تجمع حوامل ليبيا

ام اسيل · 09-08-2011, 08:23 PM

خير ياحلوات

ام اسيل · 09-08-2011, 08:25 PM

انا روحت والحمد لله
تعبت من الطريق قريب متت لكن بديت نسترد في صحتي الحمد لله
كيف حالكم كلكم يارب اموركم تمام

يقين · 09-08-2011, 08:56 PM

ام اسيل حمدلله علي سلامتك يابختك والله روحتي لناسك وبلادك اني بنمووووووووووووووووووت خلاص معاش نبي نقعد اهني ووووو مزال 4 سنين شن بيفوتهم اف اف اف عيييييييييت نبي انروووووووح

يقين · 09-08-2011, 09:04 PM

عيون هههههه ولا يهمك اني اللي مايقصقصش ما يخشش مودي المهم
اني ياحنه هادا جيت لمصر شهر 10 اللي فات باهي وبعدين نزلت ليبيا عليشان المظاهرات شهر 2 ورجعت مصر شهر3 وحاليا ليا6 شهور
وعندي بنوته عمرها4 شهور واسمها فاطمه
واحني جايين اهني علي خاطر راجلي يقرا علي حساب الدوله ايفاد يعني واني نقرا معاه وسلامتك

يقين · 09-08-2011, 09:07 PM

ميراس الف الف الف لاباس اعليك حبيبتي والله هادا وين انتبهت لما كتبتلك عيون ان شالله ربي يشفيك ويفرج عليك ويرزقك الشفاء من حيث لا تحتسبي يااارب اللهم امين

hatoo · 09-08-2011, 10:44 PM

حمدلله علي السلامه ام اسيل شنو اخبارك واخبار اولادك وزوجك ان شاء الله تمام وشنو اخبار ميرنا متعرفيش لها فتره مخشتش ان شاء الله خير

يقين · 09-08-2011, 11:40 PM

هاتو كيف حالك وحال بنوتك ان شالله تمام

أم سعد · 09-08-2011, 11:44 PM

سلامي للجميع

ام قصى محمد · 09-09-2011, 02:26 AM

السلام عليكم
ميراس طهور انشاء الله
لاباس عليك والله يطمنك على اهلك
يقين انشاء الله بالنجاح انتى وزوجك وانتى تطمنى على هلك
الله يسمعك منهم اخبار طيبه

عيون حبيبتى حرام بنتك
صغيره انا بنتى فايزه لما كانت بنفس عمرها قالولى خلاص علميها وتعبت انا والبنت وماتعلمت وبعدين وقفت ورجعت للحفاظ وعمرها 2 و7 اشهر تعلمت وما اخت منى وقت انتظرى شوى
وفعلا ارجعى اشتغلى مثل ماتقولى لانه الشغل راح يغير حياتك
انا اليوم متضايقه
لانه اليوم جابو شهيد لدرنه من جبهه سرت وانا متضايقه وخايفه على ابى واخواتى الاثنين
الله يستر وينتصرو ثوارنا
مع انه 9/9 عيد ميلاد فايزه صح انا مانحتفل بيه بس نحب نعملها كيكه بالبيت تفرح بيها وحاسه انى على نفسيتى هذى الله يستر

ميرنا راح انجرب انكلمها بكرا
ام سعد مبروك حوشك عتبه خير عليك وعلى راجلك ووليدك
انشاء الله تفرشيه احلى اثاث

ام قصى محمد · 09-09-2011, 02:31 AM

ام اسيل الحمدلله على السلامه
رجعتى لبلادك الحره احكيلنا شن شعورك
هاتو حبيبتى اعذرينى العتب على النظر
ميرنا انشاء الله انكلمها بكرا وانطمنكم عليها