ياجماعة ابني عمره سنتين و9شهور واحس انه مقصر بكتيييييييييييير
اشياء عن اللي في عمره..ارجوكم تقارنو باولادكم اللي بنفس عمره..
اقرأو وعطوني رايكم من تجاربكم بس الله يخليكم لاااااااااااااااحد يقولي توحد
الا اذا كنتو متاكدين..لان الناس يخوفوني وانا من نفسي خايفة بس لسه مااتاكدت..
انا بعرف اعراض التوحد بس هو اغلب الاحيان يكون منيح يعني مش دايما يبين غريب..المهم رايحة اشرحلكم شو فيه:
اولا هو يتحاشى الكلام مع اي شخص انا وابوه واي حدا غريب واقول يتحاشى لانه
هو قادر عالكلام لكن تحسيه مو سامع..ماشاء الله وهو اصغر من كدا قدرت احفظه المعوذات ولسه بيقولها بس لوحده ووقت اللي هو عايز.
ونطقه سليم الحمدلله..كان يطلب ياكل ويشرب الحين بطل..بياخدني من ايدي للمطبخ..ولا يوجه اي كلمة ..ولا بيرد اي او لا..اذا عاوز الشي بيقرب واذا
رافض بيمشي بس..
نسي كل الكلمات اللي يعرفها طوووول ماهو قاعد يغني مابيسكت بس اجي اكلمه يكمل غنا والله كاني مش موجودة.بيعرف اسمه احيانا يستجيب له..
انا والدة من جديد يعني اجته اخت وبتصدقو صار عمرها اربعين يوم ما طلع فيها
ولا كانها موجودة في البيت واذا جالسة بحضني ترضع مابيقرب لعنا ابدا.ذا تركته
معها وحده بالغرفة مابيلتفت عليها ابدا ابدا...واذا مر بجنبها بغير طريقه..
اذا بكيت بيخاف من صوتها.
ماشاءالله عنده نشاط مكبوت غير طبيعي اذا طلعنا من البيت عنده استعداد يركض
اكتر من ساعتين وبسرعة رهيبة واكره ماعنده نمسكله ايده ونقوله امشي معانا
صرت اخاف عليه يضيع والله كل ماطلعت عندي كابوس لحد ماارجع..
اذا شاف اطفال بس يدقهم بايديه على وشهم او ضهرهم بتحبب وهو بيضحك اويبوسهم بس..
وطبعا طبعا لسه بيلبس الحفاض حاولت معاه شهور ينضف وبكل الطرق اللي تتوقعوهابس عجزت.
بحسه مش فاهم الكلام وقت بقله اعملها هون في الحمام بيشتت انتباهه
مش بركز معي ولاهو فاهم شي..واحيانا بحسه عنيد بيحبس نفسه ويعملها بره قاصد..
وهلا بحاول احطه بروضة مناسبة وبشوف..
والله تعبببببببببببببببببببببببببت وخاااااااااااااااااااايفه موووت شو اعمل؟؟؟؟؟
متعلق بابوه بشكل كبير اذا وصلنا ابوه مكان يبكي بده يرجع معاه
مابيرضى يدخل معي..حتى لما ولدت ماسال عني وانا بالمستشفى
يحب الاحتضان بشكل غريب خصوصا اذاا انا فتحتله ايدي ...واي حدا يشوفه يركض لعنده ويصير يبوسه
بقوة ويمسك الوجوه لدرجة مرة خجلني من صاحبتي حسيتها زهقت منه لما جلس بحضنها ويبووووووووسها هلكها..
مابيحفظ اسم حدا ولا بيوجهلنا كلمة ماما اوبابا...
علما انه وهو اصغر كان يعبر بكلمة ماما وبابا وتاكل وتشرب ونام..وكتير كلمات
لوسمحتو ارجوكم اقراو شو كتبت باهتمام وقولولي شو لازم اعمل؟؟
بتعرفو احد مختص تسالوه عنه..ارجوكم مالي احد غيركم من بعد رب العالمين
بحاول اقنع زوجي ناخده لدكتور بس هلا هو مو راضي بيقولي هو بس عنيد وعنده غيرة داخلية بس انا مااقتنعت..
انتظركم