تجمع رعاية المولود من حديثي الولادة إلى شهر 3

[يارحيم]

المشاركة الأصلية كتبت بواسطة ياهم ربي كبير

شوق وبنات صفر تعالو نبارك لليالي الحب على هذا الموضوع :
http://forum.hwaml.com/t231457.html

ماشاءالله صار عندها شعبية بقسم الولادة بسبب نشاطها هناك
:)

انا ماخذه على خاطري منها شوي لانها سحبت علينا بتجمعنا ولا حتى ودعتنا ولا بلغتنا بولادتها وهي عارفه الحين وين متجمعين.. وحتى ترسل تسأل ولما نجاوبها ماترجع ترد ولا تطمنا..

[يارحيم]

من جد شهاليل حطي القطن وخلاص تراها رهيفه ماتبين وبعدين ترا مارح يطلع شلال حليب كلها نقطتين على القطنة وخلاص.. عادي انا طول عمري بشكل يومي البس كير فري الفوط اليوميه عشان الافرازات وعشان احس بالنظافه دايما وماسوت لي احراج حتى عند زوجي والقطن بيتعود عليها بعد بالذات انها بتكون نظيفه مستحيل بيلاحظ نقطة حليب.. اما انك بتحرمين طفلك من الحليب الطبيعي عشان هالسبب حرام والله..

[سسارونه]

صباحكم رضا وعافيه

اه لو تدرون وش صار معاي البارح
الله لايعيد الموقف ولايفجعني بولدي

والله يابنات بغيت امووووت :(

تخيلو كنت ارضع عموري وفجأه اسسسسسستتتتتفرررررررغ من فمه ومن انفه
مره كثييير
وقعد يرد النفس ماقدر
وانا جلست اسمي عليه اسمي عليه واخبط ع ظهره بس مافي فايده
نفسه انقطع ووجه اززززرق

ااه يابنات وربي انفجعععت والمشكله كل البيت نايم
واهج بالصاله واصرررخ ويطلع اخوي وزوجته ورمية عمر عليهم
قلتلهم مايتنفففس
والحمدلله مرت اخوي سدة انفه ورجعله النفس
وانا قعدت ابببببببكككككككككي


والله يابنات للحين الرجفه فيني
الحمدلله يااارب انك رجعتلي وليدي

يارب لاتوريني فيه مكروه ولاتفجعني فيه ياكريم



بنات انا خايفه يتكرر الموقف اذا رحت لبيتي وماعندي احد
وش اسسسسسسوي :(

بجد خايفه *

[يارحيم]

الله لا يفجعك سارونه بسم الله عليك الرحمن الرحيم.. طريقة مرة اخوك ممتازة انا ولدي كنت انفجع بالبدايه بس الله يصلحه من كثر ما يشهق وينكتم تعودت!! ارفعه واسد خشمه شوي بعدين افكه ويتنفس.. اذا كان مستلقي على ظهره ارفعيه على طول عشان لو شارق يطلع وسدي خشمه شوي.. ترا عارض طبيعي واحتمال يتكرر..
اقولك انا ولدي يمكن كل يوم او يومين يسويها فيني.. اول مرة سواها بالليل ما نمت من الروعه بالذات ان تنفسه صوته غريب كل شوي احسبه شرق وانكتم.. تعبت ذيك الليله تعب ماقدرت انااام.. وبعدها الله لا يوريك تعودت اشيله وهو مكتوم عادي تماما كنه ماعندي احساس واسد خشمه وارجع احطه بفراشه هههههههه

[يارحيم]

انا ولدي احسه يتنفس بصعوبه!! عندي احساس قوي ان تنفسه فيه مشكله بالذات لون شفايفه تغير من الولاده.. كان وردي على احمر اول يوم بعدين بدا يغمق شوي شوي.. من يومين كذا صار لونه على موف شوي بس خفيف مرة بس احس اللون يزيد وحنا بالعايله ماعندنا احد لون شفايفه كذا الا المدخنين!! وبشرته كل يوم تسمر!! مادري ليه احسه ما يحصل على اوكسجين كفايه من تنفسه وعشان كذا تغيرت لون شفايفه وبشرته!!

[ياهم ربي كبير]

سارونة بسم الله عليه ،، مايشوف شر ان شاء الله
التشريق يحدث لجميع الرضع ، انا بعد بأول اسبوعين بعد الولادة كنت ارتعب
واحد اسباب الاكتئاب النفاس كان خوفي على ولدي ، خاصة اني قاعدة بروحي بعيدة عن اهلي وزوجي يشنعل
بس الحمدلله بالاسبوع الثالث صارت تخف ، والحين صار عمر ابراهيم شهرين تقريبا ولما يشرق يعدل نفسه بنفسه خخخخ
ان شاء الله ماتكرر بس ان تكررت تعرفي وش تسوين الحين وشلون تتصرفين:)


يارحيم ،، نفس ولدي بالظبط من ناحية التنفس واللون
اول امس كان موعده الروتيني عند الميدوايف عشان تقيس وزنه وطوله وطول راسه
وسألتها عن الصوت اللي يطلع لما يتنفس قالت عادي يصير لمعظم الاطفال بالشهور الاولى
لانهم مايقدرو يكحو ، فـ البلغم يضل جوا ويصدر صوت لما يتنفسو

بالنسبة للون حتى ولدي اسمر واسمرت شفايفه بس قريت بالنت على اكثر من موضوع
انو اللون اول شهور في الاطفال يتغير ويتغير مرة يسمر ومرة يبيضو ، لين يعدي الشهر السادس
ووقتها يثبت .. ونفس الشيء لـ لون العيون .. انا ولدي عيونه عسلي غامق ، ان شاء الله مايتغير لانه عجبني ههههه

[ياهم ربي كبير]

يا الله ،،
ضليت صاحية من الساعة 2 صباحا ، ضليت اقرأ واقرأ مواضيع بالنت
تخص الأطفال ، وماحسيت بالوقت ، صارت الحين 9 صباحا!!!
حدي نعسااانة، تصبحو ع خير

[يارحيم]

ههههههه تعجبيني زنوب عايشه حياتك ماشاء الله :) نوم العوافي يارب

[يارحيم]

جا على بالي فجأة سؤال يا زينب.. بالسويد لهم لغه سويديه ولا وش اللغه اللي يستخدمونها؟ وانتي تتقنين لغتهم ولا تتفاهمين معهم بالانقليزي ولا كيف؟؟

[شذا حداد]

سلام جميييع ...
حبيبتي ملكتني ..صراحة أنا شفت الحيط لونه بيج فاتح ..ولما لقيت وحدة كاتبة بيج غامق قلت معناها من الموبايل مو واضح ..
ومشان سؤالك ..السر هو أنو ما منعمل شي أبدا أيدا ...لا خلطات ..ولا أعشاب ..ولا شي ..ولا مشد ..ولا شي ..والوحدة بتصير تاكل خضار زيادة ..ومن أول يوم ولادة بتمشي ..ومتلي هيك بتشتغل وبتفوت وتطلع عادي وبس ...واناي ماشالله عليكي ايمت بلحقي عالبيت وعالنونو والولاد ةالمنتدى ...الله يعطيكي ألف عافية
يا رحيم قريتي شو كتبتلللللللك ؟؟؟؟؟؟؟؟....طيب شو صار معك طمنيني ...