ما ادري هل انا بهدم بيتي بهآالكلمه ؟؟!!

بدرالبدور · 08-22-2011, 06:32 AM

بسم الله الرحمن الرحيم
السلام عليكم ورحمة الله وبركاته

كيفكم بنات

الله يستر عليكن انامتزوجه من 7 شهور تقريبآ
وزوجي بعيد عن العايله مره
سالني بالشهر الاول قالي احلفي بالله انك ماتحبين احد قبلي
وانا انصدمت من سؤاله قعدت ابكي
وانا بصراحه كنت ع علاقه مع واحد استمرت شهرين وانتهت ومحد كان يدري عن هالعلاقه
قلتله وقال هو خطبك وكذبت عليه وقلت ايه واهلي ارفضوه لانه موب موظف
كل هالشي صار وانا قاعده ابكي زي الطفل
وحلف لي انه ينسى الموضوع ابد ولايفتحه لي
وانا احب زوجي حييييييييييييل وندمت اني قلتله بس انا قلتله لاني ابي اصير واضحه بحياتي
والى يومكن هذا وانا ندمانه قد شعر راسي اني قلتله
ع انه يحبني ويموت فيني وانا اموووت فيه
وانا حاليآ حامل بالشهر الخامس

سوالي هو
هل انا غلطانه لما قلتله ؟؟!!

احس اني بهدم بيتي لاني قلتله
ومن ذيك اللحظه ماجاب طاري
بس انا احيان التفكير يذبحني
شسوي
انا ما اقول لاحد ابد ولاحد يدري عن هالسر
تكفوون يابنات ساعدني قولن اي شي يخفف علي التفكير
انا عمري 22 سنه انصحوني اعتبروني اخت او بنت لكن

ادري اني اخطيت بهالشي بس والله موب بيدي
من سالني قعدت ابكي زي الطفل

يارب ساعدني يارب وانسى هالسالفه
تكفون لاطنشون

يارب يستر على اللي ترد ويحفظهآ ويرزقهآ من حيث لا تحتسب

يازين الصبر · 08-22-2011, 06:39 AM

ياقلبي وسعي صدرك بس ياعمري انتي غلطتي لماقلتي له بس اهم شي خلي عندك ثقه ثقه وسوي نفسك انك بريئه وصدق انك ماتعرفين وموو حقت خرابيط عشان مايشك خليك واثقه لاترتبكين وتفكرين بالسالفه خلاص انسي واذ فاتحك بهالموضوع خلي عندك برود لاتعصبين وانسي

●•• ShąhǿǾǿĎ ••● · 08-22-2011, 06:41 AM

اممممممممممم حلوه الصراحه مااعتقد سويتي شي غلط بس كان المفروض محلفته كم بنت يعرف قبلج خخخخخخخ علشان اصير وحده بوحده لاتهتمين قلبي اذا زوجج انسان واعي راح يفهمج مو غلط الانسان يحب قبل لايتزوج انسان ثاني المهم يخلص للشخص الي ارتبط فيه.

الله يسعدج وويوفقج بحياتج ويرزقج الذريه الصالحه اميييييييين يارب

بدرالبدور · 08-22-2011, 06:42 AM

الله يجزاكن الجنه
ويحفظلكن غاليكن

وربي ارتحت من كلامكن

بس انا خايفه من تفكير زووووووجي ؟؟!!

انتظر البقييييييييييييييييييييييه

خجل*أنثى · 08-22-2011, 06:42 AM

بصراحه غلطتي ,,بس خلاص دامه ساكت لاتجلسي تفكري وتعطي الموضوع اكبر من حجمه..عشاان ماتلفتي زوجك دامه نسي..خلاص هي كلمه وطلعت ..
وحاولي بأسلوبك وطريقتك وحبك تحتوي زوجك ..
لاعاد تطري له الموضوع حتى لو تلميح..
والله يتمم حملك ع خير ويسعدك بحيااتك..

بدرالبدور · 08-22-2011, 06:46 AM

خجل ..

الله يجزاك الجنه ويفتح لك باب الخير

جمره غضى · 08-22-2011, 07:01 AM

ماشاء الله
واضح ان زوجك عاااااقل ومتفهم الامر
وعند وعده لانه ماعاد جاب طاري الموضوع ....

خلاص انتي لاتفكرين في المااااضي انسيييييييه
وخلي تفكيرك في حياتك الحاليه وفي النونو اللي جاي بالطريق

ولاتنسين الدعااااء يا قلبي
حطي في قوقل دعاء تسخير الزوج
وانسخيه والصقيه في مجلد جديد على سطح المكتب
وكل ما فتحتي النت وجاء وقت استجابه الدعاء .... افتحي المجلد واقري دعاااااء التسخير
يعني بين الاذان والاقامه ... اخر الليل ... يوم الجمعه ....الخ

وان شاء الله ربي يريحك ويطمن بالك

جريحة المحبه · 08-22-2011, 07:38 AM

انتي قلتيها قبل الزواج خلاص حبيبتي مايقدر يشك بك حاليا لاانك دخلتي بذمته

بعدين كل الشباب والبنات نفس الحكايه شغل مراهقه وطيش فالوظع فري

لاتوسوسين كثير حتى لو انتي منكره يوم سالك بيكذبك بيقول معقوله مراهقه مالها ماضي

تحياتي القلبيه

رَسـمتڪَ حــِلّـِم ♥ · 08-22-2011, 08:14 AM

انتي بيدك تنسيه السالفه وتحسسيه بحبك وانك مالك غيره ولا تفكري بأحد ثآني

وزي ما قالوا البنات لا تلفتي انتباهه لانه بيشك حلو انه نآسي خلاص قفلي ع السالفه وانسيها ..

ربي يكتبلك الخير ويسخركم لبعض

حياتي انا · 08-22-2011, 09:33 AM

صراحه سواله غريب بس انتى لاعاد تجيبي
طاري الموضوع وحسسيه بحبك واهتمامك فيه
الله يوفقك ويسعدك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
هبوط الرحم أو تدلي او سقوط أو تهدل الرحم و هبوط المهبل أوالسقوط المهبلي	عزيزة النفس	منتدى أمراض الرحم	7	03-22-2014 08:43 AM
ما ادري اش السالفه	أم يزن.	منتدى أعراض الحمل والوحام	2	03-29-2011 10:20 AM
من اين تهدم البيوت؟؟؟	المتفائله بالخير	منتدى الحياة الأسرية والزوجية	8	01-22-2011 05:51 PM
هبوط الرحم أو تدلي او سقوط أو تهدل الرحم و هبوط المهبل أوالسقوط المهبلي	rose	منتدى أمراض الرحم	6	06-12-2010 03:06 AM