زوجي و عصبيته

[ام ريونه]

مسائكم .. صباحكم ... خييير

خواتي انا متزوجه لي سنه و 8 شهور والحين

حامل بالثامن مشكلتي ان زوجي عصبي ويعصب على اتفه الاسباب

اليوم رحنا نتسوق للنونو ولما خلصنا اعترضت علينا سياره عند الاشاره

ولما وقفنا عند البقاله السياره وقفت ورانا وزوجي نزل ورجع وفجاه ماشفت

الا وهو يلحق السياره ويحذفها بحصى ويركب سيارته ويلحق السياره والمشكله

انه مسرع ونزل على طريق رمل وانا احاول اهديه خلاص خله يولي

ولا كاني اكلم احد المهم نزل في مكان مليان عمال واخذ له عصا وصار يتهجم

ويدور على راعي السياره انا قفلت علي السياره وكنت ابي اتصل على حماي يجينا بسرعه

خفت العمال يمسكونه لانهم كثييير وخفت احد يجيني بس الحمدلله كان فيه ناس طيبه

صارت تفرقهم و تهديهم ورجعنا البيت ولا تكلمنا ولا قال لي شي

اللهم انه قال انزلي لاهلي قلت له تعبانه و ظهري يعورني ابيه يحس بالغلط الي سواه

مع اني الحمدلله طيبه ومافيني الا العافيه افكر اذا جاني اقول له نزل علي دم واخليه يوديني

للطوارئ بس علشان يخاف و المره الثانيه يفكر انه معه عائله ومسئوليه وبكره راح يصير اب

كيف راح يربي عياله على هالحركات الي يسويها وهو كبير مو صغير عمره 30

بس ما ابي افاول على نفسي وهذي مو اول مره يسويها دايم اذا صار له شي بينزل من السياره وبيهاوش

ويخانق ما يهتم اذا انا معه عجزت دايم اقوله اذا انا معك لا تسوي حركاتك البايخه بس من دون فايده

انصحووني كيف اتصرف معه واخليه هادي ويترك حركات الصغار