حبيباتى سيدات ليبيا تفضلو لأعرف ما حالكم

[dr.loly]

المشاركة الأصلية كتبت بواسطة sosolibya

فروسة صور الجبل تهبببببببببببل تجنن حلوة بصدق

وخاصة المنبع ماصدقتش انه في ليبيا

وصور القفاطين يللي حاطتهم ألى واحد متت فيه الجوبير القصي الكلوش إن شاء الله زبطيه وممكن فيه حزام في الوسط

ويللي قلتي خديته

بالنسبةليا مايمشيش ابدا لأنه شبه طوبو ومع الزوائد مكايمشيش حاله ههههههههههههههه


صحة على قلبها البطاطا لولة حرام عليك خلي تاكل ماكلة كبار خير من تقعد بلا ماكلة وصدقيني الماكلة تشبعها معاش حتطلب ديما الصدر.. جاتك الفرصة لعندك ماتردبهاش أعطيها البطاطا مع شوية ملح وزيت زيتون مبهرة سمحة فايحة اكيد هي ماخاطرهاش في ماكلة الصغار الباسلة ههه رب يحفظها..

الله يحلي ايامك وهذه بلادنا كنز لايعرفه الكثير من الليبيبن فما بالك بالعرب .. مع ان سواح واجد زمان ..بدون دعايه سياحيه من دوله بس بطبع ثقافتهم .. وحبهم للقراءة والسياحه يجوا
خصيصا مدينه شحات أثارها (قورينا) أجمل مدينه اثريه بالعالم .. اخرتها خشو عليها بكتربيل خخخخخ ..عمومآ القصير حلو صح بس مش استايلي قصير يمكن بدل رسميه بس لللركبه..تحتها بشوي
خديت الجوبير الطويل ابيض زوجي قالي الاسود احلي ههههه بعد شريته .. توا يجي ونشوفوا
قتله لان خديت كوري الشيفون اسووود..قالي كان خديتي 2 قتله نشوف الاول
وبلبنسبه لسؤالك وين بتلبسهم .. ان شاء الله ب ليبيا ... حاجات بسيطه وناعمه للمناسبات البسيطه..
لآن بصراحه دبش السوق وبضاعته قبل ما نسافر عقدتني كله توب ضيق استريتشات
دبش مدامات هك كيف مانتخيل نا صح فيه لكن تدهشي بيش تحصلي
وحتي خواتي قالنها ليا تواااا .. قالني دبش بكل رايح ..
والولي ربي يحفظها .. ان شاء الله نحاول نديرلها نفس ماقلتي انتي واوشـــي ..
مع اني صعبه كنت مع فراس وماشاء الله كان يتقبل هههه ماما ديما تقولي حرام عليك اوكال العيل باسل
انقولوها كلاويا مازلن مايقدرنش ع تصفيه الملح صغير وهك فراس لعند 11 شهر لاحلو لا مالح ..
نظام غدائي صحي طبي ههههه خاص بكل شهـــر..

وامس طلعنا مخصوووص .. وجبنا حاجات لها من سنهااا وتقبلت اصابع بسكوت هاينز
واليوم بنجربلها الرز وزوجي حط علبة حليب قال الاحتياط واجب مرات شئ ليله تعاودلها حالة الرفض.. وتقبل الصناعي ..

[dr.loly]

المشاركة الأصلية كتبت بواسطة sosolibya

فروسة أنا عجبني 1 ووو5

يعني مختلفات فى اللون واحد شعشاع وردى وألأخر غامق

رقم 3 حلو بس فيه هيكل عظمي مش حلو ههههه

وعندك 4 لقطة الحزام حلوة


المهم هو الموديل فظييييييييييع


وبالنسبة للقفطان يللي خديتيه اني متع الجوبير لو جسمك بدون زوائد معناها حيجيك رووووووووووووووووعة ياحلوة

والثاني يهببببببببببل يللي قلتي خديت أكحل وندور في جاكيت


بس انت وين بتلبسيهم..

اي موديل فظيع .. زوجي العزيز مايساعدش ف الامور هذه وريتهم له قتله محتاره حلوااات كلهن
قالي خوديهن كلهن ههههه جابها م الاخير ..
بس قلت نسأل بنات ونشوف اذواقكن حيرتني بزياده ..ف وحدات قونات حلوة وف وحدات فوق احلى ..

لي عجبتني ان بسيط وراقي واهم شئ بطم من تحت مسكر يدفي الاجناب ع قولة ماما
لعند عمرنا 3.4 سنوات تلبس فينا داخلي مبطم من تحت ..
وماتحبش العيل الصغير لي ظهره بعد يطبس يبان .. حرام خصيصا بالشتاء اكيد مايدفش..
ونا خديت منها هالفكره وقعدت ديما نركز ع نقطه هذه ف لبس الرضع ونحب القامجوات ف شتاء للجنسين بالحوش يدفن وهناااا حتتي علينا نحن تخيلي ف قامجوات نساء ورجال صيفيه وشتويه اخري من كثر ما متعودين عليهن ..

وجسمي الحمدلله زوائد مافش نفس ماقلتلكم قبل زياده متناسقه ومساعد طول ..

[dr.loly]

لاباس عليها الحلوة ... من كثر ما نحكو عليها

بنسألك امس دخلت عالرجالة اللي مع بوها ... لو هي داخلة ممكن واحد عطاها عين بدون مايقصد

بس نصيحة اخت مع اني عارفتك توة تكرهيني خخخخخخخخخخ

ماعتش اتبخري فاسوخ لانه مش كويس هههههههه مش قتلك توة حتى تضربيني

خاصة وانك ساكنة بيت مش بيت مسلمين ..

مانبيش انخوفك حبيبتي الر احة اللي تشعري بيها لما تشميه مؤقتة بس

انا كنت نفسك لدرجة اني لما نشرب قهوة الصبح وقبل ما انلم حوستي ضروري نطلقه

بس توة الحمد لله مكتفية ببخور العود والبخور اللي بنته طيبة

وهذي رقية نزليها علي نقالك واسمعيها وولعيها في حوشك وسمعيها لعويلتك وراجلك

ْْْْْْْْْْْْْْْْْْْْْْْ

اصلا انا من زمان بنقولك اسمعي رقية لاني احس فيك مش تمام

وهذي رقية حلووووووووووووووووووة ومريحة

2shared.com - free file sharing and storage

اهلا اوشي والله لا يوريك باس تسلمي وعليش بنكرهك بالعكس التنبيه كويس.. ولولي ماخشتش ع رجاله .. حتي نحن قلناهاا كان هذا قلنا عين
والرقيه منزلة في نقالي و ع لاب توب ونستمعلها .. ونشغل فيها
ولي حطيتها مابتش تفتح يقولي نوت فاليد
وبالنسبه للفاسوخ خوفتيني واللي صار صار هههههه

بس قصدك ع جو الجان وهك..؟ بس نا سامعه انا لي عنده جان مايحبش بنة الفاسوخ ..؟ ويقعد يرجع حشاااك..؟
وشفت حاجه هك ع طبيعه مره ...
بس كان مش كويس ليش جداتنا وامهاتنا يطلقن فيه للجياب وللمولود الصغير ..
مش يعتبر من الطيب .. ؟؟
عادي حتي المسك لي يجي مكعبات نحب بنته نا و زوجي وديما تمسح منها ع دبش العيال داخلي ...
يقولوا كويس .. حتي هو .. وحاطه ف كل جهة مكعب ...يقولوا الشيطان اعوذ بالله منه لايطيق رائحته
بالنسبه للبيت .. حاليا يذكر فيه الله دائمآ وسكنته مسلمين هذا الاهم
ونطمنك ان صاحب الحوش ... المالك يعني (مسلم)

[dr.loly]

المشاركة الأصلية كتبت بواسطة أمل ليبيا

ام فراس والله حسيت بيك ان شاء الله ربي يحفظ الوله واني مع رأي اوشي ارقي بيتك كله وربي يحفظكم والحمد لله لنها رضت تاخد منك في النهايه ربي يكون في عونك ومبارك ماشريتي تبيديهم بالهنا والصحه ان شاء الله وصور الجبل يهبلووووووووو ماعمريش مشيت للجهه هذه ان شاء الله لو روحنا ضروري نديرو فيهم طلة طبعا ان شاء الله تكون البلاد هداكا الوقت افضل

الله يبارك فيك عزيزتي .. وان شاء الله ترجعي طيبه وتمشيله وتستمعتس وتغيري جووو..
وربي يحفظك ويهون غربتك .. ويجي البيبي ويونسك .. ان شاء الله يارب
بالنسبه للرقيه دايره جهدي .. وان شاء الله خير ..
حتي التيلفزون ع قناة السنة النبويه او سعودية القران الكريم
حتي الواحد يحس بالنفحات الايمانيه خصيصا مع قرب موسم الحج .. ربي يبارك

[dr.loly]

المشاركة الأصلية كتبت بواسطة أم أجنادين 80

السلام عليكم ورحمة الله وبركاته

ألف لاباس علي الامورة [color="rgb(0, 191, 255)"]أم فراس [/color]

طبيعي تخافي عليها قلب الأم وخصوصا لو اول مرة يصير هكي معاها

افضل شي تشربيها مياه مرقية

الله لايوريك باس جنوووده ..والحمدلله عدا ع خير ..
نرقوا فيها ديما ربي يحفظها ..\ وح نحاول نسقيها نفس ماقلتي مية مرقيه
ومبارك الايفوووون ... نزليله برامـــجه بس.. لان ح يقعد أحلى وافضل بهم خصيصا في ليبيا
مافيش هذكا النت ع نقال .. ف مايحليه الا برامجه ..
وان شاء الله يعيش ويجيبلك زوجك ديما احلى وارقي الهدايا ...وربي يحفظكم لبعض

[شموسه 88]

المشاركة الأصلية كتبت بواسطة *ام فراس*

ماشاء الله صار كنتي في الجبل لحد وين عديتوا ... وبتوا غادي ووين قعدتوا والا رحلة يوم واحد..
تسئله بالتفصيل ع الجبل عشان الارياف هههههههه
ومطعم الكهـــــــف اول مرة نسمع به ؟؟
خاطي استراحة الحيط مافي مطعم كبير امشرق
اكيد فاتح جديد لان المنطقة الشرقيه امشطينها تمشيط
سوا ايام هلي كنت بنت والا بعد الزواج
وديما قاهرينا بعد نعدي نا وزوجي مثلآ اسبوووع نملوا من اكل الفندق وسوسه وشحااات مافيهنش مطاعم كبااار من الكساد نعدوا البيضااا وينزل زوجي يجيب وخلاص تنويع بيتزا مثلآ
كلا مطعم سمك وجو هك ماقابلنا الا واحد اكتشفلناه صغيرووون ف سوسه قريب م فندق ..

واللي قاهرتني مش مستغلين المناظر الطبيعيه والاثار بالسياحيه طبعا ايامات المقبور مايبيش يحكي عليهن يبي روحه المشهور بس

السلام عليكم ورحمة الله وبركاته
في المشيه في استراحه حلوه في دريانه اسمهاالخشمي اكلها حو خذينا منا وجبة سمك وامعاها سلاطات اورز

طلعنا يوم الخميس نحنا اواصحاب زوجي 4 وامعاهم زوجاتهم درنا جو ايهبل مشينا ليانبيع روحنا السبت تكينا عل مطعم الكهف مطعم خيالي في شحات وسط الاثار اكلات شعبيه اومشاوي اوبورديم خذينا كسكسو بلتقليا او لحم بورديم اوكبده مشويه وامسير اوخبزه حوش اتهبل
جاي في طريق لي تنزلي من شحات مش في الطريق الواعره "الغابه"الطريق الساهله لي عل اليمين مطعم كانك قاعده في كهف خياالي بكل
اوقبل خاطري نمشوا درنه خاطري انشوف الشلال اصحاب زوجي قالوا درنه مش امانه ياربي احفظ واحمي ابلادنا "ان شالله مره اخرى انديروا زياره"

[أم أجنادين 80]

السلام عليكم ورحمة الله وبركاته

ان شاء الله اوشي تكملي حوستك علي خير وعلي اكمل وجه وكيف ماتبي بس ماتنسينا في الصور ممكن نسرقوا منك افكار

جيجي اكيد الثريات بيطلعوا حلوات حتي هما اختيار الذواقة جيجي

شموسة والله لما تحكوا علي الجبل الأخضر تسهفوا فيا احني هنايا في الزاوية فيه شوي تعقيد من ناحية الطلوع للمطاعم

لو مش في طرابلس او صبراتة مانقدرش .. والباين عندكم هلبة اماكن تطلعولها وتغيرو فيها جو ... احني ياتونس يا الحوش


بصراحة حلوة فكرة الاكياس قدام الباب ام فراس مبادرة كويسة رغم انها في بلد مش مسلم

[أم أجنادين 80]

ام فراس زي شني البرامج الأيفون

حاليا قاعدة مااستخدمته لان زوجي رفع شفرتي حتي يقصها طبعا مدار قاله ه>ه صعب تنقص

رغم انه زوجي عنده أيباد وقاصله شفرة ليبيانا

[أم أجنادين 80]

هلا شموسة

وين وصليت في مشوار البني

[شموسه 88]

بكرا عندي فرح صاحبتي واخذينها عرب من شحات "اوشي توصي بيها"ياربي ايهنيها امس طلعت خذيتلها لانجري حلو بكل لونه اسود بلذهبي اليوم ماشيتلها عندها حنه اصغيره اوبكرا الحفله في قاعه في ليلة العمر
توا درت حمام اوبرمت عل روحي ابمكينه ابرون واشويه اخر نبي نبدا بشعري انفكر نلبس فستان تايجرشيفون كم