اسأل مجرب ولا تسأل طبيب****الاجسام المضادة؟؟؟

[عشرينية]

السلام عليكم اخواتي في الله
قصتي لاتختلف عن كثير ممن ارتاد هذا القسم
انا لي 4 سنين متزوجة والحمدلله ربي اكرمني وامتن علي وحملت من غير علاج ويوم صار عمر البيبي شهرين ونص توقف نبضه وبدأت علامات الحمل تروح
ويوم السبت صلحولي عملية شفط في مستشفى التخصصي الطبي عند دكتورة ميرفت مسعود الله يسعدها
طبعا الدكاترة بعادتهم يشوفون انه اول اجهاض طبيعي ومايبحثون عن الاسباب
ومايبحثون الا اذا صار فيه تاريخ وراح اكثر من جنين
بس طبعا انا مارح انتظر يروح مني طفل ثاني وانا واقفة اتفرج فبدأت ابحث بالاسباب
انا فصيلة دمي o- وزوجي فصيلة دمه o+ وعلى حسب ماقريت من النت واطلعت عليه يقولون انه دائما تحدث اجهاضات او تشوهات للجنين بسبب زمرة الام السالبة
وتتكون عندي اجسام مضادة
وغير كذا انه بعد عملية الاجهاض عطتني الممرضة حقنة في العضل سألتها عنها قالت لي هذي بسبب فصيلة دمك سالبة
طبعا ما اخذت واعطيت معها بالكلام لانها مو مره فاهمة
سؤالي اخواتي هل فيه وحدة منكم مرت بهذه التجربة وايش سوت
انا عندي موعد عند الدكتورة السبت الجاي بس حبيت اخذ رايكم وتجاربكم
لانه احنا جربنا واحنا انقرصنا
الله يسعدها اللي تفيدني وعذرا على الاطالة وجزيتم خير حبيباتي