عندي نفس أعراض الحمل اللي أقرأ عنها ولكن ؟؟

[semo1922]

السلام عليكم ورحمة الله وبركاته

هذي أول مشاركة لي في هالمنتدى الرائع اللي لقيت فيه إجابة لكثير من أسئلتي

بتكلم بوضوح في موضوعي وإن شاء الله تعذروني لو قلت شيء غير لائق

أنا دورتي بعد الزواج ولله الحمد منتظمة كل 26 يوم
الا الشهر اللي فات تأخرت يومين يعني جت بعد 28 يوم وكنت أحسب إني حامل لكن الحمدالله على كل شيء

المفروض إن أيام التبويض تكون من يوم 11 الى 15 تقريباً

صار الجماع يوم 12 بعد رؤية بعض علامات التبويض

وحسيت من اليوم الثاني بغثيان وتعب مو طبيعي ورغبة في الاستفراغ.. جسمي هلكان مرررة

توقعت إني حامل واستمر معي الغثيان الى الآن بس على خفيف

وصار الجماع بعد كذا يوم 17

اليوم 18 سويت تحليل منزلي وأنا عارفة إن النتيجة بتكون سلبية لأنه بدري بس من لهفتي ( وصارت النتيجة سلبية ) بدت رجولي تعورني وظهري وفخذي اليمين بقوة وبطني وجنوبي اليمين واليسار

اليوم 19 اللي هو اليوم فخوذي الثنتين تعورني وظهري وغثيان وتعب كامل وأبي أنام وأبي انسدح بس

طبعاً هالأعراض أول مرة تصير لي من يوم ما تزوجت

تتوقعون إني حامل .. ؟؟
متى أقدر أسوي تحليل منزلي وتطلع النتيجة صحيحة ؟
وهل أسوي التحليل المنزلي في اليوم 26 أو 28 ؟
وهل تحليل الدم لو أسويه الحين تطلع النتيجة صحيحه ؟ وهل يختلف من وحدة لوحدة ؟

وهل أفضل إني ما أسوي تحليل سواء منزلي أو دم إلا بعد تأخر الدورة أسبوع ؟

طوّلت عليكم بس مافيه أحد استشيره ولا أبي أقلق أمي لأني بعيدة عنها .. لو صرت حامل ببشرها لكن قبل كذا مابي أقولها

[غصن البان]

والله اعراض هاااي اعراض حمل ان شاء الله
انتي بدرتي كتييير في الفحص
على كل حال انتي انتظري تيفوتك ميعاااد الدورة ان شاء بيومين او ثلاث وان شاء الله تكونين حامل ياااااااارب

[semo1922]

الله يسعدك يالغلا وإن شاء الله أكون حامل

والله يزرق الجميع ما يحبون

نسيت أقول إنه تقريبا في اليوم 14 نزل دم بني قطرتين يمكن شي قليل مرررة ( الله يكرمكم )

[تناآآهيد العتب]

اختي اعراضك نفس اعراااضي تمام
انا في يوم 13 بعد الجماع ظهري المني ويوم 14 المني اكثر وجلس معاي الالم الى الان ونزل مني دم بني بيوم 16 تماما وصرت اتعب من كل شئ لكن استعجلت كثير وماابيك تكوني متلي انا رحت حللت دم بيوم 21 من الدوره بس مابان اي شئ بالرغم اني فعلا تعبانه وهذي الاعراض اول مره احس فيها حتى صدري تغير لونه
لكن قلت بنتظر الى اول يوم اذا ماجات بحلل
وانتي لاتستعجلين متلي نصيحه مني

[semo1922]

الله يرزقك
يعني للحين ما جتك الدورة ؟ صح ؟ يعني تنتظرين مثلي ؟

[تناآآهيد العتب]

الان باقي لي تقريبا 7 ايام ع موعودها الله يرزقنا

[semo1922]

الله يزرقك ويرزق كل اللي يبون الحمل

انا بقي 10 أيام

[تناآآهيد العتب]

تيب سؤال ممكن؟!
هل تشعرين بشئ في صدرك؟
وهل تغير لون صدرك؟؟
والبول وانتي بكرامه تحسين انه بدا يثقل ويتغير لونه؟

[ام متعب القلب]

اللة يرزقك ويرزقنا

[مالك القلب]

مرحبااا
انا اقول انتظري لين يمر موعد الدورة وعقب يومين حللي وبشرينا
ويارب تطلعين حامل وتفرحينا
والله يرزقني انا بعد ^^