زوجي جنني قولولي شسوي معاه

[قمر بيت أبوها]

يا بنت الحلال دام هو متندم سامحيه بس بشروط
وقولي مره ثاني تمد يدك انااعرف كيف ادبك
ذكرتيني بوحده تقول مات حب زوجي بقلبي لما نطق باسم طليقته بالفراش معاي
سبحان الله عايشه معاه ومدللها بس تقول حب ماله بقلبي حب

[●•• ShąhǿǾǿĎ ••●]

تبين الصراحه ابي الحياة تمشي واطوف له الي سواه علشان البنت بس ولكني اني اسامحه صعب تدرين ليش وربي ماتدرين اشكثر كنت احبه وطيبه حيل معاه ولا كنت احب ازعجه بشيء حتى والله العظيم بالكلام ماحب اضايقه مع انه وايد اهله واهلي ينتقدون عصبيته جدامي واني متحمله هالشي وعارفه اشلون اتعامل معاه ماحسسه حتى انه عصبيته الزايده شي غلط وكنت اتحمل اذا تهاوشنا صراخه وكلامه مع انه غالبا يكون الحق عليه بس امشي واقول ماعليه علشان لا اضايقه واقوله خلاص واسكت لين يهدي من نفسه بس لمن شفت الي شفته بتلفونه حسيت اني دلعته زيادة ووثقت فيه اكثر من اللازم علشان جذي انفجرت وغلطت عليه بس اهو ماتحملني وانا معصبه ومضايقه نفس ماكنت اتحمله واهو يدري انه غلطان والمفروض يهديني او حتى يقص علي بالكلام ياختي لو صرخ علي مازعلت اما يمد يده والله كبيره وصعب انساها له يمكن مشكلتي طبعي شين لا شلت على احد حتى لو اتكلم معاه ولكن بقلبي ماكون مسامحته

[●•• ShąhǿǾǿĎ ••●]

بعض البشر لامن حشمته طمع فيك

وبعض البشر لامن جفيته يودك


وبعض البشر يتعب على شان يرضيك

واغلى من اخوانه بقلبه يعـــــــــــــدك


وياصاحبي هالحين بانت خوافيك

علقتني مابين مزحـك وجـدك


وش جاك مني ياعشيري وش فيك

قبل امس انا صاحبك واليوم ندّك


لاضاق صدري من عنا الوقت انا اجيك

واشوف دمعات الغلا فوق خدك


والحين تظلمني وانا منك وفيك

بكل احترام اقول ياخوي حدك


ثوب الردى ياصاحبي مايقديك

الثوب ماهوب لك ولا القد قدك


وانا خلاص اليوم والله مابيك

النفس طابت سو ماهو بودك


الطعنه اللي من ورى الظهر تنهيك

وشلون لاجاتك من اللي يودك


لاواهني يوم انا اموت بييديك

ذابح وتبكي من ذبحته بيدك

[أماني جميله]

الله يهدي زوجك ياشهوووووود
ادعي له بسجودك وصلاتك
وكل يوم قولي اللهم أني أستودعك زوجي ودينه وأمانته وجوارحه فحفظها في حفظك يامن لا تضيع ودائعه
مثلا بعد صلاة الفجر
-------
الرجال ما يحبون اللي تواجههم وتنتقد هم لاااااا
قولي له قصه مثلا ان وحده من صحبتك كانوا عايشين بسلام وراحه وبعدين زوجها قام يسوي مثل أصحابه
يكلم بنات وقله أدب وووو
ولما اكتشفت هالشيء راحت لبيت اهلها
واتطلقوااا والسبب كله من اصحاب السوء. وهي كانت تقول يافلااااان خاف ربك عندك خوات وعندك زوجه وعندك بنت ،،،،،،، وبعد فتره
صارت وحده من خواته تكلم شباب ------ وقالت له زوجته من دق باب الناس دقواااااا بااابه ------

--------
اصلا لوا واجهتيه غير يجيب عذر ويكذبك

وذكريه بحديث الرسول
عفواااا تعفواااا نسائكم

---------
من دق باب الناس دقواااا بابه

[●•• ShąhǿǾǿĎ ••●]

اماني الموضوع قديم بس انا وزوجي لي الحين ماتركنا عنادنا وعصبيتنا اثنينا طبعنا اصعب من بعض احاول مرات اكون اعقل بس ماقدر ع نفسي عصبيتي وعصبيته مثل النار والحطب هو يزيدني وانا ازيده الله يعين ويصلح الحال حاليا اهو ترك هالسوالف ولا يتجرأ عليها بس دايما نلاقي اشيا نتهاوش عليها ههههههه يعني مالنا حل ابد

[Sleepy Miracle]

والله اني كرهت الايفون والسامسونج و الايباد والبلاك بيري!!! كله من سوء الاستخدام!!


الله يهدي ازواجنا يارب

[همسة ذوق]

والله انا مثلك من يوم جاء الزفت الايفون خرب حياتنا صار يجي وعلييييه عالطول حتى عالسرير بس اهم شي لاتخلييه يتمادى لاني زيك اهونها له الين جاء اليوم اللي سرت مااهمه لو حتى ابكي سار شي عادي الله يصبرك ياقلبي ويهونها علينا.....والله ينتقم من كل وحدة تخرب بيتنا حسبي الله عليهم راح يجيهم يوم والله...

[آحسآس آنثى]

الله يعينك ياقلبي بس صدقيني العنااااد مايفيد المشاكل بتزيد انا كنت مثلك اعاااند وربي بسبب عنادي ظربني لدرجة جمع ملابسي و رماهاا بالحوش و و طردني من البيت بس دقايق تركني شوي والا يطلع شافني ابكي و بردانه قام تآسف صحيح زعلت و بكيييييت الدم لاكن انا الغلطاااانه و استاااهل لان عنادي و كنت اشك فيه على شان غلط بيوم من الايام و ترك كل شي وانا كل مشكله ذكرته بغلطته وربي احنااا يالحريم بنندم الرجال يطلق و يتزوج ماعنده اي مشكله
انا الحين وعد نفسي انسى الماااضي و افتح صفحه جديده مع زوجي و تعاهدنا ع الصراحه وربي الحين امشي واناا رافعه راسي فوق وافتخر ان زوجي فلااان و هو يفتخر في كزوجه
صحيح الرجال يعاند يقهرك عنده شغلات ماتحبيهااا بس لاتواجهيه ادعيله اذا شفتيه يسوي حاجه ماتحبيهااا قولي له الله يعطيك القنااااعه و تترك هالشي اذا طلع من البيت قولي له انتبه على نفسك و ستودعتك الله لاكن بالعناااد وربي مافي حل و المشاكل مابتخلص
انا زوجي قبل فتره اشترى جلكسي و كنت خايفه من البلاوي ولما دخل الواتس آب خفت بس الحمدالله ماعجبه يقول حق بزارين هههههههه و على طول حذف البرنامج وهالشي فرحني كتيييير
اسفه حبيبتي طولت علييييك بس والله لاني حاسه فيك وانا مثلك 4 سنوات وانا من مشكله لمشكله و الحمدالله بدت المشاكل تخف

[شوق وحنين]

أتوقع هاذي الي يسمونه اكتئاب ما بعد الولادة.. مرة قريت إن ممكن يصير للرجل مب بس المرأة بسبب الشعور المفاجئ بالتغير والمسئولية الجديدة الي وقعت على عاتقه..