السلام عليكم ورحمة الله وبركاتة
ولدت بتاريخ 20 /7 ولله الحمد والمنه
بحكيلكم قصة ولادتي
الساعه 10 بالليل رحت انا وزوجي للممشى نمشى مشيت تقريبا نص ساعه وكان زوجي يحاول يخليني امشي بحركه سريعه وخطوات متباعده
المهم رجعت البيت وعلى الساعه 3 بداء معي وجع ببطني وظهري بس من فوق وكان هالالم يجيني من اول التاسع بس ماكنت اعرف انها طلق لاني بكريه وكل الي اسمعه ان الطلق تحت ويكون مثل الم الدوره بس مضاعف طبعا ماتوقعت انه طلق ابد بس قلت بنفسي بروح اخلي المويه الحاره ع ظهري وبطني بخفف من الالم دخلت الحمام وقعدت فيه نص ساعه مرره ارتحت ولما خرجت من الحمام رجع الالم رحت للمطبخ وفوحت ع مويه حاره وحطيت رجولي فيها ودهنت ظهري وبطني بزيت زيتون فيه حبه بركه لكن مافيه فايده الالم يزيد تذكرت كلام امي انه اذا جاني الم اشرب كمون واقوم واسوي لي ونفس الحكايه ماخف الالم ابد وارجع للحمام ع المويه الحاره ولافيه بوادر ان الالم بيخف خرجت من الحمام وجلست اقراء ادعية تسهيل الولاده جلست ع هالحاله الى 7 الصباح بعدها خلاص ماقدرت اتحمل الالم قومت زوجي ورحت لاقرب مستشفى وكشفوا علي قالو مفتوح 5 سم وقالو ترقيد انا رفضت ووقعت خروج ع مسئوليتي ورحت لمستشفى دله على طول دخلوني وقبل تكشف حسيت كاني تبولت بس بكميه كبيره قعدت اصارخ من الخوف توقعت اني تبولت وتجي الدكتوره وهي تضحك قالت لا ذي موية الجنين وكشفت قالت 5 سم ويرقوني ع غرفة الولاده وانا كنت ابغى الي تولدني أماني توفيق
المهم نادوها ولمى جت بتكشف علي كنت اتنافض من الوجع ودموع وادعي ربي لما جت تكشف مسكت يدها صرخت بوجهي وقالت ماراح اولدك ضربتيني انا هنا قعدت اصيح اول شيء ماتوقعت انها بتسوي كيذا وظلمتني وانا بهالوقت بامس الحاجه ليد حنون مو وحده تصارخ علي
طلعت وانا اترجاها ترجع وراحت ونادت لي دكتوره ساميه الله يجزاها خير اول مادخلت مسكت ع بطني وقعدت تقراء علي وعطتني يدها امسكها وعطوني اوكسجين لان الجنين قل عنده الاكسجين
وجتني دكتوره ثانيه هي الي ولدتني اسمها عوضيه كشفت لقت الرحم مفتوح 9 ونص بس راس الجنين مانزل لعنق الرحم ويحاولون فيني ماقدرو قالت الدكتوره ساميه خلاص بنحولها قيصري نادو زوجي وخلوه يوقع ع العمليه لكنه رفض يوقع الا بعد نص ساعه والحمدلله ربي فرجها من عنده وولدت طبيعي وولله الحمد والمنه والله ياجرنا يارب العالمين ويمحي ذنوبنا على الالم الي ذقته يارب
اي سؤال انا جاهزه ارد عليه