كره الحلويات وحب الحوامض .. ياااااربي !

[أم رزاان]

السلام عليكم ورحمة الله وبركاته
كيفكم كروشات
حبيت استشيركم في شغلة اول مرة تمر علي
وهي أني كرهت كل الحلويات في حملي هذا !
احب اكل الحوامض اما الحلويات مرة ما اطيقها
لدرجة ان حتى الحليب احط معاه ملح عشان اقدر اشربة :(

فية احد مر عليه هالشغلة ؟!
وايش معناها ؟ :(
لاني والله خايفة لآن السكريات برضو ضرورية للحامل
بس ماني قادرة اتقبلها ونفسي عايفتها مرة

[soomaa83]

مبروك الحمل وربى يتبته لك يارب

حسب ما اعرف الى تتوحم على حوامض يقولو حامل بولد والله اعلم

وبنسبة لسكر حاولى تعوضيه بلفواكه

والله يعينك

[أم رزاان]

هلا قلبي
والله يالغاليه حتى الفاكهة اللي مسكرة ما احبها :(
امووت في الليمون اقشرة واحطة بالفريزر حتى يبدا يتجمد
واكلة مثل الايسكريم ههههههههه

لا احد يضحك علي وربي غصب عني
التمر كنت اموت فية قبل الحمل الحين ما اقدر اخذ حبة وحدة :(
اللبن والحليب احط معاه ملح واشربة

وربي خايفة من ارتفاع الضغط والاملاح بسبب هالشغله !

[نادرة الوجود]

اولا مبروك على الحمل اهتمي في نفسك اكثر
ومثل ماقالت الاخت الحمض يدل على انجاب الولد
طبعا انه مجربته بحملي بالولد
وبالبنت اموووووت في الحلويات

[ورد القلوب]

عااااادي حبيبتي انا كذا في حملي
وخصوصا أول اربعة اشهر ما أحب الحلى
والتمر و العسل احسه كابوس مستحيل آكله

بس اذا حسيت نفسي دايخة من قله أكل السكر
آكل قطعة صغيرة شوكولاتة او اشرب عصير محلى


ومو شرط تكوني حامل بولد انا حامل ببنوتة

[أم لمآر]

الوحم وعمايله هههههههههههه..

الله يعينك ويصبرك ياقمر ..

بس لازم تغصبي نفسك لو قطعه صغيره من شي حالي ..

ماأبغى اخوفك بس بحملي ببنتي الاولى كنت امووووت بشي مالح كنت اكل ليز بالملح والخل وازيده كمان ملح خخخخخخخخخخخخ..

وتعرفي ايش صار وربي جلست ابكي من الالم البول وانتم بكرامه والكلى كمان من كثر الملح ..

حاولي تشربي مويه بكثرررررررررره ..

وترى بالنسبه للحمل بولد وبنت ..

انا بحملي الاول جبت بنوته واموت بالملح ..

والحين حامل واموت بشي الحلو ..

الله يرزقنا واياك والجميع بالطفل السليم ..

[أم رزاان]

كل ماكتبت رد طاااااااااااااااار
حسبنا الله ونعم الوكيل على هالتعليق :(

الله يسعد قلوبكم يااااااااااااااااارب

وبيني وبينكم والله كل ما احد جاب طاري الولد بطني تمغصني بقوووة !
خايفة افقدة مثل مافقدت الأربعة اللي قبلة :(

اقول ياااااااااااااااااااااارب تكون بنت
بنت تعيش ولا ولد يموت قبل لا افرح فية !!

ووالله نفسي اخلص من هالوحم العجيب اللي اول مرة يمر علي
امس وربي هزئني زوجي وقال ارحمي حالك حرام عليك

شافني اكل طرشي وبعد ماخلصتة شربت مويتة :(
بس الصدق اغلب الوقت استفرغ بعد هالهبال ههههههههههه

ياربي لا توريكم اللي شفته بس هههههههههه

[نبع المحبة]

الله يهون عليج ويتمم لج حملج على خير وتسعدي بشوفة طفلك ياااارب

[فليك]

مبروك الحمل عيوووني
طبيعي هدا الوحم معاكِ جا كدا - بس انا كنت مثلك كل شي حامض او مالح الين صار عندي حساسيه في صدري داخليه من الحوامض و ماعاد اقدر اكل اي شي حامض و استمريت على بخاخ الربو لحساسية الصدر - و برضو المالح سوالي زلال لان الملح تركز تحت الجلد
ف انصحك تحاولي تقللي من الاتنين و تعدلي بين الحلو و الحامض و كلها فتره و تعدي
ما تشوفي شر يارب .

[لمعة الماسة]

انا بدايه حملي اموووت بالحوامض لما وجعتني معدتي عذاب والله ارحمي حالك لايجي لك شي لاتطاوعين نفسك