تجمع رعاية المولود من شهر 4 إلى شهر 6

[Mishael]

ام خالد عيونك المليحه تسلمين والله ،، تلف الصاله كامله وهي تدف برجولها وعلى ظهرها ، انتي قوليلنا خلودي صار يقلب كويس ترا يصير يلف البيت شقلبه هههههههه ياحبييله ،،
فعلن احس صرنا خبره وتفلسف ،انا عكسك حبيت شكلي وانا حامل واشتاق للحمل بس عساني متحمله طفل واحد ،
،،
اهلييييين زييينب لك وحشه بنتي يومين وتكمل السابع ،
،،
هلا والله جروح انتي شخبارك عسى امورك طيبه

[يارحيم]

المشاركة الأصلية كتبت بواسطة mishael

ام خالد عيونك المليحه تسلمين والله ،، تلف الصاله كامله وهي تدف برجولها وعلى ظهرها ، انتي قوليلنا خلودي صار يقلب كويس ترا يصير يلف البيت شقلبه هههههههه ياحبييله ،،

على طاري التشقلب لو تدرين وش صارلي اليوم بغيت افقد عقلي..حطيته على سريري بالنص عشان بغيرله ورحت ثواني بجيب له حفاظة والاخ على طول قام يتشقلب وانا فجأة سمعت صوت شي يضرب بالارض التفت لقيته طايح على الارض على ظهره وساكت بعدين فجأة صررررررخ بقووووووة (الارض باركيه خشب)... انا انهبلللللللت ركضضضضت شلته وقعدت اصيح معه!! طبعا شهق وانكتم وانا اهزه وانفخ عليه يالله فكت الشهقه.. تخيلي كان بالنص يعني اقل شي انقلب قلبتين عشان يطيح واساسا لقيته على ظهره وانا حاطته على ظهره يعني بدقيقه انقلب قلبتين بسم الله.. عاد طول اليوم موده شين ويصيح وعطيته مسكن وبعدين يوم فصخته بالليل لقيت دم على البربتوز!! واكتشفت ان ظهره فيه جرح!! الارض مافيها شي حاد مدري وشلون انجرح بسم الله!! بس مرة مرة ضاق صدري واثر علي الموقف كل شوي اتذكر الصوت وشكله يوم شفته على الارض واتخيل وشلون طاح ويوجعننني قلبببي :(((( .. تصدقين قعد نص ساعه وجهه اصفررر من الروعه حتى خالتي يوم شافته قالت ورا وجهه اصفر وش فيه.. ودي انسا اللي صار مرة مرة يعورني قلبي كل ما ذكرته

[ليالي حب]

بنات انا ابنى بعد ماسافرنا تغير جو عليه يكح ويطرش حليبه هو مايرضع الا صناعى وعمره بيدخل خمس شهوور ماشاء الله
مهم ان طبيبه كتبه له قطره ومضاد ومااستمريت ع مضاد الا 3 ايام .. وبعدين رجعت لطبيب كتب له بس قطره ؟استغرربت
مهم
خف تطريشه بس مازال مو جود خص مع كحخ
اذا جته
مهم شافت ولدى احد نسا بزياره لى مهم قالت معه عظيم كشفت ع فمه وقالت عضيم ؟.. ماهو العظيم وقالت احسن من تررفيع اكويه كي بعود صغير من ورا اذانه احسسسسسنلك اكويه ؟؟
جزاكم خير افيدوووووووووووووووونى

[ليالي حب]

ماشاء الله ابنى دخل شهر خامس ابد اوكله اولالا ؟؟

ثانيا .قل تعقيمى لرضاعات بس مره باسبووع بس اغسلهم بفيري ؟؟شرررررايكم اخاف يضره ويجيب امراض له ؟؟

ثالثا اعرضه بس دقايق بصبح للشمس ؟هل كااافي ؟؟كسلانه مره هههه

رابعاا واخيره ههههه ...هل بلعمرر هذا يصير تسنين ؟؟ ولدى يمص صبعه ويحب ياخذ اشياء بفمه ووو ؟؟
ولقيت وحده تبيع دوا تسنين بس طعمه مريع وفيه خواجوا ووو كله مطحوونه ؟؟شرايكم احطله ؟؟




جزززززاكم ربي خير

[يارحيم]

ليالي حب الله يهديك وش ادوية شعبيه وكوي.. ناويه تموتين ولدك انتي؟؟؟ خليك دايم مع نفس الطبيب والتزمي بعلاجاته للنهايه واذا ماخف روحي لغيره لكن ما ينفع تبدين مضاد وتوقفينه وهو ما خلص!!!!! مررررة مضررر.. واصحك تكوين ولا تعطين ولدك خلطات من حريم وش دعوة انتي جامعيه ومتعلمه المفروض تعرفين ان هالاشياء مضرة وتجيب امراض..

بعدين وشو تغسلين الرضاعات مرة بالاسبوع بفيري مافهمت يعني انتي ما تغسلينها بعد كل استخدام بالصابون؟؟ بعد ما يخلص ترجعين تعبينها حليب بدون ماتغسلينها بالصابون؟؟ اذا تسوين كذا ترا غلططط!!! لازم الرضاعه تنغسل بعد كل استخدام بالصابون!! الحليب يسبب ميكروبات ولعاب الطفل يختلط معاه مب معقول ما تتنظف بالصابون.. ممكن تاكلين بمواعين مو مغسوله؟؟ نفس الشي الطفل طيب

[جروح الحب]

الحمدلله بخير انتو كيفكم
الحمدلله عروستى باقي له اسبوع وتدخل 7 شهور

[Mishael]

ليالي انا فهمت انك تغسلينها دايم بفيري بس تعقمينها اسبوعيا اذا كذا عادي بس حطي مع المويه المغليه شوية ملح ،، وانتبهي الخواجوا ماينوكل انتبهي اللي اعرفه محلب يفرك فيه الاسنان وطعمه مره بس تكون الاسنان موررررمه بارزه مره انا بنتي مورمه وبارزه من شهرين ولاحين ماطلعت توها حتى تكون واضحه تشوفينها
بس ماانصحك تعطينه المحلب لان معه كحه وممكن يأثر عليه ،، الدكتور صرف لك قطره ومضاد بعدين قطره لحالها لانه مايبي يكثر عالولد يضره زيادة الحاجه
اهم شي اذا نام بالليل دهنيه بزيت زيتون وفازلين والفازلين ممتاز للكحه ،، والكوي اااه منه اختي كاوينها مية مره عشان العظيم على قولتهم وماتغير فيها حاجه ولا تأثرة لاتشوهين وليدك بس وممكن يلتهب وشغلانه خليك من ذا الحريم وسوي زي ماقلت لك دهنيه بفازلين وبس

[ليالي حب]

مشاعل ويارحيم جزاكم الله خير

[Mishael]

ياحياتي ياخلوودي مايشوف شر ان شاءالله توقعتك تدرين انه ممكن يسويها انتبهي خلاص بسم الله عليه وانتبهي تحطينه بمكان وحوالينه شي خطر عليه انتبهي يقعد يكب عليه شي حار بسم الله عليه الله يحفظه ،، ودامه مااستفرغ ونام الحمدالله يكون طيب وبخير بس شكله مرتاع عطيه عصفر ملي واحد ثلاث ايام واقري عليه
والله من الطيحات اللي بتصير بس انتبهيله حتى الجلاسه لازم تسكرينها

[ليالي حب]

بنات بسالكم سؤال شاطح هههه
انا بقرب ع عمر 30 وبهالعمر المراءه موصغيره بسسس سؤالى كم ممكن معها سنه تنجب ادرى هشئ بعلم الله وحده وممكن تتغير ظروف وصحه.. بس سؤال كم يعنى ممكن تلحق تجيب لو نفترض ماتاخذ موانع مجرد افتراض؟؟؟
هههه اتمنى فهمتونى
لان بعضهم بسن عشرين يعنى تجيب ..عدد كبير معهاوقت اكثر من بسن 30 ((عارفه كلوو بيد الله وحده الرازق