ام زوجي

[الجوري ام عزوز]

*السلام عليكم ورحمة الله*

كيفكم ان شاء الله بخير*

ام زوجي انسانه وام حنونه وتخاف على عيالها لدرجة الهلوسه فيهم*
من اول زواجنا وعلاقتي معها حلوه ودايم تثني علي*
لكن بعد سنه وتسع شهور باعوا بيتهم وسكنوا في منطقه بعيده عنا وانا كنت ساكنه معهم*
وطلعنا في بيت ايجار*
وبحكم دوام زوجي ما اروح لهم الا نهايه الاسبوع*
بالنسبه لزوجي يروح كل نهايه اسبوع*
اما انا اسبوع اروح واسبوع ما اروح لان حق امي علي بعد اشوفها الله يطول في عمر امي*
بعد ما نقلوا تغيرت ام زوجي علي وصارت وحدة ثانيه*
صحيح ان لهم تقربيا سنه وزيادة من نقلوا لكن ما بعد خلصوا بيتهم*
لان ما عاد عندهم فلوس تكفي لان ماشاء الله بيت بالمزرعه وتصليح وترميم اخذ وقت*
المهم انها طلبت من زوجي اغراض لبيت وكل مرا زوجي يجيب*
مرا لمبات مرا تلفزيون مرا افياش وشغلات هذي*
زوجي تعب مادياً من كثر ما يحط في بيت*
وانا بعد كنت طالبه من زوجي اغراض لبيت*
لكن سكت علشان زوجي ما يضايق مني ويعصب*
اثاث بيتي الاول كله اخذته *
جت تشوف بيتي والله ما حطت شيء جديد الا مقلط بس ولا كله اثاث بيتي الاول*
شاف صالتي قالت لي عطوني هالكنب لانه لونه بيجي مع صالتي*
قلت لها ان شاء الله اذا غيرت صالتي عطيتك اياها لانها جديده*
قالت لزوجي ان الجوري قالت انها بتغير صالتها وبتعطني صالتكم نهايه الشهر*
جاء زوجي معصب وقالي ليش قلتي بدون اذني وسمعني كلام وتهاوش معي وطلع*

انا مصدومه منها ليش تحدد المدة انا عارفه وضع زوجي المادي ما يقدر الحين*
سكت ولا حبيت اكون سبب بمشكله بينه وبين اهله*

وجتني فلوس وعلى طول غيرت صالتي علشان ارتاح لاني كارهتها بقوووة بسبب ام زوجتي*


حملت وجبت عزوزي وصارت تدخل في ولدي حطي كذا سوي كذا*
نفاسي كله هاوش مع زوجي بسبب ام زوجي*
تجي تزورني ثم تطلع تقول ولدك فيه روعه من الطهارة*
ولدك ما سمن ولدك ماكبر


والله ان اذا طلعت من عندي اجي مبسوطه له ومعي عزوز على ياخذ. عزوز ويقرا عليه*
او ياخذة وعلى طول روحي جبي رضعه له*

خلاص تعبت صرت اعطيه عزوز واطلع برا الغرفه من اليوم الثاني يجي يسال يسولف معي*
فسكت ولا تكلمت*

حتى لبس ولدي تحكم فيه انا اشتري له لكن تبي تشوف عليه لبس اللي شروه بناتها طيب انا امه ابي البس ولدي*
حتى مفرشه انزله نظيف اطلعه وسخ ملابس ولدي نظيفه يرجع لي وسخ ليه*

قبل رمضان غيرت ثلاجتي وطبعاً انا اللي دفعت اغلب المبلغ لاني اعرف وضعه المادياً*
وارحمه*
تخليوا لما شافتها قالت عطوني ثلاجتكم القديمه*
سكت لكن هالمره ابو زوجي قال لا خليها لكم تستفيدون منها اذا عزومتوا ولا فاض عليكم الاكل*
وانا كنت احتاجها بس ما اعرف ارد على ام زوجي*

تقولي في رمضان مب لازم تاخذين كسوة العيد من زوجك اصرفي من اللي عندك*
ولدي مسكين عليه قرض ودين والراتبه يا الله يكفي*
ولا تكثرين عليه طلبات منه اقتصدوا في كل شيء مب لازم كل شيء تبينه تحصلينه *ولا تروحين لمشاغل ماله داعي*

*بغيت اموت من كلامها والله اني احرم نفسي من اشياء علشان ما يتضايق اذا طلبتها وما قدر يجبيها*
مع ان زوجي مسوي اعادة جدوله في بنك علشان وضعنا يتحسن ويعطيهم منه
يعني اخذ قرض زياده علشانهم



لكن هالمره*
حسيت اني تعبت منها*
قالت لزوجي اني ابي فلوس علشان بدخل الجمعيه انت نص واخوك نص تدفعون*
زوجي سكت ما رد ناظرني وانا فهمت ان ماعندي شيء*
لما قام زوجي*
قلت ل ام زوجي والله زوجي مسكين مدري هالشهر يدفع الايجار ولا يشتري سرير لعزوز سرير صار صغير عليه*
ولا يدفع مع ابو زوجي للخميه *الله يرزقه*
طالعتني وصدت ولا عجبها كلام*
وولما جاء زوجي قالت انت يا فلان صاير اناني ما تعطني*
زوجي طلعت عيونه وقال حرام عليك يمه توني معطيك ورحت وسحبت لك الجمعيه*


لما جاء الصبح طلعنا برا انا وزوجي نتمشى في المزرعه*
قالي الجوري بو عزوز مضغوط مالياً ممكن تساعدينه*
تنهدت وقلت ابشر من عيوني*
سكت و ماحكيت وان شكى زوجي من كثر ما يعطي امه*
قلت له هي ربت وكبرت ومن حقها تعطيها*

انا تعبت من ام زوجي وزوجي ما يقول لا لها ولا هي راضيه تفهم وضعنا شوي*
زوجي قلبه على اهله *ويخاف عليهم وهي عارفه نطقه ضعفه في هالموضوع*
تعبت منها انا مثلي مثل اي وحده فيكم اتمنى بيتي يكمل اتمنى غرفه لولدي اتمنى مطبخي يكون كامل ولا ما ابيه كامل بس ابي سفرة طعام*


والله تعبت منها خلاص ما اتحمل اكثر من كذا*

[امونه.~]

الله يهدي سركم ...لكن ماله داعي هالدوشه ذي شوفي ياعمري طنشييي...
واذا ع المصروف فيه ناس اعظم منك وتصبر وعزمها قوي
وعندها اراده بالحياة لكن الحمدلله بزوجك وعيالك وببيتك شتبين اكثر بكره
يفرقون بينك وبين زوجك ماحد ينفعك خلاص اسمعي منه وخريه منه
لايكون تاثر عليك تراها عجوز ومره كبيره يعني تحير وش تقول وش تسوي
كلنا عندنا ام ازواج وابو ازواج وكلنا متحملينهم وهم ساعات سبب في مشاكلنا
لكن نتحمل ونصبر والحمدلله ونرجع من الحلاوه....مثل ماقلتلك
اذا تحبين زوجك وولدك ضحي بشي الا وهو التطنيش....من دام زوجك يحبك
ويحب اهله معناها عادل لاتقسين قلبه بكره تجيك اولاد ويسون مثل ماسوييتي لزوجك
لاخليك واصبري خلي الناس تظلمك بس لاتظلمين الناس...بس هذا الي حبيت انصحك فيه

[لؤلؤ مكنون]

الله يصبرك والامور هي عادي والله ام زوجي مطلعه روحي تاخذ من زوجي مصروف ولا ترضا اني اخذ شي وتروح تشتري لي ولعيالي ولا اروح مشاغل حتا انها اذا اشتريت معها ما ترضا تقول غالي وهو سعره عادي وتجي اخت زوجي تشتري نفس الشي تقولها حلو اشتريه لو تقراي موضوعي وتشوفي بلاوي وام زوجك غيرانه لانكم بعدتم عنها وماعاد شافت شو بتسوا وانتي انصحك انك تنتظري لحين يخلص بيتهم والله كريم واشتري للي بخاطرك قد ماصبرتي سنه لتخلص ديونكم مو مشكله الله يفرجها عليكم ان شاء الله واقراي ايات الرزقة والدين وادعي لزوجك عسا يفرج عليكم امين يارب اتمنا كون افدتك

[مي &]

عندي وعندك خير حبيبتي

الله يعين ويعينك

[حنين روحي]

ياحياتي الله يصبرك ان ششاءالله
والله ماعندي شي اقوله الله يصبرك يارب

[أم أصيـــل]

والله أم زوجي كانت غاثتني هي وبنتها,,
لكن سويتلهم مشكله معتبره ورحت لأهلي وقلت ياأنا ياهم,,,,,
لإني وربي كنت مظلومه معاهم وزوجي بس يشوف ويسمع ويسكت وأوقات يهاوشني,,,
المهم جلست شهرين ونص والحمدلله جاني وتسامح مني وإنهم ماراح يدخلوا
فحياتنا وإللي أبغاه أسويه وهو راضي بشروطي,,,
والحمدلله من رجعت وكلمتي مسموعه فبيتي وحتى ولدي لما أقول مايروحلهم يعني مايروح,,
والحمدلله هذا من فضل ربي,,
كانو يسوون فيني نفس الحركه ملابس وسخه أكل مو نظيف وأخرتها تجيه نزله معويه
وأنا أتعب وأمه بس تتفلسف تقول أكلك مو شي,,
والحمدلله على كل حال...........

[ثقتي بربي تغمرني]

انا ام زوجي ما تقصر فيني ومنكده حياتي لكن اسكت وما اقول الى زوجي
والصراحه الحين كرهتها وما اوطنها بعيشة الله

[الجوري ام عزوز]

المشاركة الأصلية كتبت بواسطة امونه.~

الله يهدي سركم ...لكن ماله داعي هالدوشه ذي شوفي ياعمري طنشييي...
واذا ع المصروف فيه ناس اعظم منك وتصبر وعزمها قوي
وعندها اراده بالحياة لكن الحمدلله بزوجك وعيالك وببيتك شتبين اكثر بكره
يفرقون بينك وبين زوجك ماحد ينفعك خلاص اسمعي منه وخريه منه
لايكون تاثر عليك تراها عجوز ومره كبيره يعني تحير وش تقول وش تسوي
كلنا عندنا ام ازواج وابو ازواج وكلنا متحملينهم وهم ساعات سبب في مشاكلنا
لكن نتحمل ونصبر والحمدلله ونرجع من الحلاوه....مثل ماقلتلك
اذا تحبين زوجك وولدك ضحي بشي الا وهو التطنيش....من دام زوجك يحبك
ويحب اهله معناها عادل لاتقسين قلبه بكره تجيك اولاد ويسون مثل ماسوييتي لزوجك
لاخليك واصبري خلي الناس تظلمك بس لاتظلمين الناس...بس هذا الي حبيت انصحك فيه

والله اني صابره ما شكيت لزوجي
حتى اذا قالي شيء قلت له هذي امك تعبت عليك فرحها بقليل

واحاول ما اظلمها لان عندي ولد الله يصلحه

مشكورة حبيبتي على نصحيتك

[الجوري ام عزوز]

المشاركة الأصلية كتبت بواسطة لؤلؤ مكنون

الله يصبرك والامور هي عادي والله ام زوجي مطلعه روحي تاخذ من زوجي مصروف ولا ترضا اني اخذ شي وتروح تشتري لي ولعيالي ولا اروح مشاغل حتا انها اذا اشتريت معها ما ترضا تقول غالي وهو سعره عادي وتجي اخت زوجي تشتري نفس الشي تقولها حلو اشتريه لو تقراي موضوعي وتشوفي بلاوي وام زوجك غيرانه لانكم بعدتم عنها وماعاد شافت شو بتسوا وانتي انصحك انك تنتظري لحين يخلص بيتهم والله كريم واشتري للي بخاطرك قد ماصبرتي سنه لتخلص ديونكم مو مشكله الله يفرجها عليكم ان شاء الله واقراي ايات الرزقة والدين وادعي لزوجك عسا يفرج عليكم امين يارب اتمنا كون افدتك

الله يعين والله المستعان

لكن توني افكر يمكن فعلاً لاني طلعت من عندها اذكر اذا بشتري اغراض لشقتي اول لما كنت عندها ما كنت ترضى تقول انزلي خذي اللي تبين

والله يالؤلؤ ما اظن يخلص بيتها ماشاء الله عليها كل يوم فكره وتبي تغير على حساب زوجي ولدها الثاني اصغر من زوجي

مشكورة حبيبتي على نصحتك لي

[الجوري ام عزوز]

المشاركة الأصلية كتبت بواسطة مي &

عندي وعندك خير حبيبتي

الله يعين ويعينك

امين يارب

ياحبيتي مشكورة على مرورك