وبعد طول انتظاار شرف (سعيد)

[فوفو الأمورة]

السلام عليكم
ولدت ولله الحمد قبل 9 ايام يوم الثلاثاء تاريخ 24-4-1432 الساعة 9 صباحا <<كيف الدقة بس
يوم الأحد بد معاي الطلق بس كان متباعد وخفيف اقدر اتحمله ويوم الاثنين بدينا في الجد وصار يحمى علي ويتقارب ..وصار كل 10 دقايق وبعدين كل 5 دقايق
عالساعة 12 الليل حسيت ان قواي ماعاد تتحمل اكثر وقلت لزوجي يللا عالمستشفى
ورحنا على مستشفى الحمراء بجدة لانها اقرب مستشفى تولد فيها دكتورتي وياليتنا مارحنا !!!
طبعا أول شي بدت تقيس لي الرحم وكان 3 سم بس
وبدت تمشيني الممرضة وكل ساعة كان يفتح سانتي واحد بس
واول مافتح 5 دقوا المستشفى على دكتورتي على اساس تجي وكان عندها ولادة ثانية قيصرية بمستشفى ثانية بعيدة وماقدرت تجي..
تخيلوا الوضع بس..
انا وقتها من شدة الألم كنت اقولهم ما ابغى اتوكل على بشر بتوكل على رب البشر ..
قالوا لي فيه دكتورة شاطرة عندهم اسمها دينا قلت يللا دقوا عليها
ودقوا عليها واعتذرت ولدها كان مريض وقتها ..
وجات الصدمة الثانية !!
قالوا ماباقي الا دكتور استشاري اسمه محمود اعتقد مصري
وزوجي قال رجال لا ومن الكلام دا بس من كثر الالم ترجيته وقلت مافي الا كذا خاصة اني كنت انزف دم
وجاء الدكتور تخيلوا كشف من تحت وفتح بطني قال هذي مستحيل تولد طبيعي لازم عملية ..لان الراس مرتفع فوق مو بالحوض
على الرغم اني بنفس اليوم شفت سونار وكان الراس بالحوض
وصار يربكنا حسبي الله عليه ويجيب الورقة لزوجي عشان يوقع ويحاول يضغط عليه ويقول انا استشاري واسمع نصيحتي ومن الكلام دا .. طبعا وقتها كان القرار صعب خاصة اني بكرية بس قعدت ادعي ربي طول ماهو يكلم زوجي وربي سخر لي الممرضة وجات اعطتني ملابسي وقالت لي (انتي فيه يخرج من هنا ..انتي يولد طبيعي ان شاء الله ..هذا دكتور دايما كذا مستعجل)
واول ماقالت كذا ارتحت الحمدلله وحسيت بقوة وقمت لبست ملابسي ورحنا على اقرب مستشفى لها اللي هي مستشفى الولادة بالعزيزية .. وماجات ساعتين الا وانا والدة طبيعي الحمدلله
وجبت احلى ولد ..

والله يرزق كل محروم يارب :)

[شموسه]

كلووووووووووووووليش

الف الف الف الف

مبروووووووووووووووووووووك واللي العهد

والحمدالله على سلامتج

[أم ريـم]

الحمد الله على سلامتك الحمد لله ولدتي طبيعي وما استعجلتي

[شعاع الأمل]

مشالله الف مبرووووووك يالغلا
واحيك على صبرك وماسمعتي كلام الاستشاري ووكلتي امرك لربك
ورزقك ولاده طبيعيه

[يارب اكون حامل]

الف الحمدلله ع سلاااامتك وسلامت النوونو احلا سعـــيد
الله يبارك فيه ويجعله من الصالحين ياارب..

[دافئة المشاعر]

الف مبروك حبيبتي
وألف الحمدلله على سلامتك
ربي يجعله من الصالحين
مشاء الله عليك ربك يفرجها

{~ انسجمت مع القصه
فيس مترقب بخوف ولادته الله المستعان

[ام حكوم]

حسبي الله ع هالدكاتره بس الله لايتكلنا عليهم ياارب رحمتك بس
والف الف الف مبروك مااجاك والحمد لله ع السلامه

[راجيه ربها]

مبروك مااااجبتي ويتربى بعزكم

[ام رتيل]

الحمدلله على سلامتك حبيبتي
الله انقذك من هذا الدكتور حسبي الله عليه

[مراااحب]

الحمد لله ع سلامتك ويتربى في عزكم
والحمد لله اللي فكك من هالنصاب