قصة ولادتي ببنتي فاطمة الله يحفظها هي واخوانها

[نصرة]

السلام عليكم
اخباركم يالله بلا مقدمات ندخل على طوول
ولادتي كانت يوم السبت في الليل 12و30 قبلها بكم يووم كنت احس ان ينزل مني ماي قليل طنشت ولا رحت المستشفى ويوم الخميس العصر رحت الحمام الله يكرمكم الا اشوف ينزل مني دم عاد انا خلاص قلبي قام يرجف وقلت لزوجي شكلي بوولد ينزل مني دم وكان بدوون الم لين الساعه 1الليل كنت نايمه وجلست على الالم يجي ويروح لين الصباح بعدين خف وطول يوم الجمعه والسبت الالم يروح ويجي بس مو منتظم واذا جاني الم اشوي قوي ينزل دم صار الالم يروح ويجي لين المغرب صرت احسب كان منتظم زوجي الله يهديه عنده شغلة برة قال لازم يطلع عاد قلت له لاتتاخر قال زيين وانا تعبانه وصرت جالسه فشقتي اوون اون من الالم وولادي معاي كل ماونيتابني الصغيير يوون اياي (اذا دكرته اقعد اضحك) الله يهدي زوجي تاخر للساعه 10 وشوي وانا حدي تعبانه كلمته بصراخ ها كييف ماجييت قال جاي جاي في الطريق (كان داك اليوم مشغول حده) شوي يجي يجي تاخر وشوي الا داخل ومعاه عشا من المطعم اقوله متفرغ انا تعبانه وانت رايح تشتري عشا عاد غصب علي لازم اتعشى وعلى طوول للحمام سبحت وتجهزت وعلى طوول السيارة رحت المستشفى راحت عني الطلقة قال لي زوجي يالله نزلي قعدت اضحك يمكن يرجعوني مافي ولاده قال لي يالله من خشيت الطوارئ ابغي امشي مااقدر جات لي الممرضه على طوول واخذوا كشف قالت من 6 الى 7 سم ولادة وعلى طوول فوق لغرفة الولادة اخذت تحاليل ركبت المغدي وركبت التخطييط ماققدر على التخطيط احسه يزيد الالم اقول لها شيليه تقوول لا لازم عشان البيبي صار الالم يزيد يزيد وشوي فتحت الكيس وقالت لي اذا حيستي بدفع دفعي وشوي قلت لها بيطلع بيطلع وكشفت قالت خلاص ولاده يالله اشوف الراس يالله يالله وشرفت البنوته الساعه 12 ونصف وقالت ها شوفيها بنت وشوي طلعت المشيمه وقعدت في المستشفى للين العصر وقالوا لي خروج ماينلامون حكومي
نصيحة مني لكم اذا جاتكم الطلقة خذي نفس شهيق وزفيير والله احس للالم يخف وماله داعي الصراخ هو الا يزيد الالم
وقت الطلق في المستشفى صرت ادعي للمحروميين و لبنات تجمع شوال
ومادري كييف كل فبالي وحده اسمها فرقد النور صرت ادعي لها الله يسهل عليها وشوفوا ياسبحانك يارب بعد ماولدت بيومين خشيت على التجمع طلع ان هي ولدت بعدي في الصباح الا مايدري يقول حاسة فيها مادري احس ان هي اختي مادري كييف
الله يرزق كل مسلم ومسلمه الذريه الصالحه ياكريم

[فجر2011]

الحمدلله ع سلامتج وسلامة البيبي
الله يحفظها ويخليها لج يارب

[فرقد النور]

الحمد لله على سلامتك وتتربى بعزكم يارب
والله القلوب عند بعضها وهذا من محاسن الصدف وانا هم بعد ذكرتك في الولادة وكل البنات
ويارب نتجمع على الخير والبركة وعند بيت الله يارب
بوسي لي الكتكوته الصغيرة الله يحفظها
لاتنسي ابني من دعواتك *

[يازين الصبر]

الف مبررررررررررررروك ياقلبي
والحمدالله على السلامه والله يحفظها لكم وسبحان الوحده اذ دعت لاخواتها ترى لها اجر والملائكه تقول ولك بمثله وجزاك الله الف خير
بس بسئلك اختي اذ ان شاءالله حملت عشان بكريه تنصحين ماروح الا لما يفتح الرحم ولا كيف

[عشق الطفولة]

الف الف مبروووووووووك

و الحمد لله على سلامتك و سلامة البنوتة الله يحفظها من كل شر يا رب

[ابنائي حياتي]

الف مبروك تتربى بعزكم يارب

[عروسة حبيبي]

الف الحمدلله عسلامتكم انتي وفرقد ويتربون الحلوين بعزكم
وعقبآل كل الحوامل يارب ربي يسهل عليهم وعقبآل كل محرومه :)

[غلا الشوق]

الحمد لله على سلامتك وتتربى بعزكم يارب

[الصمت عشقي]

الحمدلله ع سلامتك خيتو ع سلامة البنوته
وان شاء الله تفرحي فيها وتشوفيها عروووووسه
وعقبالنا ياااااااااااااارب بولاده سهلة ميسره من رب العالمين
وربي يرزق كل محروم ومحرومه بالذرية الصالحه
اللهم آآآآآآآآمين

[نصرة]

مرحبا شكرا لكل الي ردوا ويعطيكم العافية
فرقد النور الله يسمع منك ان شاء الله نجتمع عند بيت الله
وباستك العافية ويحفظ لك يارب ابنك ويعطيه العافية
يازبن الصبر اذا مانزل منك ماء لاتروحي المستشفى الا اذا شفتي الطلق عندك منتظم كل 10 دقايق الله يسهل عليك