دردشة بنات مصر , دردشة حوامل مصر , تجمع بنات مصر

ام يحيي 2011 · 08-23-2011, 01:56 PM

اقتباس:

المشاركة الأصلية كتبت بواسطة rania negm

حبايب قلبى مبارك علينا التجمع الجديد

ونقفل صفحات التجمع القديم ونقفل معاه صفحات أى معصية احنا نعرفها بينا وبين نفسنا

ونبدأ فى الصفحات الجديدة بطاعة لله ونور فى الحياة وبركة فى الرزق وراحة للبال

كنت قررت انى موش هدخل التجمع تانى لكن لما حسيت ان انتو صحبة صالحة بجد قلت خسارة تضيع منى عشان نفسى الضعيفة اللى بتمردنى وتقولى ابعدى عن اى شئ يفكرك بالحزن

بس قلت لنفسى والله ما أحزن تانى على نور عينى لأنى افتكرت حاجة جديدة مكنتش واخدة بالى منها

انها قبضت على طاعة " الدعوة دى طول عمرى بدعيها فى صلاتى اللهم اقبضنى على طاعة "

قبضت وهى صاااااااااااااااااااااااااااااايمة

انا كنت ناسية

والله فرحت فرح مافيش بعد كدااااا

خلونا لما نفتكر لولو نفرح ونتبسط ونتمنى تكون خاتمتنا زيها .. موش عاوزة اشوف واحدة فيكو بتقول كلمة حزن عليها بعد كدا

مفهووووووووووووووووووم ؟؟؟؟

يا باختك يا لولووووووو ياترى عملتى ايه فى دنيتك عشان تكون خاتمتك وبداية حياتك الجديدة بالجمال ده

ماشاء الله لاقوة الا بالله

ان شاء الله هنحاول كلنا نعمل زى ماكنتى بتعملى على أد ما نعرف عنك يا جميلة

اللهم لك الحمد حمدا كثيرا طيبا مباركا فيه ان ذكرتنا بمعاصينا والتوبة قبل ان تقبضنا ونحن على المعصية يااااارب

بنااااااااااااااااااااويت موش عاوزة الموود الكئيب اللى انتو فيه ده

وموش عاوزاكوا تشدو على نفسكو كدا

عاوزة اشوف مشاركتكوا زى زمان ادخلوا وطمنونا عليكو وكلمونا عن اخباركو بس نفكر نفسنا لو سهرانين بصلاة ركعتين تطوع فى الثلث الاخير من الليل

ونكمل كلام ونفرح سوا بولادنا وازواجنا متفقيييييييييييييين ؟؟؟؟

طول ما احنا مع بعض هنفكر بعض بالطاعات

وان شاء الله انا فى بالى فكرة عن حفظ القرآن هقولكوا عليهاااا لما آجى تانى بالنسبة لحفظ القرآن

حتى نخلى واحدة منكوا هى اللى تبدأ بيها لأنى مسافرة خلاص يوم الاحد الجاى مصر بإذن الله

دعواتكوا بان الموضوع يكون هين عليا انتو عارفين السبب طبعا

ودعواتكو كمان مرة عشان الواد فلائوتوس ميعاد زيارته مع الدكتور بكرة بإذن الله أو انهاردة ياعنى ماحنا عدينا الفجر

ادعو وزنه ميكونش قل لأن لو حصل كدا لاقدر الله هيبقى الولد داخل على دور نزلة . ربنا يستررررررررررر

الحمدلله الترجيع قل لكن الاسهال شغال

اللى هيفصل فى الموضوع هو انه بإذن الله وزنه ميكونش قل تانى

واحنا نهون عليكى يا رانيا الله يسمحك زعلتنى اوى كلمتك انك كنتى هتسيبى التجمع كفايه عليا لولو ربنا يرحمها يارب

وحشتونى كلكم اوى طبعا ما فيش حد هنااااااااااااااااااااااااااا

منتظرة فرج الله · 08-23-2011, 01:57 PM

السلام عليكم جميعا
عاملين ايه يا بنات ...........اعزرونى لانى من فترة مدخلتش بس بصراحة انا نفسيتى تعبانه جدا جدا ........... وجسمى كمان تعبان الحمد لله
انتوا عاملين ايه نهاد حمدالله على سلامتك يا رب الامورة تكون بخير ......
وشيماء يا جماعة عاملة ايه يا ريت تطمنونى عليها
تحياتى ليكم جميعا
وبارك الله فيكم ورحم الله امواتنا واموات المسلمين جميعا

somia · 08-23-2011, 02:46 PM

ايات الرقيه الشرعيه:
سورة الفاتحه
سورة البقرة من ايه رقم (1)للايه رقم(5)
سورة البقرة ايات رقم:163-164-255-285-286
سورة ال عمران ايه رقم 18
سورة الاعراف ايه رقم 54
سورة المؤمنون من الاية رقم 115 الى الاية رقم 118
سورة الصافات من الاية رقم 1 الى الاية رقم 10
سورة الحشر من الاية رقم 21 الى الاية رقم 24
سورة الجن اية رقم 3
المعوذات 3 مرات

somia · 08-23-2011, 02:49 PM

ايات فك السحر:
سورة الاعراف من الاية رقم 117 الى الاية رقم 122
سورة يونس من الاية رقم من الاية رقم 79 الى الاية رقم 82
سورة طه من الاية رقم 65 الى الاية رقم 68

ام يحيي 2011 · 08-23-2011, 03:04 PM

ها حد جه ولا لسه

يا ترى يا لولو هتفطروا ايه فالجنه النهارده ابقى ابعتلنا من عندك

ام يحيي 2011 · 08-23-2011, 03:06 PM

جزاكم الله خيرا يا سمسم

اخبارك ايه انتى وتوتا وحشتونى اوى توتا عمله ايه دلوقت طمننى عليكم

ياسميين · 08-23-2011, 03:37 PM

السلام عليكم ورحمه الله وبركاته
اخباركم بنات
سميه جزاك الله كل خير

om arwa · 08-23-2011, 03:44 PM

سلام عليكم
ازيكم يا بنات
بقولكم بليز اللى معاه رقم ايه يكلمها يتطمن عليها

ام يحيي 2011 · 08-23-2011, 04:29 PM

انا كلمتها يا سما مش بترد برده ياااااااااااااااارب خير

ام يحيي 2011 · 08-23-2011, 04:58 PM

هكلمها تانى بليل لو ردت هطمنكم بأذن الله

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل الدمام - دردشة بنات الدمام - تجمع حوامل مدينة الدمام	قمرين	إستفسارات حوامل من الشهر السابع إلى الشهر التاسع	1904	01-01-2012 11:16 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM
دردشة حوامل مصر - دردشة بنات مصر - تجمع حوامل مصر	برنسيسه المنتدى	إستفسارات حوامل من الشهر السابع إلى الشهر التاسع	39050	04-30-2011 07:02 PM