°•.¸.•°°•.¸.•°ملتقى الحوامل الرابطات عنق الرحم°•.¸.•°°•.¸.•°

[دلوعة يزيد]

الله يوفق كل من دعاء لي
الحمدلله الله اخذ والله عطى ـــأأأ
ابي احد يحسب لي ايام التبويض
جتني الدوره 20/8 وانتهت25/8

زوجي اشتر لي جهاز تحليل حق ايام التبويض وسويته امس وطلع سلبي مافيه تبويض والتحليل تسوينه يوم يوم لا
بكرا بسويه واشوف ان شاءالله ايجااابي
لن زوجي متضايق صديقه زوجته كانت حامل معي وولدت وجابت ولد مشاءالله

لي 3 شهور من اجهضت وللحين ماحملت يارب ازرقني وتمم حملي ع خير ياكريم\

[غلا القلب]

حلليمو
مشكورة ياقلبي ربي يطمنج مثل ماطمنتيني



دلوعة يزيد
ان شاءالله يااارب ربي يرزقج بالحمل القريب الكاامل والتااام المفروض ايام التبويض تكون من يوم 12 الى ال 18 من تاريخ بدء الدوره
وبعطيج نصيحة انا مجربتنها اول ماتزوجت كان خاطري كثيير بالحمل وجبت جهاز كشف التبويض وللاسف ماكان عندي تبويض والشهر اللي بعده وحده نصحتني ربي يجزاها الخير بالميراميه ابدأ فيها من اول يوم الدورة لمدة 8 ايام صباحا ومساءا والله يااختي ان فاليوم ال 11 حسيت بألم مكان المبيض وحللت بجهاز التبويض وطلع ان في تبويض وربي اكرمني ورزقني بالحمل
بس اهم شي ماتغلين الميراميه فقط حطيها في ماي يكون مغلي او في الشاي وغطيها مدة عشر دقايق يعني تكون منقوعه وضرووري تغطينها وقت التنقيع واشربيها وراح تدعينلي والله نفعولها عجيب في تقوية الاباضه وادخلي النت واقري تجارب البنات عنها
وربي يرزقج بأقرب وقت يااااارب

[جنان الورد]

صباح الخير حبايبي
اي طبيعي جدا تجي حركة الجنين جنب تحت الربط
اني قال لي الدكتور ان راس الجنين تحت مرة اقل من السرة ولله الحمد
اهم شي انه بصحة وعافيه وهدا الاهم

[امل الوجود]

صباح الخير حبيباتي .. ومباركم عليكم الشهر الفضيل مقدما .. قولولي راح تصومون لو ما فيكم شدة .. وهل سالتو الدكتور عن وضعكم الصحي في رمضان اقصد مع الصيام .. وللي صار لها حمل سابق في رمضان او ولادة اتمنى تفيدنه عشان نستفيد من بعد ...

حبيباتي .. بخصوص الافرازات و الحركة ترى كلها اشياء طبيعية وما تخوف .. اهم شي نفسيتكم لا تعبونها .. الاشياء اللي تخوف .. نزيف قوي او خفيف .. بقع دم .. ولو تقدم الحمل وما حسيتي بحركة البيبي .. يعني هالاشياء ادل على شي خطير قاعد يصير .. اما عن باقي الاشياء في راي انها ما تخوف.. اقصد لا اتعبون نفسيتكم على اشياء تعتبر عادية وما منها خوف ..

[سمية سوما]

صباح الخير يا رابطات
هل صحيح اني اعمل السونار المهبلي بعد ثمان ايام من العادة الشهية
هل ضروري

[حلليمو]

المشاركة الأصلية كتبت بواسطة سمية سوما

صباح الخير يا رابطات
هل صحيح اني اعمل السونار المهبلي بعد ثمان ايام من العادة الشهية
هل ضروري

ما ادري صراحه بس اذا الدكتوره قالتلك سوويه لسبب معين سووويه واتوكلي ع الله

[حلليمو]

الف مبروووووووووووووووك عليكم الشهر الكريم الله يرزقنا فيه الطاعه ياارب

حبيباتي ...أمس رحت اسووي سونار وانا الان بالاسبوع السادس قالتلي الدكتوره الجنين صغير ومافي نبض

وتعالي بعد عشر اياااام قسم قلقت رغم انه قد حصل لي في حملي الي راح تفس السالفه بس قلقت

طمنوووني بليز

[جنان الورد]

اني سالت دكتوري عن موضوع الصيام
لان السنه اللي فاتت كنت حامل بشهر رمضان وكان لي شهرين ونص وصمت 15 يوم وجاني نزيف والدكتور منعني اصوم خلاني افطر
وهدا حملي قال لي الدكتور اني ما انصحك تصومي بس ادا تبغي تصومي صومي بس ادا حسيتي بمضاعفات او انهلكتي وقفي الصيام

[غلا القلب]

مبروووك عليكم الشهر بنات وكل عام وانتوا بألف خير

انا عن نفسي نويت اصوم ان شاءالله لكن اذا ماقدرت او تعبت راح افطر ولين الحين صامدة هههه



حلليمو
لاتحاتين حبيبتي ان شاءالله مافيه الا العافيه بس كثري من الاكل اللي يسمن البيبي انا سمعت الموز والحليب والمكسرات الغير مملحه طبعا ودامج مريي بنفس التجربه سابقا لا تحاتين ان شاءالله امور البيبي تمام التمام ويااارب ربي يفرحج فيه

[حلليمو]

اي قضاء راح يجي انا راضيه فيه وكله خير من الله

والحمد لله من قبل ومن بعد... وبعد عشر ايااام ان شاء الله اطمنكم وأطمأن

اما عن الصووم ان شاء الله اني ماافطر ابد .. اهم شي اكثروا من السوائل

واكل المفيد وان شاء الله ما في مضاعفااات ...

موفقااااات حبيباااتي