للأسف ما قدرت احب زوجي

[اماني العمر]

اسمحولي ارجع بالتاريخ للوراء ولا تلوموني.بس نفسي
اعيش باقي حياتي بحب . طبعاً مع زوجي وعيالي.بس
كيف؟؟؟؟؟
شوفوووووووووووو
انا تزوجت صغيره بايام الثانوي .وباختيار زوجي وإصراره
علي انا بالذات.<< على فكره هو تقدم لي اكثر من مره
وكنت ارفضه وهو ماعجز فيني خطبني اكثر من مره لين
وافقو عليه اهلي وبعدين وافقت انا من إصرارهم علي
وللامانه انا ماحبيت فيه شي الا حبه لي.
رغم طول العشره بيننا ورغم الحياه الهادئه نسبياً ورغم
وجود كل اسباب السعاده(مو لحد الترف. يعني مستوره والحمد لله)
وخاصةً الأطفال إلا انني ماقدرت
احب زوجي للاسف الشديد .حاولت كثير بس ماقدرت
هو يحبني ودايم يقول كلمة احبك وانا والله غصب عني
ماقدرت اقولها بصدق والمرات الي قلتها تنعد على الاصابع
وكنت اكذب على نفسي قبل اكذب عليه.في بداية حياتي
قلت يمكن مع العشره باحبه وبنفهم بعض بس للاسف
ماصار الي تمنيته. هو انسان عادي مااقولكم انه فارس
الاحلام لا. هو مثل اغلب رجال هاليومين همه الاول
شغله وربعه وبعدين بيته وعياله واخر شي انا.يعني
انسان عادي . قلتلكم اني حاولت احبه بعيوبه ومثل
ماهو لكن ماقدرت.فما باقي قدامي الا اني احاول اخر
محاوله واكتب معاناتي هنا لعل وعسى وحده تفيدني
...........
على فكره انا حتى بصلاتي ادعي والله انه يحببني في
هالادمي وانا صادقه مع ربي.لان هذي حياه طويله
إذا عشتيها من غير حب وش تتوقعين يكون طعمها؟
.........
صح راح الكثير بس اكتشفت اني مااستمتع بحياتي
وكلها اداء واجب مو اكثر. حلو انك تكوني زوجه
مثاليه وتسوين كل واجباتك بحب ورضى. مو لانك
ملزومه. اتمنى تكونون فهمتوني . وياليت تردون
علي.
كيف اقدر احبه كيييييييييييييييييييييييييييف؟؟؟؟

[آحسآس آنثى]

مادري شنو اقولك
بس انااا مثلك انخطبت بثااانوي و تزوجت مع انه كذب علي من ناحيه الدراسه بالعقد وافق اكمل دراستي و لما تزوجت رفظ كذب علي بدخااان انه مايدخن طلع يدخن
بس حبيييييته بجد تعلقت فيه مع انه قااااسي شوي وكثير من الامور مايتناااازل عنهاااا

بس انتي غريبه اكيد فيه سبب خلاك ماتحبيه صح القلب مو اي واحد يحبه بس دااام انتي تقولي مو مقصر ويقولك احبك و انه خطبك اكثر من مره فهاذا يدل على حبه لك
بصراحه مو عاااارفه شنو اقول لك بس ان شااااءلله تحبيه وتعيشي معاااه احلى ايام عمرك معااا و مع اولادك

[دلؤؤؤؤعته]

حبيبتي كثيررررر ناااس عاايشين بدووون حب عااايشين ع الاححترام والتقديررر
ححاولي تفكري بمحاسن زوججك تذكري كل ششي حلؤؤؤ جمعكم لا تخسسسري زووجك لانك م قدرتي تحبينه وعلى قولتهم خذي اللي يحبك ولاتاخذين اللي تحبينه الله يسسعدكك ي الغلا ويمتعكك بحياتكك الزؤؤججية

[اماني العمر]

احساس انثى يسلمو على الدعوه الحلوه ياقمر
ربي يسعد ايامك
دلووعته انا حريصه اعدد محاسنه واخليها قدام
عيوني دائماً بس اطمع باكثر.يسلمك ربي على
الرد . ويارب يسعد كل زوجين

[مشاعل الدوسري]

السلام عليكم


عزيزتي بتتعبين من ردي لكن طوولي بالك و اقرئيه كله ممكن تستفيدين .. و عذرا على الاطاله ..


انتي لانك تفكرين بلحب و انك محرومه من الاحساس بلحب
و انك تزوجتي و انتي صغيره و و و و و و
مخلصه ثانوي مو صغيره عمر مناسب ..

بعدين كل هذا سواء لك حاجز و وهم اسمه ما اقدر احب زوجي
و أبليس كبرها براسك.. و يوسوسلك..


هو يحترمك يصرف عليك على قد ما يقدر محترم اهلك ..
و يحبك ..
أكثر من كذا ايش تبين ..

انتي راسمه صوره معينه في بالك عن الحب و تبين توصلين للمقايس
اللي انتي حاطتها فا لما ما لقيتيها قدامك حسيتي انك ما وصلتي لمتعتك بلحب ..


كل وحده فينا تخيلت فارس احلامها ..
اللي تخيلته اسمر و مجسم و جميل و بلاخر
خذت واحد ابيضضضضضضضضضضض و بو كرش و شكله عادي ..
و اللي تخيلت انها بتأخذ الرجال الطويل اللي دااااااااايم يغديها و يعشيها
و يصبح عليها برومنسيه أخذت واحد بطوله و مقصر عيشتها ..

مو كل الاحلام تبقى حقيقه و اوقات الحقيقه احلى من الاحلام و اوقات العكس ..



المهم


لفت نظري شي..



صح راح الكثير بس اكتشفت اني مااستمتع بحياتي
وكلها اداء واجب مو اكثر. حلو انك تكوني زوجه
مثاليه وتسوين كل واجباتك بحب ورضى. مو لانك
ملزومه. اتمنى تكونون فهمتوني . وياليت تردون
علي.
كيف اقدر احبه كيييييييييييييييييييييييييييف؟؟؟؟


أنتي أكتشفتي انك انتي ما استمتعتي لانك أنتي كنت بعيده عن المتعه هذي

أنتي تأدين واجبك كا زوجه بشكل أجباري لانك أنتي تأدينه كذا و لا زوجك ما اجبرك

أنتي مو حابه هلدور من البدايه عشان كذا عشتيه كاواجب مو كا حب لهذا الدور ..





بقولك شي ..

أنا لما تزوجت اخذت رجل له تجربه بلزواج و و و ووو الخ ..

لما كنت ارتب البيت مو عشان سواد عيونه

انا احب البيت نظيف و مرتب و بشكل مثالي لاني ارتاح نفسيا بهذي الطريقه

لما أكوي الملابس أ:وي حتى الملابس الداخليه اذا كانت معفسه ..

لاني انا ما احب اشوف الملابس معفسه ما احب لما البس شي القاه مكرمش لو حتى انه ملابس داخليه ..

ما اكوي الملابس عشانه .. لاني انا احب كذا

لما كنت أجهز العشاء و أتفنن بلمظهر الخارجي لاني انا احب اسوي هلحركات تسعدني ..

لما كنت اهدي زوجي هديه أتفنن بلمحتوى و بطريقة تقديمه اهديه بمناسبه و بدون لاني انا حابه اني اهديه

لما و لما و لما
قعد معاي زوجي قالي ليه اهتمامك مبالغ فيني بيت مرتب دايم الملابس الداخليه مكويه و هدايا و و وو و
قالي مو محتاجه كل هلامور عشان تثبتين اهتمامك و تبينين الفرق بين زواجي القديم و ارتباطي فيك .
الفرق واضح فيك و بكلامك ماله داعي تتعبين نفسك عشاني ..

قلت له انا ما اسوي كل هذا عشانك و لا عشان الفت نظرك .. و بنفس الوقت هذا الشي ما يسعدك قالي بلعكس يسعدني و مطمني و مريحني قلت له خلاص لا تناقشني بشي يسعدني و بنفس الوقت مريحك و مسعدك ..

أنا أحب أستمتع و أمتع غيري ..
بأكلي بلبسي .. بنظافة بيتي لما حد يدخل بيتي و يلقائه معفس و و الحمامات وسخه اولا بيستقرف او انه بيعتبرني شخص مهمل .. و ماراح يحب يزورني ثاني مره

لكن لما بيتي يكون مرتب انا برتاح و غيري لما يدخل يحس انه البيت مرتب من المنظر اللي يشوفه بأي مكان و بأي جزء في بيتي ..


فا يا عزيزتي على قولة أحمد زكي في الفيلم ..

بأحد المقاطع قال ..

حب ماتعمل حتى تعمل ما تحب


و الرسول صلى الله عليه و سلم قال و نقله عنه أنس بن مالك ..

عن أبي حمزة أنس بن مالك رضي الله عنه –خادم رسول اله صلى الله عليه وسلم قال " لا يؤمن أحدكم حتى يحب لأخيه ما يحب لنفسه " رواه البخاري ومسلم .

لاحظتي أخيه .. المسلم ..
و زوجك أخوك و أبو عياك و يحبك و صاينك ..



فلنفرض أن ربي خيرك..

تشعرين بلحب مع زوجك و تستمتعين لكن تفقدين أحد أولادك ..

أو

تشعرين بلحب مع زوجك فترة و تموتين ..

أو

تشعرين بلحب مع زوجك فجأه يتزوج عليك

أو
أو
أو


حطي لك أحتمالات زي ما تحبين ..
و شوفي ايش اللي يناسبك و ايش الافضل..
اللي انتي فيه أفضل أو أخيارك الجديد..





أخر تجربه مريت فيه ..
لها علاقه بلحب بشكل كبير .. و الحب يعني رغبه
ياتموت يا تشبع او ما تشبع

صار لي سنتين متزوجه تقريبا توني مكمله
و عندي بنوته توها عمرها 7 شهور
و حملت لاني ما اخذت احتياطاتي ..

لاني مو حابه أحمل و لاني ما ابي الطفل و لا أبي أعيش دووور
الأمومه من جديد و بعدي ما اتأقلمت مع بنتي

توني يادوب أصحصح من تعب السهر و
توها بنتي صار نومها منتظم ..
و بديت أضعف و حركات
حملت و أنا مو حابه الحمل..

تتوقعين شنو صار فيني ..

لاني ما قبلته من داخلي
يعني نفسيا مو متقبله طفل

ربي عاقبني عقاب ..

رزقني بحمل فوق حمل و صار عندي طفلين في مشيمه وحده واحد عمره شهر و الثاني شهرين ..

بعد معاناه اللي عمره شهر توفى ..

و بعد معاناه من الخوف على الجنين الثاني ..

نزل من وزني أكثر من 7 كيلوا
أسابيع ما كنت أكل

أشرب سوائل و نفس الشي استفرغ ..

تعبت تعبت بجد
خايفه الطفل الثاني ينضر ..
كنت شبه يوميا أنا بلطوارئ..
عشان يحطون لي مغذي ..
و ارتاح ..
الدكتوره تقولي هرمون الحمل زايد ..أوكي
الدكتور يقولي لازم ينزل اللي ببنط و لا بتتعبين من الجنين الميت لان الجسم مو متقبل الجنين الميت عشان كذا انتي كل شوي عندنا بلطورئ ..أوكي


بعدها قعدت أسبوع في بيتي و مهما يصير فيني ما اتحرك ..
و افكر و تعبت بجد ..
رحمة من ربي الجنين الثاني تحلل..
فا لما رحت لأحد المستشفيات ..
قالي الدكتور يلا على السونار و بعدين أشرحي لي حالتك ..
عملي السونار قلت له انا عندي طفلين و الثاني ميت ..
قالي و السونار مو مبين الا واحد عملي سونار من تحت ..
و بين واحد بس أنا مو مصدقه أبد . أبد .
قالي كل اللي انتي مريتي فيه من تعب و أرهاق و قلة نوم و استفرغ عوامل نفسيا لان
بكل مره تزورين دكتور يقولك شي فا تعبتي نفسيا

بلفعل لما كنت افتكر ان في بطني طفل ميت كنت أدوخ و أستفرغ على طول..


تطمنت كنت رايحه المستشفى و انا دايخه طلعت و انا مصحصحه ..

قعدت في بيت اهلي اسبوع ما استفرغت الا 4 مرات و انا لما كنت في بيتي بليوم الواحد 7 مرات ..


قلت خل اتاكد من دكتور ثاني رحت لمستشفى السعد حق اعلى دكتور فيهم برفسور ..

سألني كم سؤال ..
بس بقولك الاسأله الاخيره ..

س1: اول حمل لك..؟

ج1: لا ..

س2: متزاعله مع زوجك ..؟

ج2: لا ..


س3: خلفتي بنت و لا ولد ..؟

ج3: بنت

س4 : كم عمر بنتك ..؟

ج4: 7 شهور تقريبا ..



بعدها سكر الملف و قالي أنا فهمت كل شي ..

قلت له ايش اللي فهمته ..

قالي انتي حملتي من دون اي احتياط يعني زي ما نقول بلغلط ..
مالك رغبه فيه من البدايه
عشتي دوامة ان انا توني مخلفه و و و و و
و بعدي بنت صغيره بتحمل مسئولية 2 وراء بعض و انا ما ارتحت و و و وو و


قلت له صحيح انا لما اكتشفت اني حامل قعدت ابكي ..
و كنت افكر بأجهاض الجنين ..
و و و و و و و وو


قالي كل اللي مريتي فيه بسبب رفضك لقضاء لربك ..
بسبب رفضك التفكير زاد التوتر زاد البكاء السهر..

كل هذي الامور أرفعت من معدل التوتر و القلق
هرمون المسئول عن التوتر و القلق
حول الضغط اللي عنده الى هرمون الحمل ..
و هرمون الحمل ماله مقياس متقلب ..
فا قعد يزيد و انا افكر و هرمون المسؤل عن القلق يرسل
لهرمون الحمل و يزيد يزد ..

سبب لك بلنهايه عدم تقبل اي شي يدخل الجسم حتى رشفت الماي بتطلع فورء اي شي يدخل فمي يطلع على طول البلعوم ما يتقبله ..

فا تعلمت من هلتجربه دررررررررررررس
أني أتقبل اي شي يجيني من الله سواء كان بيضرني او بينفعني و اقول الحمدالله
و أحاول اجد الطريقه اللي تخليني اتخذ القرار المناسب
الطريقه المناسبه
و اني احاول اتأقلم مع حياتي اللي جايه و اللي انا فيها ..



بلنهايه شوفي أنتي شنو تحبين بحياتك شنو تحبين تسوين ..

أدرسي تبين دراسه ادرسي ..
تحبين الفن تفنني بفنك رسم
خياطه هدايا شغلي نفسك بللي تحبينه و حبي حياتك عشان تتقبلين اللي فيها ..

[ورد الياسميين]

اخت مشاعل كفت ووفت بلرد وابدعت فيه وبصراحه ماقصرت
انا من وجه نظري انصحك اي شي يسويه او اي موقف بسيط يصير وقلي احبك حتى لو مو من قلبك بكرا بتصير من قلبك
ترا بكرا راح يحس ويبتدي يبعد عنك ويميل وانتي بتكوني خسرانه
وكل تصرفك وتفكيرك غلط
وتوقع خت مشاعل ووفت بلشرح

[ام لؤي05]

مشاء الله الله عليك اخت مشاعل احييك واحي كلامك يسلم فمك طول عمرك ذوق في ردودك

[sanaa2]

حكيك درر يا اختي
جزاك الله كل خير

[دلع الأحساء]

حبيبتي في شي اكبر من الحب

في العشره في الموده في الرحه

في القران قال الله _ وجعلنا بينكم مودة ورحمه _

ماقال حب

يعني في شي اكبر من الحب الموده والرحمه

فهمتي علي

وش قال كمان المال والبنون زينة الحياة الدنيا

يعني حمدي ربك الله عطاك عيال وزينه الدنيا خذتيها


ماقال الحب زينه الحياه


وشكرا

[zo0on]

اختى لا تقعدى تقولي انا ماحبه ماحبه صدقينى في قرارت نفسك

راح يرسخ عندك شعور بالكره

اي شي مثل ماقالو الاخوات دربي نفسك هذا زوجي ابو عيالى يحبنى

لاتحطي في بالك انك ماتحبينه

ومشاعل مشاء الله عليها ابدعت الله لايضرك يامشاعل ويخلى لك زوجك وعيالك