ضيق التنفس في الاشهر الاولى.. مين عانى منه؟؟

[يارحيم]

اهلا وسهلا بعزيزاتي وخواتي..

انا مثل مانتو شايفين الشريط حقي حامل بالاسبوع السابع والحمدلله يارب لسا ما بدأ معي وحام ولا غثيان ولا شي ان شاء الله استمر كذا ولا يبدأ معي..

اللي لاحظته علي سرعة دقات القلب والنفس لما اقوم بمحهود بسيط وطبعا ارهاق وتعب.. يعني لو اسوي شي بسيط او حتى اقوم اجيب لي حاجه يبدا قلبي يدق بسرعه واتنفس بسرعه كاني راكضه ولا مسويه رياضه!! طبعا انا قاريه ان كل هالشي طبيعي في الحمل والحمدلله انا مو موظفه وشغل البيت خفيف جدا وعندي من يساعدني..

المشكله اللي ابي استشيركم فيها بدأت معي من كم يوم وهي ضيق بالتنفس.. حتى لو اني تماما مرتاحه.. احس كان خشمي مسدود ما احس اني اخذ اوكسجين كفايه احس بكتممممه.. وانا ماعمري بحياتي عانيت من ربو او كتمه الشعور بالنسبه لي غريب مو مستوعبه وش هذا..

عموما هو كان يروح ويجي بس من امس وانا تعبااانه ما اتنفسس زييين وكل شوي اقعد اخذ نفس عميييق واحبسه واطلعه عشان ارتاح وعلى طول ترجع الكتمه بعدها!! هل هذا طبيعي ولا عندي مشكله ولازم استشارة طبيب؟؟

من مر بشي زي كذا؟ وكيف تصرفتو؟

والف شكر لاهتمامكم وردودكم..