السلام عليكم
اخباركم صبااايا
مقهوره و معصبه يانااااس اطفال يفرقو بين الكبار لاحول ولا قوة الا بالله
اهلي ساكنين بحاره طبعا الحاره هذي كلهم اهل عمي اخو جدي و ولده و بنته و جدي وبيت اهلي هذه الحاره اللي اهلي فيهااا من زمااااان واهلي يشتكو من عمي و بنته ماحد يكلمون عيالهم الصغار الا جو عمي و بنته و لا ينزل عياله من جده عشان مشاكل بزران والمشكله من عيالهم و مايصدقونااا ابد لدرجة تصل للقطيعه واحنا الي نروح و نزورهم طبعااا كله عشااان الرحم الي بينااا
كبرو عيال بنت عمي و ارتحنااا و الحمدالله و بنتها الكبيره صارت غير في بيت اهلي طبعا ابو البنت مطلق امهااا تدرون له ليش لانهااا طردت امه من البيت امه حرمه كبيره و مريضه و بنت عمي ماتحملتهاا قامت اتصلت بزوجهااا قالت شيل امك مابيها عندي تهاااوشو قالت له حتى انت وراهااا و طردت زوجهااا طبعااا طلقهااا و تزوج ماعلينااا المهم صارت بنتهااا ليلها كله عند اختي وحياتنا يازينهاااا بعد فتره ولد عمي قرر يسكن عند اهله اخذت فتره الامور ماشيه وعنده بنت في الابتدائي مع اختي كلهم نفس السنه وتعرفو الاطفال يتضاربو و يرجعو يتراضو و بنته ذكيه و في نفس الوقت مصيبه تخيلو تضرب اختي و تروح لابوهااا ضربوني و سوو في و البنت لو تشوفهااا و هي تبكي تقولو احد ماسكهااا و قاتلينهااا من الظرب و هي مجد ظربهااا و يجي ابوهااا طاير ويمسك اختي و ظرب و اختي مسكينه ضعيفه
و مره اخوي اخذ السوني حق ولد بنت عمي المهم مارجعه له و خرب و امي كلمت بنت عمي و قالت لهااا السوني خرب و سامحوناااا و برسل لكم فلوسه قالت بنت عمي لا احنا اهل و هذولا اطفال و ماعليك منهم امي صدقت و بعد سنه ابوي يتروش و اخواني كلهم نايمين وامي نايمه مافي احد صاحي الا ابوي و يسمع صوت بالبيت و يسمع احد يفتح الدواليب المهم طلع مافي احد راح يصحي اخوي بيتاكد اخوي بسابع نومه قام ابوي طلع الحوش بيشوف منه والا ولد بنت عمي قام قاله ليش تدخل البيت مو عيب انت الحين كبير ليش مادقيت الباب الولد قام يكذب انا مادخلت و انا وانا ابوي يحلف ان في صوت بالبيت و سمع باب البيت يوم انفك الولد راح لجده الي هو عمي وقام يبكي فلان ظربني و هاوشني و قام يكذب و عمي جاء لبوي يهاااوش تظرب طفل انت ماتخاف ربك قال ابوي الولد داخل بيتي و الكل نايم قال عمي انت كذاب تخيلو كذب ابوي و صدق بزر كلمو عيال عمي عشان هالمشكله قام ابوي قال لهم انتم خوال الولد انا بكلم ابوه يشوف صرفه في ولده وهنااا رفض عمي قال ماتكلم ابوه خلاص انسى السالفه قال ابوي اجل ولدكم مايدخل بيتي هذا الكلام له اكثر من شهر وو للحين عمي يشوف ابوي ابوي يسلم عمي و ولده مايردو السلام عشان بزر في الابتدائي
و بتان ولد عمي وحده باولى ثنوي و وحده بثاني متوسط تخيلو توصل فيهم الوقاحه يكلمو اختي الصغيره يقولو لها تعالي نلاعبك و هي مسكينه تفرح تدخل بيتهم و يمسكوهااا ظرب و يرمونهااا مع الباب و تجي تبكي لابوي يروح يكلم ابوهم يقول انت عقلك صغير تجي تشتكي من بزران و وآخر مره مسكو اختي يالمدرسه و ظربوهااا و راحت البيت شعرهااا منفوش من الظرب اخوي عصب راح لعمي قال شوف شنو مسوين في اختي قال اخوي لاتقول بزران الي ظربت اختي في سنه ثالث متوسط بنت بنتك قال هذه بزرهروح شيل اختك وروح بس
قامت امي اتصلت على بنت عمي قالت لهاااا عيب الله مايرضى بهالشي انا مسكت عيالي عن عيالك يقومو بناتك يضربو بنتي و بناتك كبار قالت حنا خووووات قالت امي الخوات مو كذا اذا المشكله منا كبرتوهااا و اذا منا قلتو بزران احنا بنات عم وبس مافي اخوه بينااا حتى بنتهااا الي كانت غير عندنااا صارت ماتسلم علينااا و ربي يشهد ان امي صابره و دايم تهاوش اختي ماتمر من عند بيوتهم و اذا شافت بناتهم ماتكلمهم و اخوي نفس الشي بس هم ناس متخلفين اذكر مره اخوي ظرب بنت ولد عمتي كانو صغااار قام واحد من عيال عمي طرد اخوي بسياااره وربي هالقصه لهااا اكثر من 7 سنوات من يومهاا للحين اخوي يبول على نفسهو السبب خااااف يوم طرده بسيارهوامي ماتكلمت صبرت قالت عيال عمي و على فكره ليتهاا عيال عم وبس بيناا رضاعه يعني امي راضعه منهم و هم راضعين من جدتي يعني خوااااالي و هذا الي يقهر امي طفح الكيل عندهااا و ربي قبل فتره قامت تبكي تقول وين نروح اتعبونااا لو شي بسيط صار دقو ليه و ليه
و بنت عمي الكل يشتكي منهاااا تخيلو مره بنتهاااا كانت لابسه بالمدرسه جزمه فوشي قامت المديره طلعتهااا لانهااا مخالفه و طلعت معهااا كذا طالبه مخالفااات راحت البنت لامهااا تبكي و تشتكي بنت عمي على طول اتصلت بالمديره و تهاوش تقولهااا اذا شفتي بنتي مخالفه لاتفتشين الطالبات بالله هذا كلام و المشكله بنت عمي مدرسه واي معلمه او معلم يهاوش عيالهااا تهدد بعيال المدرسين وش هذاا وربي مالوم زوجه يوم تركهااا
بناااات وربي اكتب وانا منقهره منهم تمنيت ماعندنا عم عشان اخر مره قلت لامي اذا صار شي جديد مالكم الا ان تشتكو بالمحكمه ماينفع معهم الا كذا الى متى ساكتين ابوي مايعبرونه حتى السلام مايردونه و اختي كل يوم والثاني ظاربينهااا
الله يصبر امي بس حتى دعت عليهم من القهر
05-11-2012, 05:20 AM
مشاااكل و قطيعه و السبب اطفال
آحسآس آنثى 
جديد منتدى منتدى الحياة الأسرية والزوجية
العرض المتطور
