رجولي والمشي والشهر التاسع ؟

[فوفو الأمورة]

السلام عليكم
انا بنهاية التاسع تقريبا او بالعاشر والله ماعاد دريت
المهم مالكم بالطويلة
راس البيبي طبعا لسه مانزل للحوض والدكتورة قالت لي اكثر مشي ومو اي مشي كمان ..تبغاني امشي مشي سريع..واطلع وانزل درج
وطبعا أنا نفذت الأوامر لمدة اسبوع لين ماحسيت رجولي تعورني..
ماعدت أقدر امشي زي الناس والله بس أعرج
وصرت أكره اتحرك واحس إني بمهمة بسبب ألم رجولي وخاصة الكعبين..
فما أدري إذا فيه أحد جرب طريقة لتخفيف ألم القدم بعد المشي ويفيدني مشكور :)

ولاتنسوني من دعواتكم ..والله انا دايما بدعي لكم بظهر الغيب ...

[طبيبة القلوب]

فكرتي تروحي مساج صيني .؟؟؟
او برايي انقعيهم بماي دافيه وملح ..بتزيل الالام .......


وبعدين في طريقة قريتها هنا بالمنتدى لمدة اسبوع تمشي لمدة ساعة وبعد المشي تسجدي لمدة ربع ساعة ..........

انا بكرية هذا اللي قريته وسمعته
وربي يكون معك

[وتر الإحساس]

ياعسل المشي بس يسهل الولادة مايجيب الولاده

امشي على قد ماتقدري لاتجهدي نفسك مره

انا دكتورتي تقولي لاتمشي كثير عشان ماتجهدي نفسك وراكي ولاده .. امشي على قد ماتقدري بس

خليها على ربك ياعسل

والله يرزقك ولادة طبيعية سهلة ميسرة ياااااارب

[همسة دلع]

الله يكون بعونك ,,
عن نفسي امشي مقدار سااعه بس كل يوم ,,
ونااس نصحوني قالو اطلعي وانزلي درج ,,
لاكن لا تجهدين نفسك لانه المشي ما يفتح الرحم لاكن ينزل البيبي الحوض ويسهل الولاده ,,
الله يسهلها علينا ,,

[حبيبة جوجو]

والله انا مااامشي الا ربع ساعه او 10 دقايق واحيان نص ساعه

لانه تعب وربي ومع الثقل
ادعواتكم بتسهيل ولادتي

[سحاب]

يا اختي كثر المشي يهد الحيل واسالي مجرب
امشي علي كهلك ولا تكثرين المشي
انا يوم جت الولاده مع قدرت اجهدت نفسي كثير
الدرج مره كويس ركزي عليه اكثر

[فوفو الأمورة]

جزاكم الله خير
بس انا بكرية وكل ماقالت لي الدكتورة شي سويت فيلم إلا أبغى انفذ كلامها بالحرف عشان لو لا قدر الله صار شي مايصير مني القصور تكون مقادير من الله ولا ألوم نفسي ..
بس والله مابحمل نفسي فوق طاقتها زي ماقلتوا..
وان شاء الله أقدر على الاقل امشي ساعة..
والله يسهل عالجميع يارب :)