دردشة حوامل أهل الرياض - دردشة بنات الرياض - تجمع حوامل الرياض

[أإأم ع‘ـــزُوـوزُ]

يعطيكي اإأإلف عـآـآفيه

طيـب كيف تـ‘ع‘ــآملهـآ وخيـآطتهـآ...

[عاشقة الجنه]

انااانصحك بمستشفى دله افضل مستشفى بالرياض بدون نقاش انا اراجع بالعسكري ورحت فتحت بدله ملف للولاده طبيباتهم وخياطتهم وعنايتهم اكثر من راااااائعه وابحثي بقوقل وراح تصدقين كلامي الله يقوم الجميع بالسلامه

[دلوعة ميمو]

الله يسعدك حبيبة زوجها انا دعوتك هذي تكفيني
الله ييسر لك امورك توكلي على الله وان شاء الله تتيسر امورك
نصيحة من اختي الكبيرة اقولها لك لا تشيلين هم الولادة ولاتوترين حاولي تسترخين للااااااخر يعني خليها تجي زي ما تجي على قولت جدتي الله يرحمها الولادة زي المطر بدايتها برق ورعد ونهايتها مطر وخير

دامك قربتي سوي تمارين التنفس 3مرات يوميا
تساعد في تمدد العضلات واستراخائها ووصول كمية كبيرة من الاكسجين للرحم
الله يهون عليك ومره ثانية اقول لك خليك ريلااااااااااااااااااكس

[$حبيبة زوجي سطومي$]

اختي عاشقه ولاعليك امر انتي يوم ولدتي بدله كم لك والده عندهم
واي دكتوره رحتي لاني بفتح الاسبوع الجاي ملف عندهم ومحتاره بين سيده ممتازه باكستانيه وبين انجي سعوديه
انتي من جربتي
ووشلون كانت الخياطه يعني ممتازه رجعتك بكر
وهل طلبتي خياطه خارجيه وداخليه والا عاديه
وكم كلفتك كل الولاده من ولاده وخياطه واستدعاء دكتوره والغرفه وفتح الملف والبيبي كل ساعه يجيبونه والا ان طلبتي ويلبسونه الملابس اللي اجيبها والا ملابسهم
وهل حبوبات السسترات والخياطه تالم والا مااحس فيها وهل كتبت لك الدكتوره مسكنات للخياطه والالم وكم جلستي وطاحت الخيوط
وهل استخدمتي ابرة ظهر انا مستحيل استخدمها لانها تضر بالمستقبل
وهل عطوك طلق صناعي والا اصبروا عليك
وهل عطوك كمامه السوداء اللي تريح كثير اسمع عنها
عارفه بربرتي واجده خخخخخخخخ بس لاتلوميني
جاوبني تكفين

واختي الغاليه دلوعه
ابد ابشري انا امي وهلي عجزوا فيني يقولون لاتفكرين ولاتشلين هم
قلت وش اسوي اول واحد مااعرف شي
قالوا كثر التفكير والخوف ترى بتولدين قيصريه
وانشاءالله الاسبوع الجاي بدخل التاسع
ورجلي يقول اخلصي ماولدتي ياالله من الحين امشي
قلت اقول رووووقني وش امشي من الحين
وبعدين ماودي اولد قبل العيد ودي بعد العيد
ورجلي يقول اخلصي اقلقتيني معك هههههه
الله يعين ياحبيبتي
ويهون علي وعلى الجميع امييييييييييين

[عاشقة الجنه]

السلام عليكم ورحمة الله وبركاته
حبيبة سطومي
انا توني ماولدت بس فاتحه ملف عندهم زميلاتي بالعمل يمكن خمس والين هناك ويمدحونه مره بالنسبه للطبيبات فيه استشاريات وفيه اخصائيات الفرق بينهم بالكشفيه مية ريال للاخصائيه وميتين للاستشاريه وانا فتحت على موقعهم بالنت وشفت كل شي الولاده الطبيعيه مع اقامه يومين 5000وفي حالة استدعاء طبيبتك الخاصه تضيفين 500ولو طلبتي ابرة الظهر قيمتها 1500حسب مزاجك والحظانه خمس نجوم يجيبو طفلك من الساعه تسع الصباح متحمم ونظيف يخلوه عندك لاذان الظهر ومتى ما حبيتي تطلبيه 0000فيه سيده ممتازه بس عليها زحمه وصبا اول زيارة رحت عندها بس قالت لي انا ماجي باليل وغيرت ملفي لاخصائيه والعمليه القيصريه اول مره 10000ريال واول ماتروحين فيه مكتب مقابل رسبشن المواعيد يعطونك ورقه فيها كل المعلومات عن الولاده وفيه موظفه تستفسرين منها عن كل شي بنفس المكتب
يارب ماكون نسيت شي السسترات قمة بالروعه ولو بغيتي شي انا بالخدمه الله يقومنا بالسلامه

[$حبيبة زوجي سطومي$]

تسلمين اختي عاشقه ماقصرتي
طيب انتي وش قررتي تولدين عند اي دكتوره يعني ماسئلتي وش افضل عندهم دكتوره انا والله معزمه على سيده بس اخاف ماتجيني بسرعه وقت الولاده من الزحمه او تخيطني اي كلام
انا ودي بسودانيه لان كثير يمدحون خياطة السودانيات بس مااعرف احد مدح سودانيه عندهم كل اللي يمدحون سيده وانجي وصبا
بس يقولون صبا بارده شوي
طيب لو بروح لصبا وجتني الولاده بالليل يعني ماتجي
وش هذي طيب هذا شغلها وبناديها بفلوس مثلا تجي وش هالعذر
الله يعين والله

[أرجوان]

بنات كيف اعرف انهمو الجنين نزل الحوض تكفون ردوووو لي

[om salma]

مافى حد يابنات يعرف اى شئ عن دكاترة التخصصى اللى بأول العليا ؟!!


أرجوان لا تخافى سؤالك لية بخوف الامر يسير جدا الجنين نزل الحوض غالبا

مابيكون فى الشهر التاسع بتجدى البطن نزلت لاسفل بشكل ملحوظ

وبتحسين بثقل اسفل البطن ولا بتقدرى لا على الجلوس ولا النوم على الظهر

وبتتاكدى بالكشف طبعا

[أرجوان]

مشكوره على ردك ليه بس الدكتوره تقول لازم تمشين كثير لانو الجنين ثابت على الجهه اليمني مع ان راسه تحت ومانزل الحوض وخايفه من العمليه فيه احد صار له كذا

[أإأم ع‘ـــزُوـوزُ]

السلآم عليكم كيفكم بنـآـآت وكيفكم مـ‘ع الحمـل

أإأبـأسأل الخيـآطه بـ‘ع‘ــد الولاده تألم توجــ‘ع سمعت إنه يخدرون الموضـ‘ع

هل كل الدكـآتره يخدرون ولآ بعض وبعض لآ ...