البارت السابع والعشرووون
27
طبعاا اعطيكم فكره عن حياة روبي طبعاا لاجديد ابداا في حياها مع نواف غير ان خوات نواف صايرين وساطه بينهم يعني يقول نواف وتقول روبي،،اما نواف عجز فيها من كثر مايرسل خواته بس هي ترفض تطلع له تقول يتأدب وبيني وبينكم مو يتأدب بس تبيه يشتاق لها عشان ودها تطلع له في زواج طلال اخوها اليوم،وخصوصاا انها بترجع لبيتها معه بس هوو مايدري للحين....
روبي ياعمري تعبت مرررررررررره في الفتره الخيره صارت ما تقعد في البيت كثير وطول وقتها تجهز لجناح طلال هي ورهف اختها واليوم من الصبح قايمه عشان تكون في القاعه بدري وبأبهى حله>>>تكفين يا ابهى حله خخخ
في المشغل
خلصت شعرها بس باقي لها المكياج:آنستي ممكن تسكري عيونيك مشان حطلك الكحل...
روبي:أووك
غمضت عيونها وسبحت في بحر خيالها وهي تتخيل لين طلعت لنواف اليوم وقالت له انها بترجع مع وش بيكون رد فعله الا يجي على بالها جدها يوم قالها ارجعي له...
روبي:آمرني؟؟؟
الجد:جهزي أغراضك وأعملي حسابك ان بكره أن شاءالله بترجعين بيت رجلك
روبي مو مصدقه:صدق؟؟؟؟
الجد:من متى واناا اكذب عليك؟؟
روبي:مو قصدي بس والللللللللللللللله>>>ماتجمع ياعميرتي هع
الجد:شكل ماودك ترجعين له؟؟؟
روبي:لالالالالا خلاص بروح اتجهز،، عن اذنك
الجد وهوو في نفسه يضحك ويدعيلهم بلتوفيق:اذنك معك
رجعت لارض والواقع على صوت الكوافير:أفتحي خلاص
في القاعه
رهف:روووبي ترى انااااا................أناااا................
رهف الي كانت لابسه فستان فضي طويل له ذيل ومسويه شعرها تسريحه روووعه ومكياجها كان اروع وطالعه خووقاااق
روبي:انتي ايش؟؟
روبي الي كانت لابسه فستان أسود ماسك على جسمها ومخليها خياااااااال صحيح انها سامنه عن اول بس لايروح فكركم بعيد مو السمنه الي تروع يعني طالعه مليانه بس عليها مررره واااو،،ومسويه تسريحه ختييييييره ومكياجها هاادي وحاطه روج أحمر فاقع يجنن عليها طالعه كلها على بعضها تذبح بلفستان الاسود...
رهف:حااااااااااامل
روبي بفرحه":صدددددددددددددددددق
رهف بحياا:ايه
روبي:ياقلبي انتي مبروووووووووووووووووووووك عساها تطلع بنت مثل القمر تشبهني
رهف:اتمنى وهوو يحصل لها بنتي تصير مثلك
روبي:غلبتيني كنت متوقعه تهزيئه
رهف:ههههههههههههههههههه،،كنت ناويه بس قلت لا حراام لابسه فستان يجنن وكاشخه حرام اكسر خاطرها
روبي:تكفييين،،، الا صدق عااد ذاا الفستان ودي افصخه
رهف":لييييييييييييييش؟؟ بلعكس رووعه
روبي:يختي احسه مررررررره ضيق احس لو اتحرك حركه انفتق
رهف:وشلوون؟؟ وانتي توك معدلته الاسبوع الي راح
روبي:مدري بس والله العظيم اني مسويه حملة مقاطعه للأكل عشان ما اسمن بس والله ضيق
رهف:والله ماظنتي انك مسويه حمله مقاطعه بس ميخالف تحملي كلها كم ساعه
روبي:الله يصبرني بس المشكله اني احس اني بمووت خانقني من جهة الخصر
رهف:رووبي وش نسوي خلي دلعك واكلك الكثير ينفعك
روبي: اقولك ما آكل تقولين اكلك الكثير
رهف:خلاص..........................
ال تقاطعهم الهنوف بدخولها:هاااااااااي صبايا
نوف:وش صباياه كل وحده معها بزرها وتقولين صبايا الا حريم ويخب
روبي:تكلموو عن نفسكم لو سمحتوو انا للحين صبيه الي حامل والي عندها بزر بس اناا اغير
رهف والهنوف:تكفيييين
نوف:اييه خلوها توسع صدرها اليوم بتروح لنواف بكره بتجينا تقوون اناا حامل عاد نواف متوعد فيها عقب السحبه الي سحبتها عليه
روبي الي ولعت حياا :وجع ان شاءالله صدق انكم ما تستحوون >>>طلعت
البنات":ههههههههههههههههههههههههههههههههههههههه
روبي في أحد ممرات القاعة
ماسكه جوالها تفكر أممممممممم ادق الحين ولالا؟؟والله ميته على ما اشووفه ولا اسمع صوته لالالا بس الثقل زين لامراح ادق لاااااء وش ثقل وماثقل عاادي زووجي وشفيني كني بكلم واحد غريب أفففففففففففففففففففف مدري وش اسووي؟؟؟
العنود:الووووووووووووو,,ياهوووووووه,, وين الناس؟؟؟
روببي:هااه انتي هنااا؟؟
العنود:لاهناك،، وش تشوفين؟؟
روبي:ياااااااااي مره سخيفه
العنود:المهم وش تفكرين فيه؟؟
روبي:نواف
العنود:وش فيك؟؟ مو تقولين اليوم بترجعين له؟؟؟
روبي:ايه بس ودي اكلمه ميته على ما اسمع صوته واقوله اني برجع معك اليوم
العنود:ياجوليت ياحبيبتي ليه متعبه نفسك من التفكير عاادي كلمي روميوو حقك ووسعي صدرك وماله داعي الي تسوينه
روبي:رايك؟؟
العنود:اقوول دقي بس انااا داريه ان ودك بس تبين دفعه مني
روبي:والله انك صادقه،،يله ظفي خلاص خليني اكلم نوافي
العنود:وجععع صدق انك قليلة خاتمه
روبي:ياربييييييييه مطوله يله ترى بدق
العنود:وييييه مالت عليك وعلى روميوو حقك اشبعوو في بعض وععع >>>راحت
روبي على طوول دقت مالها خلق ترد على العنود:.....................................
في قاعة الرجال
نواف كان حاط جواله سايلنت بس الهزاز اقلق اهله وهوو جالس ويوم طلع الجوال ويشووف الاسم بغت تطلع عيونه من مكانهم مو مصدق لا هذي اكييييييييد فيها شي من ساعه كنت قاعد ادق عليها ابغى ابارك لها زواج اخوها ومزلبتني والحين تدق وبعد مو مره وحده أكثر من مره...
فيصل:خيييييييريا الحبيب وش عندك عيونك طلعت من مكانها؟؟ من الي داق عليك؟؟؟
خالد:يالقفيييييي؟؟؟
فيصل:الحمدلله انك معترف انك ملقووف
نواف:يوووه ماني فاضي لهواشك،،عن اذنكم >>>قام وطلع براا عشان يرد براحته
زياد:وش عنده نواف قمز كن قارصه عقرب؟؟
فيصل:ههههههههه،، ابد ماعنده شي بس شكل التلفوون الي جاه مهم مرررره عشان كذاا تحمس يرد وطلع برااا
زياد":أهااا
عند روبي
روبي:أفففففففففف حمار يقهر ليش مايرد علي؟؟؟ يعني مسوي زعلان؟؟؟
رهف داخله عليها تغني:لوجيت وقلت مابيه مابيه العن غرامه واسب طاريه من ورى قلبي ماهوو بقصدي أغليه وأغلي الي يغله
روبي وهي فيها الصيحه تخاف نواف بيسحب عليها مثل ماسحبت عليه>>ياقليبي نواف حبيب مايقوى زعلك خخ:بعدي عني ترى مرتفع ضغطي ودي اصفقه
رهف:والله انتي الي يبيلك تصفيق مو هوو,, ساحبه عليه لك اكثر من اسبوعين ويوم سفهك مره زعلتي وبتصيحين
روبي وهي جد بتبكي:هوو بعد غلطان ماجا للبيت من طلعت ذاك اليوم من عنده
رهف:لا احلفي طالعه وانتي تنافخين وتبين يجيك احمدي ربك يسأل عنك خواته وانتي مسويه قويه وما يهمك وانتي متقطعه من جواا عليه
روبي تتكلم وهي خانقتها العبره:بدق الحين ثاني مره بس لو مايرد علي والله لأروح له عند الرجال
رهف الي بتهزأها:انتي الظاهر أستخفيتي شكلــ.............................................
تقاطعها روبي بصرخه:هذااا هووو,,ردت بسرعه>>>>> الووووووووووووو
نواف:الووو،،السلام عليكم
روبي:وعليكم السلام
رهف بطنازه:يله عن اذنك اشبعي بحبيب القلب
روبي وهي تطلع لأختها لسانه >>تنتظر نواف يتكلم:.................................
بس نواف كان عنيد:............................................. ..
روبي قررت تبدا:كيفك؟؟؟
نواف الي يكلمها برسميه مرررره:بخيرولله الحمد
روبي ليش يكلمني كذاا؟؟ ادري زعلان يوووه شكلي زودتها يوم اسفهه :نواف
نواف:نعم
روبي لااااء هوو مايقول نعم الا اذا زعلان العاده لبيه عيونه أي شي بس نعم ياربييييييييه:انت وينك؟؟؟
نواف:وش عليك؟؟؟ يهمك؟؟؟
روبي الي خلاص شوي وتبكي ما تحب نواف يكلمها كذاا>>حلال عليك وحرام عليه>>تأدبي>>اهم شي القطه هع:ايه يهمني
نواف:واضح
روبي:.................
نواف وهو بنفس رسميته:الا على فكره ترى يوم دقيت عليك آخر مره كان بس عشان أبارك لك >>على البركه زواج طلال
روبي وش قصده؟؟>>يعني ترى مو مهتم ولا وشوو؟؟:الله يبارك فيك
نواف كمل الجفاا الي في كلامه:على العموم اذا عندك شي تكلمي بسرعه عشان يمديني اشوف طلال واذا مافي مع السلامه
روبي خلاص نزلت دموها :مع السلامه
نواف:>>>سكر الخط
عند نواف
يوووووووه صدق اني غبي ما صدقت أسمع صوتها ويوم سمعته سويت قوي وسفهتها ارجع ادق ولالا؟؟؟ ولا تدري شكلي بدخل داخل عند طلال الحق اسلم عليه قبل يدخل وبعد العشااا بدق عليها حراام شكلها انصدمت هي ماتحبني اكلمها كذاا بس هي تعبتني مت من جفاها>>>دخل للقاعه
أتعبت قلبي من جفاك وتغليك...
وتاهت بي الشرهه ولا أحد ذكرها...
المشكله قلبي حلف مايخليك...
ومدري متى ظروفك توقف ضررها....
قلبي وعقلي والمشاعر تباريك...
وروحي هوت روحك وحبك سحرها...
الذنب ذنب الحب...
ماهو خطا فيك هذا خطا...
نفسي وهذا قدرها....
نروح لمكان آخر((بيت الجد))
في بيت الشعر
كان جالس ويفكر الحين روبي بترجع لنواف وبيفضى علي البيت من جديد حتى حنتها انها ترد له بفقدها وهوو يبتسم بس قطع تفكيره الخدامه:سلاام بابا
الجد:هاااه ياسيلين وش تبين.؟؟؟
سيلين:هزاا براا في هرماا ابقى انتااا
الجد:حرمه تبيني؟؟؟
سيلين:ايوه بابا
الجد:غريبه؟؟ خليها تدخل نشووف
سيلين:ان ساءالله تال أمرك
بعد شوي دخلت عليه وحده ببطنها الي يسبقها >>حامل<<وكانت لابسه عبايه بس كذاا يعني مالها داعي الطرحه على الكتف والعبايه مفتوحه بس يله تمشي الحال اسم انها لبست:هااااي
الجد ما ارتاح لها مره:وعليكم السلام ورحمة الله وبركاته
صدق نواف ماكان يكذب علي يوم قال لي انه شديد ومايلقي بال لأحد:وش اخبارك يا عمي
الجد:من انتي؟؟؟
:انااا.........................................
نرجع لروبي
نوف دخلت الغرفه تدور على روبي عشان خلاص شوي وبتبداا الزفه:وين هذي الخبله؟؟ الحين بتبدى زفة اخوها وميب شايفتها روووبي رووبي،،دخلت لقت الغرفه ظلام وما تسمع الا: أهئ أهئ أهئ>>>صوت بكآآآآ
نوف انهبلت: بسم الله الرحمن الرحيم،، لايكون جني يبكي؟؟ خل اروح اواسيه محد عنده>>>بسم الله مهبووله هلبنت هع
ولعت نوف النور وتفاجأت يوم شافت روبي ماسكه الجوال بيدها وتبكي وراحت لها ركض:روووبي خيييييير وش فيك؟؟
روبي من البكى ماهي قادره تتكلم بس تاشر على الجوال:أهئ أهئ>>>> وتشاهق الله لا يوريكم
نوف:وش فيك ياقلبي؟؟ قوليلي وش سوالك الجوال؟؟ حسبي الله عليه،، تبيني اكسره ؟؟ >>الظاهر تحسبه محمد ولدها خخخ
روبي:نواف
نوف بخوف:يمه اخووي وش فيه؟؟؟
روبي:ماعطاني هأأأأأ وجه أهئ أهئ أهئ هأأأأأ
نوف:هههههههههههههههههههههههههههههههههههههههههههههه ههههههههه الحمدلله والشكر
روبي تناظرها يعني مو وقته:.......................
نوف ما اهتمت مكمله:بس مخرعتنى وتبكين في ذاا الظلمه كنك جني وعفستي مكياجك وفي النهايه >>وهي تقلد صوتها:ماعطاني وجه>>ايه تستاهلين وانتي الي سويتيه فيه شويه؟؟
روبي ترجع تبكي:أهئ كلميه
نوف:وش اقوله؟؟ اقوله روبي تبكي تبينيه يجي يفضحنا؟؟
روبي:ايه خليه يجي يفضحنا ولا اناا الي بفضحكم وبروح له عند الرجال
نوف:الحمدلله والشكر لا انتي جد استخفيتي
روبي:اجل بروح له انااا
نوف:انتي مع وجهك هلمعتفس والي كله دمووع بتزعلينه مو بتراضينه
روبي:اجل وش اسووي؟؟
نوف:قومي نعدل المكياج حقك بسرعه وأحضري زفة اخووك وعيني من الله خير واناا وعد مني بعد ما تخلص الزفه ويطلع طلال ويا عروسته ادخل لك نواف وهناا بعد وش بغيتي اكثر؟؟
روبي وهي تمسح ماتبقى من الدموع وبفرحه:صدق نويف ماتكذبين؟؟
نوف:صدق بس شكلي بغير رايي بسبب اسمي الي شوهتيه
روبي:هههه خلاص نووفه نووفي بعد قلبي ورحي وحياتي ودنيتي كلها
نوف:لالالا ماله داعيه دهن البويه والصواريخ والارانب الي ملت المكان وفري قلبك وروحك وحياتك ودنيتك وكلامك كله لنواف
روبي:ههههههههههههههههههه طيب يله بسرعه نعدل المكياج عشان نواف
نوف:وانتي ماهمك الا نواف ما همك الناس لو شافووك
روبي:ارضاء الناس غايه لاتدرك وهي ليست بغايه،،وبعدين نواف عندي أهوو الناس كلهم
الهنوف:ياعيني ياعيني،، وين اخووي يجي يسمع هلكلام كان مايفارقك دقيقه
روبي:هنوووف ومن وين طلعتي؟؟؟
الهنوف:من زمان وانا هناا كنت اتابع الفلم الهندي الي انعرض قبل شوي
نوف والهنوف:هههههههههههههههههههههههههههههههههههههههههه ه
روبي:الشرهه مو عليكم على الي قاعد معكم اطلع اكرم لي>>>طلعت
نوف":ههههه روبي تعالي خلاص هههههه طيب نعدل المكياج على الاقل ههههههههههههههه
عند الجد
الجد بعصبيه:وشهووو؟؟؟ وشلووون يلي مدري وش اسمك؟؟ انتي متأكدة من الي تقولينه؟؟
:مايا اسمي مايا طال عمرك،،متأكده
الجد:وشوو الي تقولينه انهبلتي انتي؟؟؟
مايا:لا ما انهبلت قلتلك الي في بطني ولد نواف ولد ولدك وهوو يوم دراا بحملي تركني ورجع لسعوديه وخصوصاا اني مامعي الجنسه
الجد بعصبيه:وشلوون نواف يسويها؟؟ سويد الوجه فضحنا انت يمتأكده يامره؟؟
مايا بخبث:اييييه متأكده ولا انت ماتدري؟؟؟
الجد:وش عنه بعد؟؟
مايا:روبي تركت نواف عشان عرفت بحملي منه بس هوو ضحك عليها بكلمتين عشان ترجع له ويرجع بها للسعوديه ويخفي غلطته
الجد:هذاا واناا كنت ناوي اسامحه وارده لي ولمرته،، سويد الوجه والله ماخليه وانتي اطلعي براا واناا اعرف كيف اتفاهم معه
مايا تتمسكن:ونوااف ولده الي في بطني كيف تخليني بدونه؟؟؟ بدون ابووه؟؟
الجد:لا تخافين أبطرده سويد الوجه وبيرجع لك اليووم قبل باكر
مايا بفرحه انها نفذت الي في بالها بس مخفيتها:بس هوو مايعرف مكاني
الجد:صفيه لي واناا ادله لك
مايا:لا مايحتاج اناا كاتبه عنواني في ورقه تقدر تاعطيه اياه>>ملعوونه مجهزه كل شي>>اكرها وعع عليها
الجد بصراخ يخوف:يكون ابرك وانتي فااارقي فارقووك احبابك فدنياك وآخرتك>> يمممممممه يرووووع
في القاعه بعد زفة طلال
روبي سحبت نوف وطلعوو للغرفه الي كانوو فيها:يللله نووف كلميه
نوف بأستعباط:مين؟؟؟
روبي:نوووووووووووووووووووووووووووووووووووف مو وقته>>لازم تصارخ هع
نوف مكمله:لاجد مين؟؟؟
روبي بعصبيه تقهر تستهبل:نوااااف يعني مين؟؟؟
:فيه أحد ناداني؟؟؟
روبي وهي تلتفت بفرحه ومن شافته ياوييييييييلي عذااب ياناس احب طوله واحب زوله واحب رزة عقاله أمووت فيه كله على بعضه:نواااف
نواف بوله:عيووونه>>>ويفتح ذراعيه يعني تعالي>>>>روبي الي ماصدقت خبر راحت ركض له
أحبك حب ماعمري حبيته أحبك حب ماعمرك تحبينه
أحبك حب ماعمري عطيته أحبك حب ماعمرك تعطينه
أحب عيونك وطول رموشـك
أحب خدودك وأحمر شفاتـك
أحبك حب ماعمري لقيته أحبك حب ماعمرك تلقينه
أحبك حب بحياتـي شريته أحبك حب بروحك تشرينه
أحب جسمك وجمال خصـرك
أحب شعرك الين آخر ظهـرك
أحب أسمعك يوم تنادينـي وين ماتروحي راح تلقينـي
ياعسى تحبيني وتموتي فينـي ياعسى تشبعي من حنينـي
أحب كل شي ساكن جمالـك
أحب كل شي يوصف دلالـك
أحب دفاكِ يـوم تحضنينـي أذوب فيكِ لو تطالعينـي
أروح فيها لو بس تضمينـي أنسى اسمي لو بس تبوسينـي
نوف تصفق بيدها:بس هناا كت هذاا المشهد محذووف لوسمحتووو عندكم بيت ماله داعي قدام االناس
نواف وهو يبعد عن روبي عشان يرد على اخته:والله انا ما اشووف ناس بس اشووف ملقووفه بعد ماسوت الي عليها مفروض انها تطلع وتخلينا>>طرده محترمه خخ
نوف:يعني افهم انها طرده؟؟
نواف:والله انا ماقلت بس البيب بلأشارة يفهموو
نوف: والله لو علي ما طلعت وخرب عليك لانك ماتستحي تطرد اختك بس بطلع عشان روبي ياقليبي الي متقطعه بكى عشانك والمشكله ما ادري وش شايفه فيك؟؟
نواف:الي انتي شايفته بوافيووه حقك
نوف:يالبه قلبه وعيوونه وكل شب فيه،،وبعدين اسمه وافي مو وافيووه،،بروح له اصرف لي
نواف:قليلة الادب تتغزلين فيه قدامي ومن شوي تهزئ فيني
نوف:ههههههههههههههههههههههههههههه>>>طلعت
روبي:ههههههههههههههه ياحبي لها
نواف وهو يلتفت لها:وانااا
روبي:وانت بعد
نواف:شووو؟؟
روبي:أحبك
نواف:ياعيووني أنتي
روبي وهي تحط راسها على كتف نواف:تدري وش ودي في هلوقت؟؟؟
نواف:شوو؟؟؟
روبي:توقف الدنيا واناا بين يديك وراسي على كتفك
نواف:لا ان شاءالله وليش توقف؟؟ اناا معك طول العمر ان شاءالله
روبي:...................................
نواف:رووبي حياتي طيب تدرين وش ودي؟؟
روبي:..................................
نواف:ودي ماتزعلين ولا أشوف دمعه من عينك ولا تفارقيني دقيقه من عمري
روبي:.......................................
نواف وهوو يضرب على ظهرها بخفيف:رووبي
روبي:............................
نواف:نمتي هههههههههههههههههه
روبي:.............................
نواف مو معقوله نامت وبعدها عن صدره وطاحت بين يديه انهبل:روووبي جلسها على اقرب كسرسي وضرب على وجهاها
روبي:...................
نواف ينادي بصراخ:نووووووووووووووووووووووووووووووووووووووووووو وف نووووووف
نوف كانت تكلم في الممر ومن سمعت صراخ نواف راحت له ركض:وش فيك.؟؟ وانتبهت لروبي:وش فيها.؟؟؟
نواف بخوف على روبي:مدري توها كانت زينه بس فجئه،،رووحي بسرعه جيبي عبايتها باخذها لاقرب مستشفى
نوف:ان شاءالله
جابت له العبايه وطلع وفي اقرب مستشفى وقف ونزل بها بسرعه عشان يلحقون عليها...
بيت الجد
منيره:وانت على أي اساس صدقتها؟؟؟
الجد:هوو قايل لي انه يحبها وما استبعد انه يكون الي في بطنها ولده
منيره:قالك يحبها بس نواف وانت مربيه مستحيل يسوي شي مثل كذاا
الجد:انا معد اثق فيه ابد من ضيع بنت عبدالعزيز المره الي راحت والحمدلله اني ماسامحته توني كنت بغلط أكبر غلط في حياتي
منيره:لاتستعجل يامحمد عشان ماتظلم الولد
الجد:انا ما اظلم احد كلن ياخذ حقه وهوو يستاهل
منيره:طيب وينك رايح له؟؟؟
الجد:بجيب روبي بنت ولدي من عرس اخوها قبل ما ياخذها وانقذها منه
منيره:لاحوول ولاقة الا بالله
انتهى البارت السابع والعشروون
توقعاتكم....
04-04-2010, 06:27 AM
رد: روبي أمانة في رقبتك يا نواف / روايتي الثانية كاملة
جود الاماسي 
جديد منتدى ملتقى عضوات حوامل
العرض العادي
