طمنوني رجااااااااااااء زيادة ماء الجنين

[wooow!]

طبعا الشائع عند الحوامل اكثر هو نقص او قلة ماء الجنين.لكن انا كان عندي موعد عند الكتورة من كم يوم وعالسونار اكتشفت انو في زيادة بماء الجنين.
قلتلها هالشي بخوف؟؟؟(علما انا الان باقيلي اسبوع وبدخل بالتاسع باذن الله)
المهم قالتلي لازم نراقبها..انا خاااااااااااااااااااااااايفة كتييير.وقلقانة والمشكلة من الصدمة الوحدة بتتوتر ومابتناقش الدكتورة.يعني بعد ما رجعت عالبيت
مية سؤال يدووور براسي اولا ليش عطتني موعد لبعد اسبوعين مو قبل؟
وليه ما طلبت مني سونار الزيارة الجاية؟؟هي عادة اذا ناوية تصور تقلي خدي موعد صورة ما قالتي طيب لكن كيف رح تراقب كمية المي؟؟قالتلي رح اعمل تحاليل
هل ممكن يكون لها علاقة؟ والله رح جن من الخوف..وخاصة انو بهاليومين احس
انو حركة الجنين خفيفة مو مثل قبل..بالكتير نقر خفيف..هل هذا طبيعي.؟
امااااااااااااااااااااانة عليكم اللي عندها اجابة ومر عليها هالشي تفيدني وترد علي.
وللمعلومة انا هذه ثاني ولادة وهي اكدتلي انو 90 بالمية قيسري مثل الاولى بس ماحددتلي موعد..وانا من غير شي صايبني اكتئاب الحمل من الدرجة الممتازة
ههههه الحمدلله على كل حال...بانتظاركم

[هدوء انثى]

اتوقع عادي
لانو صار في بعض معارفي هيك
اهم شيء لايكون ناقص

[أنـــ غير ـــا]

مابعرف واتمنى اللي عندها معلومه تفيدك
بس بدي اسالك كيف عرفتي انو زياده ماء الجنين

[kingwow]

حبيبتي ما عليكي شر ان شاء الله انا فبنتي كان الماي كتيرة عليها وسألت الدكتور حكالي مو مهم المهم مو ناقصة عليها وحبيبتي شي طبيعي بالتاسع حركته تخف لانه ما في مساحة يتحرك فيها وبيجوز كمان من كتر الماي الحركة خفيفة ريحي بالك وما تقلقي والي كاتبه الله بسير واكثري من الاستغفار يا غالية عشان الله يريح قلبك وتطمني وان شاء الله تيجي تبشرينا بولادتك وانتي قايمة بالسلامة يا رب اميييييييين

[wooow!]

شكرااااا عزيزاتي الله يطمنكم يارب...
اختي "اناغير" مو انا اللي عرفت لوحدي انما
الدكتورة اكتشفت من السونار وقالتلي انو كمية المي زائدة عن العادي..........
الله يهون علينا جميعا يارب

[عشق الطفولة]

الله يهون عليك و يتمم لك ما عندي خلفيه انا عكسك موية الجنين ناقصه

[صدفة عمر]

::


شوفي الموية الزايدة اذا بينت من نهاية التاسع مافيها خوف

والسونار ذحين مايهم هي قالت نعمل تحليل وهو تحليل سكر حمل

اكيد عندك نسبة بس صغيرة ماتخوف اذا بينت نهاية الثامن

وبس عليك انك تبعدي عن الحلا والدهون وبس

انا من نهاية الخامس الموية كانت كثيرة والسكر عندي طلع مرتفع

والحمد لله ولدت والنونو سليم



::

[ياسمين دمشقي]

الله يقوومك بسلامة يااارب ..

[المهاجرة إلى ربها]

أنا كمان مثلك بس أنا في نهاية الشهر السابع يعني باقي لي أسبوع وأدخل الثامن وقبل يومين قالت لي الدكتورة الموية زايدة و في زيادة في الوزن حتى بطنك حجمها كبير وكتبت لي على فحوصات كثيرة بس أنا خايفة لأني بكرية وما معي أحد من أهلي وأحس بألم وثقل أسفل البطن وفي الحوض وظهري يوجعني من أقل حركة بكرة بروح أعمل الفحوصات بالله ادعو لي هل في ضرر على الجنين إذا الموية زايدة؟ أنصحوني إيش أسوي؟

[دنيا جديدة]

اهدي و طولي بالك و انشاء الله خير
لا تتلبكي لانه نفسيتك جدا مهمة هادي الفترة
و لو في شي بخوف كانت الدكتورة نبهتك و حكتلك لانه لازم تصارحك.صح؟
بعدين اعملي متلي خلي زوجك يكون معك بزيارتك للدكتور اذا انتي نسيتي تسألي عن شي هو بتذكر
و بالنسبة لحركة البيبي شوي شوي بتخف لأنه حجم البيبي بكبر و ما بيعود الرحم واسع عليه متل الشهور اللي قبل
و ربنا يقومك بالسلامة