكن اروح على اهلي مدرري اشووف على حسب المزآآآآج امممممم يلا اشوفكم على خير حبايبي
امووووووووووهـ نانا كويس قلتي في امطار قلتلو قلي يلا اخرجك هههههههه
بآآآآآآآيو ياحلوووين ..

[نلي خانم]

موفقه ياثلجه
الله يهنيك يارب

[حديثة عهد]

كيفكم حوامل مكة انا ببدايات حملي وجديدة بمكة مين تعرف مستشفى كويس خاص للولادة فيه ان شالله ادا ربي تمم علي وكملت حملي بسلامة يارب

وشاكرين حبايبي