ارجوكم قولولي العيب فيني ولا في الي حولي

[اماني العمر]

السلام عليكم ورحمة الله

والله الي يعلم بحالتي وانا اكتبلكم همي ومشكلتي واتمنى من كل وحده تقراها لا تبخل علي برد او نصيحه ودعوه .. انا صرت متقلبة المزاج بشكل دائم وماعاد اقدر اصبر على هموم الحياة الي هي اصلاً غير جديده علي..وماادري المشكله فيني او في الي حولي.. بصراحه ضغوط نفسيه من جميع الجهات احس اني قربت انهار.. اهم شي فيها ام زوجي تجرحني بالكلام ودائما اسمع منها عبارات تثير غضبي وولا اقدر ارد عليها لاني ماتعودت ابداً ارد على انسانه بعمرها واحتراماً لنفسي ولزوجي ولتربيتي
دائماً تقولي ان نصيبك اكبر منك وان ابني يستاهل احسن من كذا.. واذا مافيك تجيبي له عيال خليه يتزوج مع اني جايبه خمسة اطفال وتعبانه معاهم بالمره.. والله اني احاول اكسب رضاها بس مافيه فايده.. والمشكله الثانيه بانشغال زوجي على طووووول وكل هم تربية العيال على راسي انا..وانا احاول ارضي الكل وكل همي يكونو عيالي متربيين وناجحين بحياتهم..ابني الكبير مراهق وصعب التعامل معه ماصار يسمع كلامي مثل الاول ويعاند وبنتي كمان صارت تهتم بامور اكبر من سنها تحب تسمع اغاني كثير وتشوف مسلسلات وانا دايخه كمان بتربية الاصغر سناً .. فالاولاد الثلاثه الصغار ماخذين وقتي واهتمامي وعشانهم رفضت الوظيفه وكمان ماجبت لهم شغاله.. وياليتني عاجبه..الايام هذي صار مزاجي على طول سيئ وماصرت اتحمل كلمه من عيالي وبسرعه اعصب وممكن اضرب حتى الصغير وارجع اندم .... ارجوكم قولولي وش الي صاير معي واذا فيه شي غلط نبهوني عليه
قبل تتأزم الامور اكثر.. وهل كلام ام زوجي صحيح ؟؟ وهل اني ازيد كمان عيال عشان ترضى هي وابنها؟؟ انا مشوشه ومو عارفه وش اسوي.. ردو علي ارجوكم..