ديوانية البحرين - دردشة حوامل البحرين - البحرينيات

Roze · 09-07-2011, 04:41 PM

هلااااا
اخييرا صاارت حركة
شمووس كاالعاده سوالفها ماتنمل اندمج ويا هريجها
عيل دليتين المنزل
افا عليييش حياش اي وقت يابعد جبدي

احلااااام ضكرتيني امس بديت اصوم ولا جت الساعه اربع ونص ال ام الديفان نازله واسبه من ساسها لراسها
مصومة روحي من الصبح
وهداني مفلوته من الويع والهدا

باقي البنات
فلونه
طفطوف
حنين للماضي
حبيبة حسونها
ام راشد وينش ولدتين واختفيتيييين
ارجعو يا بنات جا الفطر بسكم سبااااات

شموووس ننتظر الجزء الثاني واذا كملتين ببدي بقصتي

Roze · 09-07-2011, 05:40 PM

دامكم مبسطين
بنسدح لحضراتكووووو كيكة التمر اللذيذه
خفيفه وجميله وبسيطه والكل يحبها في الشتا ويا فنيال القهوة

المقادير سمو بالرحمن
كلاص جبن من الطوال لبن
نفس الكلاص حطو فيه تمر خلاص بدون عنقيشه خلو الجهال يفلفلون فيه
نص هالكلاص زيت
بيضتين وفانيلا شوي
كلاصين طحين جميع الاستعمالت يفضل فاخر الكويتي
بكنق باودر وخميره

وجوووووووووز وكثرو منه لانه حلو

عندكم من نص هالكلاص الي كله شكر حسب رغبتكم اذا بتسوونه لامهاتكم وابوتكم خففففففو عن علة السكري

Roze · 09-07-2011, 05:42 PM

صلصة التوفي وهي عباره عن سكر نحمصه علا النار ونضيف له كريمة خفق وادا حبيتين تمرتين دوبوهم وياه
طريقة العمل
ببدل بنين وبجي بكتبها

Roze · 09-07-2011, 06:10 PM

يالله يابنات ياشاطرات
عشان نحضر الكيكة
في خلاط نخلط اولا بالترتيب عشان يصير شغلنه مرتب وعلا اصوله
السواءل اولا
نخفق البيض ونضيف له الفانيلا واذا ماتوفرت بامكانه نضيف قفشة هيل او زعفران بعد تعطي نكهه حلوه
وعقب مانخفق البيض نضيف كوب اللبن الي نقدر نستبدله بكلاص ماي دافي ولازم يكون دافي ليش ؟؟؟
عشان اذا اضفنه الخميره ماتموت لانه تحتاج لبيئة دافيه عشان تشتغل
ونخفق وبعدها نحط الزيت
وبعدها السكر
ونخفق
بعدين نحط الطحين والبكنق باودر والخميره ورشة ملح خفيييفه وطبعا التمر
والجوز اخر شي نكسر قطع متوسطه وكبيره نوعن ما عشان يطلع شكله وطعمه
ندهن قالب حلو ومرتب ونحطها في الفرن لمده نص ساعه الي 45 دقيقه ونجيكه بعود اسنان
في هالاثناء نكون احنه نحضر التوفي
تقدرين تستخدمين الحليب المركز مع السكر الاسمر والتمر وجبنتين او 3 كيري
وتقدرين تسوين الطريقه الي فوق
بس اهمشي تحطين التوفي علا الكيكة وهي بارده او دافيه نوعن ما
وتزينينها بمبروش البستك

عليكم بالعافيه

شمس الصباح · 09-08-2011, 05:21 PM

شوفو اني اذا رحت بيت الي روز بكمل قصة ولادتي اليها لان محد رد غيرها

بعض الناس سدحو الطبخة لا عندي تمر ولا جوز عندي كل المكسرات الا الجوز هالمرة ما اخذنا هئ هئ

ام احلى قمر · 09-08-2011, 07:42 PM

سلام
شخباركم وحدة وحدة نفرة نفرة من غير ذكر أسماء ؟
وحشتــــــــــــــــــــــــــوني
ردوا نفس قبل نلتم ونسولف له ,,, فجيتون علي خاطري اشرب جاي وياكم وأكل مكسرات يالله انتظركم كل عصرية اوكي

فلونة · 09-09-2011, 09:00 PM

السلام عليكم ,, شخباركم؟؟

ادري محد بيجاوبني بس كتبت هالرد و قلبي معورني على الحال الي وصلت له الديوانية... تمنياتي الجميع بصحة و عافية
وحشتوووني بشكل كبير وافتقد وجودكم في هالديوانية اللي عمرناها بضحكنه وسوالفنااا ..

الله يكتب لنا يوم نتجمع فيه مع بعض وو نسمع الاخبار اللي تسر واللي تدخل تكتب لنا رد يطمنا عليها .. :)

القاكم على خير احبتي... ولا تنسونا من الدعاء في هذا اليوم

بنت الذوادي · 09-09-2011, 10:12 PM

السلام عليكم ورحمة الله وبركاته

حبيت انضم اليكم فهل من مرحب بي

صعب تنساني · 09-10-2011, 09:07 PM

وووينكم يا بنات اليوااانيه ؟؟؟؟

الفتاة الذهبية · 09-10-2011, 10:02 PM

امهات لا يفوتكم

قلت بخترع ايس كريم

حطيت دريم ويب 4 اجياس
وكريم كرميل جيسين
وحليب بودرة 6 ملاعق

وبعدين حطيته في قالب
وسيده في الثلاجة لكن بعدين
رحت اذوقه الا .................................................. .................

حااااااااااااااااااااااااااااااالي
والي فيها خير تاكله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
توزيعات وهدايا وستاندات _ في البحرين	بنت البحرين	منتدى السوق التجاري	4	10-07-2010 11:45 PM
ديوانية حوامل البحرين	أم _ أحمد	إستفسارات حوامل من الشهر السابع إلى الشهر التاسع	3129	09-19-2010 11:26 PM
نداء الى حوامل البحرين	اشراع الهوى	إستفسارات حوامل من الشهر السابع إلى الشهر التاسع	0	06-18-2010 12:47 AM
ام البدرين الله يعطيك العافيه	عاشقة طيور الجنه	منتدى علاج العقم و تأخر الحمل	9	06-13-2010 04:37 PM
عين عذاري ( اهل البحرين )	الشوق عطري	المـنـتـدى الـعـام	2	08-18-2009 12:16 AM