لكل وحده راح تعمل اطفال انابيب هالشهر ...! رحلة العلاج

[بنت نجد؟]

سحبو مني 15 بويضه وبعد يوم كلمتني الدكتوره وقالت لي تلقحو 10 بويضات ماشاء الله

ويوم الترجيع قالت لي ان 6 بويضات اللي كان انقسامها كويس

ورجعو لي 3 أجنه وجمدت 3 اجنه

وعطتني تحاميل 3 مرات في اليوم وحبوب مرتين يومياً

دعواتكن لي الله يثبت اجنتي
مؤلمه الله يسهل لك امورك ويرزقك الحمل يارب
ودعواتي لكن في ظهر الغيب ربي يرزقكن الحمل قريب يارب

[مؤلمه]

ماشاء الله تبارك الله بنت نجد

ان شاء الله تثبت وتبشرينا بحملك

انا اليوم سوا لي التراساوند وقالت رحمك كويس ورتني الاماكن. اللي راح تنمو فيها البويضات اللي قاعدين ينشطونها
قالت الجمعه تجين بعد ويكون فيه بويضات الحين مافيها شي
وبديت الابر المنشطه صراحه احسسسها مشوار اخلط من المويه والطحين ونوع حبوب جديد استخدمه يوميا مرتين قالت مااتشربين قبله حليب ولا بعد ب ساعه مدري ليه

وقالوا لي بعد 13 يوم يكون يوم السحب ان شاء الله

احسسس ايامي بطيئه صراحه مو سريعه

الله يرزقنا ونفرح ونفرح بعض ب الحمل

[@ملاك الحب@]

يارب يرزقكم ويرزق كل من تتمنى ان تصبح ام لكن حابه اسالكم بكم يسونها بسعوديه انا من مكه ايت مستشفى حلو

[مؤلمه]

المشاركة الأصلية كتبت بواسطة @ملاك الحب@

يارب يرزقكم ويرزق كل من تتمنى ان تصبح ام لكن حابه اسالكم بكم يسونها بسعوديه انا من مكه ايت مستشفى حلو

امين يارب العالمين

صراحه مدري ب السعوديه بكم لاني بسويها برا
بس سمعت انها بحدود 16 او 15 الف

[مؤلمه]

اليوم ثالث يوم من ابر التنشيط
امس نزلت الدوره
ام ابي اعرف هل 11 يوم مع ابر التنشيط تكون كفايه لوصول البويضات للحجم المناسب ،؟

[بنت نجد؟]

ايوه كفايه

انا اخذت 4 ايام وتابعت معي التبويض ورجعت 4 ايام بس الجرعه تكون اكبر

وبعدين يومين وبعدها ابره التفجير

وان شاء الله تتسهل امورك حبيبتي وتبشرينا

[يارحيم]

انا التنشيط اخذ مني 8 او 9 ايام.. حبيبتي اذا البويضات ما جهزت يعطونك منشط زياده ويأجلون عملية السحب.. كل شي يعتمد على نمو البويضات.. الحبوب اللي عطوك مضاد حيوي وبترجعين تاخذينه مرة ثانيه بعد عملية السحب والكالسيوم يبطل مفعوله عشان كذا قبله بساعتين وبعده بساعتين لا تشربين حليب ولا زبادي ولا لبن ولا اي شي فيه كالسيوم.. انا كنت اطنش من ناحية الجبن مثلا لاني اخذها الصبح مع الفطور وكفايه انحرمت من الكوفي الصباحي لان فيه حليب!!

[يارحيم]

نسيت اقولك ترا ذا المضاد غثيييييث ويقلب المعده قلب.. لازم تاكلين معه شي وتملين بطنك ولا بشوفين العجب.. يعني مرات بالليل لما اجي اكله اكون متعشيه من ساعتين او ثلاث واقول مب لازم واكلها ويجني حومة كبد ومعدتي تقلب علي واتعب واحس اني ودي استفرغ وتعورني معدتي بشكل رهيب.. تخيلي حتى لو اني متعشيه اذا جا وقت المضاد اروح اكل خبز!!

[مؤلمه]

المشاركة الأصلية كتبت بواسطة يارحيم

نسيت اقولك ترا ذا المضاد غثيييييث ويقلب المعده قلب.. لازم تاكلين معه شي وتملين بطنك ولا بشوفين العجب.. يعني مرات بالليل لما اجي اكله اكون متعشيه من ساعتين او ثلاث واقول مب لازم واكلها ويجني حومة كبد ومعدتي تقلب علي واتعب واحس اني ودي استفرغ وتعورني معدتي بشكل رهيب.. تخيلي حتى لو اني متعشيه اذا جا وقت المضاد اروح اكل خبز!!

خخخخخخ اليوم الصبح قمت واكلتها بدون مااافطر ولا اشرب شي المهم احس الحبه بحلقي عيت تنزل احس بستفرغ وغثيان شوي وابكي قسم بالله قلت اقول قم نطلع ب اكل اكل دسم الحبه عجزت ادحدرها ههههههههههه عاد الدكتوره قالت لازم تاكلينها مع بسكوت او شي لانها ثقيله وانا نسيت اكلتها بدون

امس لا ماسوت شي لاني كنت ماكلتها بعد الفطور وبعد العشاء عاد تبت اعيدها

[@ملاك الحب@]

مشكوره حبيبتي مؤلمه على ردك الله يوفقك ويسعدك يارب