حزام السونا لرشاقة وشد البطن

[دافئة المشاعر]

حزام السونا للتخلص من الوزن الزائد عن طريق التعرق، يمكن استخدامه للبطن ، للخصر، المؤخرة و الأرداف. وبأمكانك التحكم بقوته يستخدم لمدة 45 دقيقة يوميا و يفضل بعد الرياضة. إذا كنتي تعانين من بشرة حساسة لا تضعي الحزام على جسمك مباشرة بل ارتدي تي شيرت قطني خفيف و ضعي الحزام فوقه. يجب استخدامه و المعدة خالية . اذا رغبت في الاستحمام أو شرب مشروب بارد بعد استخدام الحزام فانتظري 15 دقيقة على الأقل لعمل ذلك


...

حبيت افيدكم انتم مثل خواتي
استخدمه لبطني
ولظهري اذا حسيت بآلم واحتجت لشي يشده ويدفيه
مره ينفع لنفاس وفتره الدوره الشهريه يريح

المشد عندي صراع معاه احاول قد ماقدر احطه واستخدم هلجهاز اذا ماحطيته
الله المستعان




بنات بنهاية اي شي تبين منه نتيجه فعليه الاستمرار عليه
مو اسبوع وخلاص ونقول مافي نتيجه

^^

[Little MOM]

مرحبا خيتو ^^

حبيت اسأل الحزام آآمن لو استخدمه!!

لأني عندي دبه صغيره طلعت لي بعد الولاده وانا باقيلي اسبوع واخلص الأربعين
يعطيك ألف عافيه

[مريوومة]

يسسلمو غلآتي بس ابي اعرف وين الاقيه لآن من زمان ابي اشتريه

وعندي سؤال ثاني ما يأثر على الارحام ينزلها او شئ لآني متعقده هع

؟؟


وشكرآ لك مره ثانيه ..

[دافئة المشاعر]

Little MOM

آهلين خيتو نورتي
والله مافهمت شو معنى دبه؟؟
واذا بشرتك من النوع الحساس البسي اي لبس قطني وحطي الحزام فوقه انا اسوي كذا
وترى درجه الحراره تقدرين تتحكمين فيها بكل سهوله ع درجات متعدده
تطلعين من الاربعين وانتي بكل خير حافظك الرحمن




..




مريومه
يسلمك ربي حبيبتي نورتي
بسعوديه مادري والله وين ممكن تحصلينه بمحلات الداعيه تبع التي في
انا اخذته من هناك يعني الوكيل انتر ول
ماظنتي يآثر انا استخدمته قبل هلحمل بعد وعادي الا ريحني
العفو وحياك بآي وقت ^^

[سمر الليل]

هلا قلبي اكيد يوخر الكرش لاني من كثر الاجهاض كرشي كبرت كثير وكل مرة اجهض تكبر تعبت ............ مفعولة كم ويبان على الجسم........... لو امكن تقولين لي وين ينباع في السعودية وبكم سعرة وغير السعودية وين احصلة

[دافئة المشاعر]

هلآ سمر الليل نورتي

سمعت انه يوخر بس بشرط الاستمرار آكثر من شهر
وانك تبتعدين عن مسببات الكرش مثل الغازات

شوفي انا ماواصلت يعني ماستمريت عليه اكثر من شهر
يوم ايه ويوم لا واحيان بعد فتره اسويه حسب
لو استمريت عليه اتوقع له نتيجه فعاله
ترى قلت اتوقع ماجزمت او قلت اكيد ماقدر اجزم ع شي ماواصلت فيه بنظام

بعد 45 دقيقه بس اوخره اشوف المنطقه كلها عرق وحمرا تحسين في تفاعل ع المنطقه المراد تخسيسها نحنا عيبنا يالحريم نبي كل شي بنفس الحظه ومانستمر

بنسبه لسعره اخذته قبل اكثر من 3 سنوات وع ذيك الايام كان سعره 228 ريال سعودي
اتوقع الحين صار اقل وبمتناول الجميع
والله ياعيوني ماعندي خلفيه وين بسعوديه موجود سوي بحث بقوقل بس الاكيــــــــــــد موجود عندكم

الله يرزقك الذريه الصالحه حبيبتي
خير مايقدره الله ونحنا ماندري وين الخيره
الصبر زين وانا اختك ربي يحفظك

[سمر الليل]

تسلمين قلبي والله وفيتي
بس مثل ماقلتي احنا ياالحريم مانستمر على حاجة ابد نبيها تروح في يوم وليلة
انا والله استخدم خل التفاح وشوف فايدة كثيرة وسريعة تضبط الجسم كثير توخر الزواءد بعد النفاس والان بعد استخدم قشور القهوة بعد وربك كريم

[دافئة المشاعر]

الله يوفقك فيما تستخدمين
بس انتبهي لاتكثرين من الخل بنسبه كبيره
اخاف تتآثر بطنك لاني اسمع كثرته مو زينه

الله يعوضك بكل خير يارب

[سمر الليل]

تسلمين قلبي بس انا استخدمه مرة في اليوم تقريبا ملعقة في كاس ماء

[دافئة المشاعر]

الله يسلمك ويحفظك من كل شر ^^